ម្ចាស់ស្នាដៃ “បើខ្ញុំជាមនុស្សស្រី” ទម្លាយហេតុផល ៦ យ៉ាងពីក្រោយរឿងនេះប្រសូត
Connect with us
Helistar Cambodia - Helicopter Charter Services

ជីវិតកម្សាន្ដ

ម្ចាស់ស្នាដៃ “បើខ្ញុំជាមនុស្សស្រី” ទម្លាយហេតុផល ៦ យ៉ាងពីក្រោយរឿងនេះប្រសូត

បានផុស

នៅ

“បើខ្ញុំជាមនុស្សស្រី” សាច់រឿងបែបកំប្លែង អប់រំបញ្ហាយេនឌ័រ  និងលាក់ពីក្រោយនូវមូលហេតុជាច្រើន ទម្រាំលេចចេញជារូបរាងចេញផ្សាយកាលពីខែតុលាកន្លងទៅ ត្រូវបានម្ចាស់ស្នាដៃកញ្ញា អ៊ិន បូបូ ទម្លាយប្រាប់ប្រិយមិត្តយើង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខាងក្រោមជាមូលហេតុមុនពេលប្រលោមលោកថ្មីបោះពុម្ព និងហេតុផលដែលហ្វេនៗមិនគួររំលងសៀវភៅនេះ៖

១. សហអ្នកនិពន្ធល្បីឈ្មោះ

រឿង “បើខ្ញុំជាមនុស្សស្រី” ជាការជំរុញរឿងដើមពីអ្នកនិពន្ធជើងចាស់ អ្នកស្រី ពាន់ ភួងបុប្ផា និងត្រូវបានក្លឹបអ្នកនិពន្ធប៉ាកកាមាសផ្ដល់អទិភាពដល់កវីស្រករក្រោយ កញ្ញា អ៊ិន បូបូ តាក់តែង សម្រាយ ​ពណ៌នា ចេញជាសៀវភៅឡើងមក។

២. សាច់រឿងបែបកំប្លែង

កញ្ញា អ៊ិន បូបូ បានឲ្យដឹងថា ចំណុចសំខាន់ក្នុងប្រលោមលោកមួយនេះគឺរសជាតិនៃសំណើច ដែលអាចធ្វើឲ្យអ្នកអាន ទប់សើច សឹងទ្រាំមិនបាន ។ អ្នកអានគួរតែបានភ្លក់រឿង “បើខ្ញុំជាមនុស្សស្រី” ព្រោះវាជាប្រភេទរឿងកំប្លែងដែលអាចរំសាយស្ត្រេស បំបាត់ទុក្ខកង្វល់ក្នុងស្ថានភាពដ៏តានតឹងបានមួយភាគ។ អ្នកនិពន្ធបន្ថែម។

៣. ខ្លឹមសារ-បញ្ហាយេនឌ័រ

ក្រៅពីសំណើចនៅក្នុងសៀវភៅ ចំណុចធំដែលអ្នកអានអាចទទួលបានគឺបញ្ហាយេនឌ័រ។ ការផ្តល់អាទិភាពដល់មនុស្សស្រី ដោយកាលណាអនុវត្តហួសហេតុពេកទៅ ក៏មានផលវិបាកដល់មនុស្សប្រុសដូចគ្នា។ ហ្វេនៗនឹងមើលឃើញពីទំនួលខុសត្រូវក្នុងតួអង្គ សិទ្ធីគន្ធ ដែលបង្ហាញពីការទទួលខុសត្រូវរបស់យុវជនក្នុងនាមជាជំហរគ្រួសារ ក៏ដូចជាមេគ្រួសារទាំងអស់ថា ពួកគាត់ខិតខំយ៉ាងខ្លាំងដើម្បីអ្នកផ្ទះរបស់ខ្លួន ជាពិសេសគឺភាពប្រែប្រួលទាំងស្រុង ក្រោយពេលរៀនចប់។

