ជីវិតកម្សាន្ដ

តួឯកប្រុសក្នុងរឿង នេសាទក្រពើ ចូលរួមបច្ច័យបុណ្យសពលោក ម៉ៅ អាយុទ្ធ ក្នុងថ្ងៃគម្រប់ខួប៧ថ្ងៃ

បានផុស

៤ years មុន

នៅ

ថ្ងៃព្រហស្បតិ៍ ២២ មេសា ២០២១

ដោយ

ឈានដល់គម្រប់ខួប៧ថ្ងៃនៃបុណ្យសពរបស់លោក ម៉ៅ អាយុទ្ធ រដ្ឋលេខាធិការក្រសួងព័ត៌មាន និងជាផលិតករភាពយន្តខ្មែរជើងចាស់ដ៏ឆ្នើម កំពូលតារាចម្រៀង និងជាតួឯកប្រុសក្នុងរឿង នេសាទក្រពើ លោក ព្រាប សុវត្ថិ និងក្រុមគ្រួសារបានចូលរួមថវិកាបុណ្យសពចំនួន៤លានរៀល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហេង ឡុង ប្រធានសមាគមមិត្តសិល្បៈស្ម័គ្រចិត្តជួយសង្គមបានឲ្យដឹងថា តារាចម្រៀង ព្រាបសុវត្ថិ និងក្រុមគ្រួសារបានចូលបុណ្យសពឯកឧត្តមព្រឹទ្ធាចារ្យ ម៉ៅ អាយុទ្ធ ចំនួន៤លានរៀលដែលបានទទួលមរណភាពកាលពីថ្ងៃព្រហស្បតិ៍ទី១៥ ខែមេសា ឆ្នាំ២០២១ ក្នុងជន្មាយុ៧៧ឆ្នាំ ដោយជំងឺកូវីដ១៩។

ដោយឡែកកាលពីថ្ងៃដែលទទួលបានដំណឹងនៃការទទួលមរណភាពរបស់លោក ម៉ៅ អាយុទ្ធ កំពូលតារាចម្រៀងលោក ព្រាប សុវត្ថិ ក៏បានថ្លែងសារភ្លាមៗរបស់ខ្លួនដោយសម្តែងការសោកស្តាយនិងរន្ធត់ចិត្តខ្លាំងចំពោះការបាត់បង់វីរសិល្បករជើងចាស់ដ៏ឆ្នើមហើយពោរពេញដោយទេពកោសល្យនិងពហុជំនាញផ្នែកសិល្ប:របស់ខ្មែរ។

សូមជម្រាបដែរថា ទន្ទឹមគ្នានៃដំណឹងទទួលមរណភាពរបស់លោក ម៉ៅ អាយុទ្ធ កាលពីវេលាល្ងាចថ្ងៃទី១៥ ខែមេសា បានធ្វើឲ្យមហាជននិងសិល្បករ សិល្បការិនីទូទាំងប្រទេសសម្តែងការចូលរួមសោកស្តាយយ៉ាងខ្លាំងជាមួយមរណទុក្ខដ៏ក្រៀមក្រំ និងសោកសៅបំផុតនេះ៕

អត្ថបទ ៖ ចាន់រ៉ា