កូវីដ-១៩
ប្រសិនស្ថានភាពរីករាលដាលកូវីដ-១៩ ហួសបន្ទាត់ក្រហម តើនឹងមានអ្វីកើតឡើង?
លោកស្រី ឱ វណ្ណឌីន រដ្ឋលេខាធិការសុខាភិបាល មានប្រសាសន៍ថ្មីៗនេះថា ស្ថានភាពកូវីដ-១៩ នៅកម្ពុជា បានឈានចូលដល់បន្ទាត់ក្រហម នៃការឆ្លងរីករាលដាលក្នុងសហគមន៍ហើយ ដែលនាំឱ្យមានផលប៉ះពាល់ច្រើនដល់បុគ្គល គ្រួសារ និងសង្គមជាតិ។
លោកស្រីវេជ្ជបណ្ឌិត ឱ វណ្ណឌីន បញ្ជាក់ថា ឥឡូវនេះ ស្ថានភាពកូវីដ-១៩ នៅកម្ពុជា ចូលទៅដល់បន្ទាត់ក្រហម ឬសឹងតែឈានផុតបន្ទាត់ក្រហមហើយ ដែលទាំងប្រជាពលរដ្ឋ និងរដ្ឋាភិបាលមិនចង់ឱ្យស្ថានភាពវាយលុករបស់ជំងឺកូវីដ-១៩ លើសពីបន្ទាត់ក្រហមទេ។
លោកស្រីមានប្រសាសន៍ថា៖ “តែកាលណាលើសពីបន្ទាត់ក្រហមហើយ ពិបាកណាស់ គឺចូលទៅដល់ការរាតត្បាតទ្រង់ទ្រាយធំនៅក្នុងសហគមន៍របស់យើង។ ហើយបើឈានដល់ការរាតត្បាតទ្រង់ទ្រាយធំនៅក្នុងសហគមន៍របស់យើង នោះមូលដ្ឋានសុខាភិបាលសាធារណៈ មន្ទីរពេទ្យត្រូវតែហួសពីសមត្ថភាពហើយ ព្រោះជំងឺមានច្រើន ដល់តែអ៊ីចឹងអត់មានកន្លែងដាក់ ព្យាបាលអ្នកជំងឺទេ”។
អ្នកនាំពាក្យក្រសួងសុខាភិបាល ខាងលើនេះ បានលើកឡើងបន្ថែមថា ស្ថានភាពបែបនោះនឹងធ្វើឱ្យការស្លាប់បាត់បង់ជីវិតក៏កាន់តែច្រើន ហើយប្រជាពលរដ្ឋក៏ពិបាកប្រកបរបររកទទួលទាន ដោយសារតែកាលណាមេរោគវាយលុកខ្លាំង ចាំបាច់ត្រូវបិទខ្ទប់ទៀត ឬបិទកន្លែង ឬតំបន់មួយចំនួន ដើម្បីខ្ទប់កុំឱ្យមេរោគកូវីដ-១៩ ឆ្លងតទៅទៀត។
លោកស្រីវេជ្ជបណ្ឌិត ឱ វណ្ណឌីន បង្ហាញថា៖ “អ៊ីចឹងផលប៉ះពាល់វាធំណាស់ ប៉ះទាំងសេដ្ឋកិច្ច សេដ្ឋកិច្ចគ្រួសារ ក៏ដូចជាសេដ្ឋកិច្ចប្រទេសជាតិរបស់យើង។ ហើយបញ្ហាធំ គឺប៉ះពាល់ទៅដល់សុខភាពរបស់ប្រជាពលរដ្ឋ ហើយការស្លាប់បាត់បង់ជីវិតនឹងមានកំណើនកើនឡើងជាលំដាប់ប្រសិនបើយើងមិនខិតខំ នៅពេលនេះទាំងអស់គ្នាទេនោះ”។
ប្រធានគណៈកម្មការចំពោះកិច្ចចាក់វ៉ាក់សាំងបង្ការជំងឺកូវីដ-១៩ រូបនេះ បានសូមរំលឹកជាពិសេសចំពោះ បុគ្គលប្រជាពលរដ្ឋនីមួយៗត្រូវតែចូលរួមឱ្យបានសកម្មជាទីបំផុតនៅក្នុងដំណាក់កាលនេះដើម្បីចៀសផុតពីការវាយលុករបស់វីរុសកូវីដ-១៩ ពោលត្រូវបន្តអនុវត្ត ៣ការពារ ៣កុំ ចូលរួមចាក់វ៉ាក់សាំងកូវីដ១៩ និងកុំចេញទៅណាដែលមិនចាំបាច់។
គួរបញ្ជាក់ថា រយៈពេលប៉ុន្មានថ្ងៃចុងក្រោយនេះ ចំនួននៃការរកឃើញអ្នកវិជ្ជមានកូវីដ-១៩ នៅកម្ពុជា បានហក់ឡើងខ្ពស់គួរឱ្យកត់សម្គាល់ និងព្រួយបារម្ភ។ ជាក់ស្ដែងរយៈពេល៧ថ្ងៃចុងក្រោយនេះ នៅថ្ងៃទី២៣ ខែមិថុនា រកឃើញ ៥៨៧នាក់ ថ្ងៃទី២៤ ខែមិថុនា រកឃើញ ៦៥៥នាក់ ថ្ងៃទី២៥ ខែមិថុនា រកឃើញ ៦៩៩នាក់នាក់ ថ្ងៃទី២៦ ខែមិថុនា រកឃើញ ៧៤៥នាក់ ថ្ងៃទី២៧ ខែមិថុនា រកឃើញ ៨៣៩នាក់ ថ្ងៃទី២៨ ខែមិថុនា ៨៨៣នាក់ និងនៅថ្ងៃទី២៩ ខែមិថុនា ម្សិលមិញនេះ រកឃើញ ៧២៣នាក់៕
អត្ថបទ៖ ច័ន្ទ វីរៈ
-
ព័ត៌មានជាតិ១ សប្តាហ៍ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៦ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៦ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៧ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៦ ថ្ងៃ ago
កសិដ្ឋានវៃឆ្លាតដាំដំណាំពោតលើផ្ទៃដីប្រមាណ ១ពាន់ហិកតា នៅខេត្តសៀមរាប ត្រូវបានសម្ពោធជាផ្លូវការ