៤. ការផ្ចិតផ្ចង់រៀបចំ

ប្រលោមលោក “បើខ្ញុំជាមនុស្សស្រី” ត្រូវបានអ្នកសរសេរ វិចិត្រករ អ្នករចនា និងអ្នករៀបចំសហការទាំងអស់ ចំណាយពេលវេលាច្រើនដើម្បីផ្ចិតផ្ចង់ឱ្យចេញជាសៀវភៅមួយល្អទៅបាន។

៥. សាច់រឿងភាគច្រើនស្រង់ពីតថភាពសង្គម

លើសពីនោះទៀត អ៊ិន បូបូ បានព្យាយាមប្រើប្រាស់ពាក្យកម្រងកែវ ដែលមានចុងចួនដូចជាកំណាព្យ ធ្វើជាការពណ៌នាក្នុងបទនិពន្ធមួយនេះ ព្រមទាំងបង្ហាញតថភាពជាច្រើនដែលខ្លួនសង្កេតឃើញនាពេលកន្លងបញ្ចូលក្នុងសាច់រឿងផងដែរ។ យ៉ាងណាក្ដី ការសាកល្បងសរសេរជាកម្រងកែវរហូតបានសម្រេច កញ្ញាថាខ្លួនក៏ពេញចិត្ត ទោះមិនទាន់បានល្អ ដ្បិតជាសៀវភៅដំបូង តែបានចំណាយអារម្មណ៍ជាច្រើនទៅលើខ្លឹមសារ ដើម្បីឱ្យចាក់ដោតអ្នកអាន។

៦. ស្ទើរគ្មានពេលគេង

ម្ចាស់ស្នាដៃរូបនេះ លើកឡើងដែរថា រឿងហ្នឹងខ្លួនសរសេរចំពេលរវល់ការងារខ្លាំងមែនទែន។  អនុស្សាវរីយ៍ដែលមិនអាចបំភ្លេច កញ្ញាបានចំណាយពេលរហូតដល់ម៉ោង២ទាបភ្លឺស្ទើររាល់យប់ ក្នុងរយៈពេល ៥-៦ ខែនៃការសរសេរសាច់រឿងទាំងមូល៕

អត្ថបទ៖ សន្យា

ចុចអាន៖ សៀវភៅ«ពេលវេលា»បោះពុម្ពជាលើកទីពីរ

ចុចអាន៖ រឿងស្នេហាបែបកំប្លែងថ្មីស្រឡាង ត្រូវចិត្តសម្រាប់អ្នកស្រ្តេសច្រើន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥០ នាទី មុន

លោកជំទាវ ម៉ែន សំអន ស្នើឲ្យថ្នាក់ដឹកនាំក្រុងបាវិត ត្រូវបន្តតាមដាន ដើម្បីចូលរួមទប់ស្កាត់ជំងឺកូវីដ ក្នុងពិធីបុណ្យភ្ជុំបិណ្ឌ

ព័ត៌មានជាតិ១ ម៉ោង មុន

រាជរដ្ឋាភិបាល បន្តផ្តល់ប្រាក់ឧបត្ថម្ភជូនគ្រួសារក្រីក្រ និងងាយរងគ្រោះដោយកូវីដ ជុំទី៦ លើកទី៣

ព័ត៌មានជាតិ៤ ម៉ោង មុន

ជំនន់ទឹកភ្លៀង ធ្វើឲ្យប៉ះពាល់ដល់ពលរដ្ឋ ខេត្តបន្ទាយមានជ័យជាង ២ម៉ឺននាក់ និងមានស្លាប់ម្នាក់

ព័ត៌មានជាតិ៤ ម៉ោង មុន

ដំណោះស្រាយ រវាងក្រុមរថយន្តដឹកផ្លែឈើ ជាមួយគយច្រកអន្តរជាតិដូង ត្រូវផ្អែកលើគោលការណ៍ ៣ចំណុច

ព័ត៌មានជាតិ៥ ម៉ោង មុន

ប្រទះឃើញ រោងសង្វៀនប្រជល់មាន់ នៅកណ្តាលព្រៃសហគមន៍ តំបន់ការពារធម្មជាតិ វាលកំបោរ

Sokha Hotels

ព័ត៌មានពេញនិយម

Helistar Cambodia - Helicopter Charter Services