ព័ត៌មានជាតិ
លោកស្រី ឱ វណ្ណឌីន ជំរុញឱ្យគ្រប់មណ្ឌលសុខភាពត្រូវយកចិត្តទុកដាក់ខ្ពស់ក្នុងការព្យាបាល និងថែទាំអ្នកជំងឺ
លោកស្រីវេជ្ជបណ្ឌិត ឱ វណ្ណឌីន រដ្ឋលេខាធិការក្រសួងសុខាភិបាល បានជំរុញឱ្យតាមមណ្ឌលសុខភាព ត្រូវយកចិត្តទុកដាក់ខ្ពស់ ក្នុងការព្យាបាល និងថែទាំអ្នកជំងឺ ធ្វើយ៉ាងណាឲ្យប្រជាពលរដ្ឋ មានទំនុកចិត្តមកលើកមន្ត្រីសុខាភិបាល។ លោកស្រីលើកឡើងបែបនេះ នៅក្នុងពិធីសំណេះសំណាលជាមួយមន្ត្រីរាជការសុខាភិបាល នៃរដ្ឋបាលខេត្តកំពង់ចាម នៅព្រឹកថ្ងៃទី២០ ខែមីនា ឆ្នាំ២០២៤ នៅមន្ទីរសុខាភិបាលខេត្ត។
![](https://www.kampucheathmey.com/wp-content/uploads/2024/03/image-1078-1024x682.png)
លោកស្រី បានក្រើនរំលឹកដល់ថ្នាក់ដឹកនាំតាមមន្ទីរពេទ្យបង្អែក មណ្ឌលសុខភាព ត្រូវយកចិត្តទុកដាក់ខ្ពស់ធ្វើយ៉ាងណាចាប់ឱ្យបាននូវតម្រូវការរបស់ប្រជាពលរដ្ឋ ត្រូវពង្រឹងវិស័យសុខាភិបាលឱ្យមានប្រសិទ្ធភាពខ្ពស់ ខណៈការអប់រំសុខភាព គឺជាចំណុចស្នូលក្នុងការអភិវឌ្ឍវិស័យសុខាភិបាល ព្រោះការងារអប់រំ មានសារសំខាន់ណាស់ក្នុងវិស័យសុខាភិបាល ជាអាទិភាពទី ១ (ការចាក់ថ្នាំបង្ការ ការថែទាំមុន និងក្រោយសម្រាល ការពិនិត្យពិគ្រោះជំងឺក្រៅ) សម្រាប់សេវានៅមណ្ឌលសុខភាព។
![](https://www.kampucheathmey.com/wp-content/uploads/2024/03/image-1079-1024x683.png)
លោកស្រី ឱ វណ្ណឌីន បន្តថា ពេទ្យធ្វើការងារទេវតា តែពេទ្យមិនមែនជាទេវតាទេ មានន័យថា ក្នុងនាមជាពេទ្យ ប៉ុន្តែ គ្រូពេទ្យ មិនអាចជប់ជីវិតអ្នកដែលជិតស្លាប់ ឬស្លាប់ឱ្យរស់ឡើងវិញបានទេ តែ គ្រូពេទ្យ មានតួនាទីជួយសង្គ្រោះជីវិតមនុស្សដែលមានជំងឺធ្ងន់ឱ្យមកធូរស្រាលវិញ។ ដូច្នេះ ត្រូវពង្រឹង និងអប់រំ ព្រមទាំងផ្លាស់ប្តូរឥរិយាបទណាដែលមិនល្អ ដែលធ្វើឲ្យប៉ះពាល់ដល់គុណភាពសេវារបស់គ្រូពេទ្យ ហើយទទួលបាននូវការជឿទុកចិត្តពីប្រជាពលរដ្ឋ។
![](https://www.kampucheathmey.com/wp-content/uploads/2024/03/image-1080-1024x682.png)
ចំណែក លោកវេជ្ជបណ្ឌិត គីម សួរភិរុណ ប្រធានមន្ទីរសុខាភិបាលនៃរដ្ឋបាលខេត្តកំពង់ចាមថ្លែងថា បច្ចុប្បន្ន មន្ទីរសុខាភិបាល កំពុងខិតខំពង្រឹងគ្រប់សកម្មភាពក្នុងវិស័យសុខាភិបាល គោលបំណង លើកកម្ពស់គុណភាពសេវាឱ្យកាន់តែមានប្រសិទ្ធភាពតាមកម្មវិធីជាអាទិភាពរបស់ក្រសួងសុខាភិបាលដែលបានដាក់ចេញ យកចិត្តទុកដាក់លើការផ្តល់សេវាថែទាំសុខភាពបឋមនៅតាមមណ្ឌលសុខភាព និងសហគមន៍ ការបង្ការ និងគ្រប់គ្រងជំងឺមិនឆ្លង ជំងឺទឹកនោមផ្អែម លើសសម្ពាធឈាម បេះដូងជាដើម។ ការលើកកម្ពស់សុខភាព មាតា ទារក និងអាហារូបបត្ថម្ភកុមារ ការបង្ការ និងគ្រប់គ្រងជំងឺឆ្លង ការផ្តល់សេវាថែទាំសុខភាពនៅមន្ទីរពេទ្យបង្អែក ការកែលំអរសោភ័ណ្ឌភាពនៅតាមមូលដ្ឋានសុខាភិបាល ពង្រឹងវិន័យការងារ ការគោរពក្របសីលធ៌មវិជ្ជាជីវៈ រួមទាំង ផ្តល់សេវាសុខភាពជូនប្រជាពលរដ្ឋអោយបានជាប្រចាំ ២៤ម៉ោង លើ ២៤ម៉ោង ដើម្បីជំរុញអោយវិស័យសុខាភិបាល នៅក្នុងខេត្តកាន់តែមានការរីកចំរើនស្របតាមសភាពការណ៍កំណែទម្រង់ថ្មី នៃរាជរដ្ឋាភិបាលអាណត្តិទី ៧នេះ៕
![](https://www.kampucheathmey.com/wp-content/uploads/2024/03/image-1081-1024x682.png)
អត្ថបទ និង រូបភាព ៖ ឡេក ចាន់ពេជ្រ
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