ខេត្តកណ្ដាល ដកភូមិជ្រៃធំ លែងជា "តំបន់លឿងទុំ" និង "តំបន់លឿង" ចាប់ពីថ្ងៃនេះតទៅ
Connect with us
Helistar Cambodia - Helicopter Charter Services

កូវីដ-១៩

ខេត្តកណ្ដាល ដកភូមិជ្រៃធំ លែងជា “តំបន់លឿងទុំ” និង “តំបន់លឿង” ចាប់ពីថ្ងៃនេះតទៅ

បានផុស

នៅ

អភិបាលខេត្តកណ្តាលបានឱ្យដឹងថា រដ្ឋបាលខេត្ត បានសម្រេចបញ្ចប់ការអនុវត្តវិធានការរដ្ឋបាល សម្រាប់ភូមិសាស្ត្រភូមិជ្រៃធំ នៃឃុំសំពៅពូន ស្រុកកោះធំ ខេត្តកណ្ដាលលែងជា “តំបន់លឿងទុំ” និង “តំបន់លឿង” ចាប់ពីថ្ងៃទី១៩ ខែមិថុនា ឆ្នាំ២០២១នេះតទៅ ក្រោយពីស្ថានភាពជំងឺកូវីដ-១៩ នៅតំបន់នេះគ្រប់គ្រងបានល្អប្រសើររួចមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក គង់សោភ័ណ្ឌ អភិបាលខេត្តកណ្ដាល បានឱ្យដឹងនៅក្នុងសេចក្តីជូនដំណឹងថា ត្រូវបានបញ្ចប់ការអនុវត្តវិធានការរដ្ឋបាលសម្រាប់ភូមិសាស្ត្រភូមិជ្រៃធំ ឃុំសំពៅពូន ស្រុកកោះធំ ខេត្តកណ្ដាលដែលត្រូវបានកំណត់ជាតំបន់លឿងទុំ និងតំបន់រឿង កាលពីថ្ងៃទី១១ ខែមិថុនា ឆ្នាំ២០២១ ចាប់ពីថ្ងៃទី១៩ ខែមិថុនា ឆ្នាំ២០២១នេះតទៅ។

លោកអភិបាលខេត្ត បានណែនាំដល់រដ្ឋបាលស្រុកកោះធំត្រូវរៀបចំការងារផ្នែកសន្តិសុខសណ្តាប់ធ្នាប់ និងរបៀបរៀបរយសាធារណៈ និងសម្របសម្រួលលើកិច្ចការចាក់សាំងបង្ការជំងឺកូវីដ-១៩ និងសម្របសម្រួលការផ្ដល់សេវាសុខាភិបាលទូទៅ និងអនុវត្តវិធានសុខាភិបាលរួមមាន ការយកសំណាក ការធ្វើចត្តាឡីស័ក និងការព្យាបាលជំងឺកូវីដ-១៩។

ទន្ទឹមនឹងនេះត្រូវដឹកនាំត្រួតពិនិត្យសហការជាមួយអាជ្ញាធរពាក់ព័ន្ធដើម្បីផ្សព្វផ្សាយ និងណែនាំដល់បងប្អូនអាជីវករលក់ដូរទាំងអស់ត្រូវរៀបចំខ្សែសុវត្ថិភាពចងព័ទ្ធជុំវិញទីតាំង ឬកន្លែងលក់ដូរនីមួយៗដើម្បីរក្សាគម្លាតសុវត្ថិភាពបុគ្គលព្រមទាំងរៀបចំដាក់អាកុល ឬជែលសម្រាប់អតិថិជនលាងដៃគ្រប់គ្នា និងអនុវត្តតាមវិធានការសុខាភិបាល។

លោកអភិបាលខេត្តបានណែនាំទៀតថា លើសពីនេះទៀតត្រូវកំណត់គោលការណ៍ចាំបាច់ផ្សេងទៀតដើម្បីធានាការអនុវត្តការងារទប់ស្កាត់ និងប្រយុទ្ធការឆ្លងរាលដាលជំងឺកូវីដ-១៩ចំពោះទីតាំងដែលមានករណីវិជ្ជមានកូវីដ-១៩ ហើយត្រូវបានបិទទីតាំងមុនពេលសេចក្តីសម្រេចនេះចូលជាធរមាន រដ្ឋបាលស្រុកកោះធំ មន្ទីរសុខាភិបាលខេត្ត និងមន្ទីរអង្គភាពពាក់ព័ន្ធទាំងអស់ត្រូវបន្ត និងគ្រប់គ្រងចាត់វិធានការឱ្យបានចប់សព្វគ្រប់ដើម្បីកាត់ផ្ដាច់ឬសគល់នៃប្រភពចម្លងជំងឺកូវីដ-១៩។

លោកអភិបាលបានបន្ថែមទៀតថា ចំពោះទីតាំងដែលមានការឆ្លងការរាលដាលជំងឺកូវីដ-១៩ថ្មីក្រោយពេលសេចក្តីសម្រេចចូលជាធរមានត្រូវចាត់វិធានការរដ្ឋបាលជាបន្ទាន់ដោយធ្វើបិទទីតាំងដូចជា ផ្ទះ ឬបន្ទប់ជួល ឬអគារ ឬអាជីវកម្ម ឬជាច្រកចូល ឬជាប្លុកតូចនោះជាបណ្ដោះអាសន្ន និងត្រូវកំណត់អ្នកពាក់ព័ន្ធដែលត្រូវយកសំណាកទៅវិភាគរកកូវីដ-១៩ ព្រមទាំងអនុវត្តវិធានការធ្វើចត្តាឡីស័កស្របតាមគោលការណ៍ណែនាំរបស់ក្រសួងសុខាភិបាល៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៨ ម៉ោង មុន

ក្រុង​ប៉ោយ​ប៉ែត​រង​ការជន់លិច​ ក្រោយ​ភ្លៀង​ជាង​៤​ម៉ោង​

ព័ត៌មានជាតិ៩ ម៉ោង មុន

ចៅ​ហ្វាយ​ស្រុក​បន្ទាយ​ស្រី​បញ្ជាក់​ពី​កា​រភាន់​ច្រឡំថា​ អ្នក ឧកញ៉ា ឡេង ណាវ៉ាត្រាទិញ​ដី​មិន​ស្រប​ច្បាប់​

ព័ត៌មានជាតិ១០ ម៉ោង មុន

ចៅ​អធិការ​វត្ត​មួយ​ក្នុង​ស្រុក​បាទី​​ឆ្លងកូវីដ១៩ ​គ្រូពេទ្យ​ចុះ​​តេស្ត​ព្រះសង្ឃ​​តា​ជី​យាយ​ជី​​ ៥១​ អង្គ/នាក់​​​​​

ព័ត៌មានជាតិ១១ ម៉ោង មុន

កងរាជអាវុធហត្ថ ស្ទាក់ចាប់រថយន្តសាំយ៉ុង២គ្រឿង ដឹកធ្យូង និងឈើគ្រញូង

ជីវិតកម្សាន្ដ១១ ម៉ោង មុន

ទោះបីបាត់បង់ជីវិត តែតារាកំប្លែង ៥ដួងនេះបានបន្សល់ទុកកេរ្តិ៍ឈ្មោះល្បីរន្ធឺសម្រាប់អ្នកគាំទ្រ

Sokha Hotels

ព័ត៌មានពេញនិយម

Helistar Cambodia - Helicopter Charter Services