កំពូលតារាចម្រៀង ព្រាប សុវត្ថិ ថា អនុស្សាវរីយ៍​លើវិថីសិល្បៈជាង ២៥ឆ្នាំ ហាក់ត្រឹមជាពេលខ្លីសម្រាប់ខ្លួន

កំពូលតារាចម្រៀងមានងារជាឧកញ៉ា ព្រាប សុវត្ថិ គិតមកទល់ពេលនេះ លោកបានចូលប្រឡូកនៅក្នុងវិស័យសិល្ប:យ៉ាងជោគជាំ រយ:ពេលប្រមាណជាជាង ២០ឆ្នាំ មកហើយ ដោយសាងបាននូវប្រជាប្រិយភាពល្បីល្បាញ និងការគាំទ្រទូទាំងប្រទេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រាកដណាស់លោក ព្រាប សុវត្ថិ ក៏ត្រូវបានមហាជនដឹងដែរថា បច្ចុប្បន្នក្រៅតែពីទទួលបានជោគជ័យលើវិថីសិល្ប: លោកក៏មានមុខជំនួញជាច្រើនកាន់ក្នុងដៃផងដែរ ដោយក្នុងនោះលោកក៏ជាម្ចាស់ជំនួញក្រុមហ៊ុនអចលនទ្រព្យ Preap Sovath Investment ផងដែរ។

ទន្ទឹមគ្នានៃកាដើរលើវិថីសិល្ប:ផ្នែកចម្រៀងយ៉ាងជោគជាំយូរឆ្នាំនោះ កំពូលតារាចម្រៀងលោក ព្រាប សុវត្ថិ មុននេះស្រាប់តែរម្លឹកថា នឹកអនុស្សាវរីយ៍​នៃ​ការចូលវិថី​សិល្បៈ​តាំង​ពីដំបូង​ រហូតដល់​ពេល​នេះ​ជាង ២៥ឆ្នាំ គិតតាមពេលវេលា​យូរឆ្នាំ តែ​នឹកឡេីងវិញ​ហាក់​ដូចមួយរយៈពេលខ្លីប៉ុណ្ណោះព្រោះគ្រប់ពេលវេលា​ធ្វេីដោយក្ដី​ស្រលាញ់​ ។

ដោយឡែក ងាកមកចាប់អារម្មណ៍ពីជីវិតស្នេហា ឯកជនរបស់លោកឧកញ៉ា ព្រាប សុវត្ថិ និងភរិយា ឯណេះវិញ គឺរហូតមកដល់ពេលនេះ លោកបានរៀបការជាមួយភរិយាជាង ២០ឆ្នាំមកហើយដែរ ដោយ​ទទួលបានចំណងដៃកូនប្រុសជាទីស្រលាញ់ចំនួន ៣នាក់។ ក្នុងនោះដែរ អ្នកគាំទ្របាន​ចាត់​ទុក​គ្រួសារ​កំពូលតារាចម្រៀងរូបនេះ ជាគ្រួសារគំរូទៀតផងដោយសារជីវិតប្ដីប្រពន្ធរបស់លោក គឺកាន់តែមានភាពផ្អែមល្ហែមគួរឱ្យសរសើរខ្លាំង៕ អត្ថបទ៖ ចាន់រ៉ា