Connect with us

ព័ត៌មានអន្ដរជាតិ

តំបន់មួយរបស់កាណាដា ប្រកាសអាសន្ន មុនបាតុភូតសូរ្យគ្រាស មហាកម្រ

បានផុស

នៅ

តំបន់ Niagara របស់ប្រទេសកាណាដា បានប្រកាសភាពអាសន្ន មុនពេលកើតមានបាតុភូតសូរ្យគ្រាមហាកម្រនៅថ្ងៃទី៨ខែមេសាខាងមុខ ព្រោះថា ពេលនោះច្បាស់ជាមានមនុស្សយ៉ាងច្រើនកុះករទៅប្រមូលផ្តុំគ្នានៅតាមទីតាំងនានា ក្នុងនិងជុំវិញទឹកធ្លាក់ដ៏ពេញនិយមហើយ។

(រូបថត៖ AFP)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការចុះផ្សាយរបស់ Reuters នៅថ្ងៃអង្គារទី២ខែមេសា, ប្រធានតំបន់លោក Jim Bradley បានចេញសេចក្តីប្រកាសឲ្យមានការប្រុងប្រយ័ត្ន ដោយនិយាយថា តំបន់ទាំងឡាយត្រូវចាត់ចែងរៀងៗខ្លួន ដើម្បីការពារសុខភាពនិងសុវត្ថិភាពរបស់អ្នកស្រុកនិងទេសចរ ក៏ដូចជាការពារហេដ្ឋារចនាសម្ព័ន្ធសំខាន់ៗ បើមានករណីអាក្រក់ណាមួយកើតឡើង។

ទឹកជ្រោះដ៏ល្បីល្បាញនៅតាមបណ្តោយព្រំដែនកាណាដា-សហរដ្ឋអាមេរិកមួយនេះ គឺស្ថិតចំផ្លូវសូរ្យគ្រាស ហើយបច្ចុប្បន្ន មានមនុស្សជាច្រើនបានធ្វើដំណើរ និងកក់សណ្ឋាគារនៅទីនោះរួចទៅហើយ ដើម្បីមើលបាតុភូតដ៏មហាកម្រក្នុងឆាកជីវិត នៅឯទីតាំងអច្ឆរិយៈធម្មជាតិមួយរបស់អាមេរិកខាងជើង។

(រូបថត៖ Shutterstock)

តាមការប៉ាន់ស្មានពីមន្ត្រីជាន់ខ្ពស់ប្រចាំតំបន់, មានមនុស្សរហូតដល់មួយលាននាក់ នឹងនៅទីនោះនៅថ្ងៃសូរ្យគ្រាស ខណៈជាធម្មតាក្នុងមួយឆ្នាំមានមនុស្សទៅលេងទៅនោះប្រមាណ១៤លាននាក់។ តំបន់នេះក៏នឹងមានការកែប្រែកម្មវិធី និងសេវាកម្មមួយចំនួន ហើយបិទកន្លែងខ្លះផងដែរ ដើម្បីសម្រួលចរាចរណ៍ នៅថ្ងៃទី៨ខែមេសាខាងមុខ។

សូមជម្រាបឡើងវិញ បានជាគេថា សូរ្យថ្ងៃ៨ខែមេសា គឺជាព្រឹត្តិការណ៍កម្រព្រោះ ៩០ភាគរយនៃអង្កត់ផ្ចិតរបស់ព្រះអាទិត្យ នឹងត្រូវបាំងដោយព្រះចន្ទ ហើយជះស្រមោលមកផែនដី។

(រូបថត៖ iStock)

សូរ្យគ្រាសកម្រនេះ នឹងគ្របដណ្តប់លើរដ្ឋចំនួន១៥របស់អាមេរិក ហើយបើតាមគន្លង វានឹងធ្វើដំណើរចេញពីប្រទេសម៉ិកស៊ិក ឆ្ពោះទៅភាគឦសានអាមេរិក ចាប់ពីរដ្ឋ Texas ទៅកាន់រដ្ឋ Ohio មុនពេលទៅដល់ប្រទេសកាណាដា និងត្រលប់ទៅរដ្ឋ Maine វិញ។

សូរ្យគ្រាសនេះ កើតឡើងចំពេលថ្ងៃដែលមានយានយន្តបើកពេញផ្លូវ ហើយដោយសារតែភាពងងឹតស្លុបនេះហើយ ទើបអាជ្ញាធរអាមេរិក បានចេញសេចក្តីព្រមានចំពោះការធ្វើចរាចរណ៍ ព្រោះវាអាចបង្កគ្រោះថ្នាក់ដល់អាយុជីវិត។

(រូបថត៖ AP)

ម្យ៉ាងវិញទៀត ប្រជាជនក៏ត្រូវបានណែនាំឲ្យពាក់វ៉ែនតាផងដែរ ពោលគឺកុំមើលសូរ្យគ្រាសដោយភ្នែកទទេ ហើយរដ្ឋនានាក៏ពិចារណាបិទសាលារៀនទៀតផង ដើម្បីសុវត្ថិភាពសិស្ស។

យោងតាមក្រុមអ្នកជំនាញណាសា បានឲ្យដឹងថា ប្រសិនបើខកខានចំពោះព្រឹត្តិការណ៍លើកនេះ ប្រជាជនកាណាដា ក៏ដូចជាអាមេរិកនឹងលែងបានឃើញសូរ្យគ្រាសដ៏កម្របែបនេះទៀតហើយ ព្រោះថា វានឹងមិនកើតឡើងម្តងទៀតឡើយ រហូតដល់ឆ្នាំ២១០៦ឯណោះ៕

អត្ថបទ៖ សុខ សុវណ្ណ

ចុចអាន៖ សប្តាហ៍ក្រោយ អាមេរិក ជួបសូរ្យគ្រាសមហាកម្រ អាចបង្កគ្រោះថ្នាក់ដល់ជីវិតមនុស្ស

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៤ នាទី មុន

តំបន់មួយរបស់កាណាដា ប្រកាសអាសន្ន មុនបាតុភូតសូរ្យគ្រាស មហាកម្រ

ព័ត៌មានជាតិ១០ នាទី មុន

ឆ្នាំនេះ ក្រសួងអប់រំ គ្រោងបេក្ខជនជិត ៤ ពាន់នាក់ ដាក់ពាក្យសុំប្រឡង​ជ្រើសរើសអាហារូបករណ៍ទៅសិក្សានៅបរទេស

ព័ត៌មានអន្ដរជាតិ៥៤ នាទី មុន

អ៊ីស្រាអែល វាយប្រហារកម្ទេចស្ថានកុងស៊ុលអ៊ីរ៉ង់ សម្លាប់ទាំងមេទ័ពកំពូល

ព័ត៌មានជាតិ១ ម៉ោង មុន

រដ្ឋមន្ត្រីសុខាភិបាលជំរុញឱ្យមន្រ្តីត្រូវប្តេជ្ញាលុបបំបាត់ជំងឺគ្រុនចាញ់តាមគោលដៅកំណត់ត្រឹមឆ្នាំ២០២៥

សន្តិសុខសង្គម៩ ម៉ោង មុន

យុវជន​វ័យក្មេង​ម្នាក់ ​ត្រូវ​បាន​ឃាតក​សម្លាប់ យក​ទៅ​ដុត​នៅ​ក្នុង​រណ្ដៅ​ចាក់សំរាម​១​កន្លែង

Sokha Hotels

ព័ត៌មានពេញនិយម