កម្ពុជាមានអ្នកឆ្លងជំងឺកូវីដ-១៩កើនឡើងដល់ជិត៨ម៉ឺននាក់ និងស្លាប់ជិត១,៥០០នាក់
Connect with us
Helistar Cambodia - Helicopter Charter Services

កូវីដ-១៩

កម្ពុជាមានអ្នកឆ្លងជំងឺកូវីដ-១៩កើនឡើងដល់ជិត៨ម៉ឺននាក់ និងស្លាប់ជិត១,៥០០នាក់

បានផុស

នៅ

ភ្នំពេញ៖ រហូតមកដល់ថ្ងៃទី០៣ ខែសីហា ឆ្នាំ២០២១នេះ ប្រទេសកម្ពុជាមានអ្នកឆ្លងជំងឺកូវីដ-១៩ កើនឡើងដល់ជិត៨ម៉ឺននាក់ និងស្លាប់ជិត១៥០០នាក់នៅទូទាំងប្រទេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រទេសកម្ពុជាបានឆ្លងជំងឺកូវីដ-១៩ ជាលើកដំបូងនៅថ្ងៃទី២៧ ខែមករា ឆ្នាំ២០២០ ទៅលើបុរសជនជាតិចិន១នាក់ នៅខេត្តព្រះសីហនុ។ ប៉ុន្តែមិនមានអ្នកស្លាប់ ហើយក៏មិនមានឆ្លងជំងឺនេះច្រើនដែរ។

បន្ទាប់មកទៀតកម្ពុជាបានឆ្លងក្នុងសហគមន៍ចំនួន៣លើក ក្នុងនោះទី១ “ព្រឹត្តិការណ៍សហគមន៍ ៣វិច្ឆិកាឆ្នាំ២០២០” ទី២ “ព្រឹត្តិការណ៍សហគមន៍ ២៨វិច្ឆិកា ឆ្នាំ២០២០” និងទី៣ “ព្រឹត្តិការណ៍សហគមន៍ ២០កម្ភៈ ឆ្នាំ២០២១” ទើបមានអ្នកស្លាប់ជាបន្តបន្ទាប់ ហើយដែលរហូតមកដល់ពេលនេះនៅមិនទាន់បានបិទបញ្ចប់នៅឡើយទេ។

យោងតាមរបាយការណ៍របស់ក្រសួងសុខាភិបាលបានឱ្យដឹងថា ជាក់ស្តែងនៅថ្ងៃនេះក្រសួងបានរកឃើញអ្នកឆ្លងថ្មីចំនួន៥៧៧នាក់ទៀត ក្នុងនោះករណីឆ្លងសហគមន៍ ៣៣៣នាក់ អ្នកដំណើរពីបរទេស២៤៤នាក់ ជាសះស្បើយ៦២៨នាក់ និងស្លាប់២៩នាក់។

បើគិតត្រឹមព្រឹក ថ្ងៃទី០៣ ខែសីហា ឆ្នាំ២០២១ កម្ពុជាមានអ្នកឆ្លងជំងឺកូវីដ-១៩ សរុបចំនួន៧៩,០៥១នាក់ អ្នកជាសះស្បើយចំនួន៧២,១៤៥នាក់ និងអ្នកស្លាប់ចំនួន១,៤៧១នាក់។

ក្នុងចំណោមអ្នកឆ្លងសរុបជិត៨ម៉ឺននាក់ ក្នុងនោះមានអ្នកឆ្លងអ្នកឆ្លងវីរុសកូវីដ-១៩ បំប្លែងខ្លួនថ្មី ដែលតា ចំនួន២២៣នាក់ ស្រី១០៧នាក់។ ក្នុងនោះរកឃើញក្នុងកំឡុងខែមេសា១នាក់ ថ្ងៃ០៤មិថុនា ៤នាក់ ថ្ងៃ១៨មិថុនា ៧នាក់ ថ្ងៃទី២៥មិថុនា ២៥នាក់ ថ្ងៃទី១៦កក្កដា ៣៧នាក់ ថ្ងៃទី២២កក្កដា និងថ្ងៃទី២៥កក្កដាមានចំនួន៣៩នាក់ ថ្ងៃទី៣១កក្កដា ៤៣នាក់ និងថ្ងៃទី០១សីហា ៦៦នាក់៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services