ជីវិតកម្សាន្ដ
មកស្គាល់ស្នាដៃនិងចម្រៀងល្បីៗជាច្រើនរបស់កវីដ៏ឆ្នើម ហ៊ុយ ពុធ នៅក្នុងវិស័យសិល្បៈខ្មែរ
ភ្នំពេញ ៖ គេសង្កេតឃើញថា ដំណឹងនៃមរណភាពដ៏ក្រៀមក្រំនិងសោកសៅរបស់កវីនិពន្ធនឹងជាអ្នកដឹកនាំសម្តែងល្បីឈ្មោះលោក ហ៊ុយ ពុធ បានធ្វើឲ្យមហាជននិងអ្នកសិល្បៈល្បីៗបង្ហាញការរន្ធត់ចិត្តខ្លាំង។
ទន្ទឹមគ្នានៃដំណឹងមរណទុក្ខនេះដែរ សម្រាប់អ្នកគាំទ្រនិងសិល្បករ-សិល្បការិនីរបស់ខ្មែរមួយចំនួនធំក៏ បានបង្ហាញនូវការចង់ចាំហើយបានរម្លឹកដល់ស្នាដៃជាច្រើនរបស់ព្រឹទ្ធាចារ្យ ហ៊ុយ ពុធ ដែលបានបន្សល់ទុកក្នុងវិស័យសិល្បៈនាពេលកន្លងមក។
ចំពោះស្នាដៃសិល្បៈជាច្រើនរបស់ព្រឹទ្ធាចារ្យ ហ៊ុយ ពុធ នោះដោយសារលោកគឺជាកវីនិពន្ធនិងដឹកនាំសម្តែងប្រចាំផលិតកម្មហង្សមាស។ ពិសេសជាងនេះរាល់ស្នាដៃរបស់លោកគឺភាគច្រើនការនិពន្ធនិងដឹកនាំសម្តែងក្នុងបទចម្រៀងល្បីៗរបស់អតីតកំពូលតារាចម្រៀងហង្សមាសលោក ព្រាប សុវត្ថិ។
ស្នាដៃនៅក្នុងបទចម្រៀងលោក ព្រាប សុវត្ថិ ដែលលោកព្រឹទ្ធាចារ្យ ហ៊ុយ ពុធ ដឹកនាំរួមមានបទ បើកសៀវភៅឃើញស្នេហ៍ , ដងស្ទឹងស្រែខ្លុង, ស្រីបោក ,ទូរទស្សន៍អាគុយ ,ខ្មៅខ្មែរត្នោតផ្អែម និងបទចម្រៀងជាច្រើនទៀតផងដែរ។ មិនតែប៉ុណ្ណោះក៏នៅមានស្នាដៃជាច្រើនទៀតផងដែរ។
ព្រឹទ្ធាចារ្យ ហ៊ុយ ពុធ គឺផលិតករដ៏មានទេពកោសល្យក្នុងវិស័យភាពយន្តខ្មែរអំឡុងទសវត្ស៨០-៩០ បានទទួលមរណភាពនៅវេលាម៉ោង២០និង១៥នា ទីថ្ងៃទី០២ខែសីហាឆ្នាំ២០២១នៅក្នុងជន្មាយុ៨២ ឆ្នាំដោយសាររោគាពាធ។
បច្ចុប្បន្នសពរបស់លោកព្រឹទ្ធាចារ្យ ហ៊ុយ ពុធ បានតម្តល់ធ្វើបុណ្យតាមប្រពៃណីនៅផ្ទះលេខ 93B ផ្លូវ លំ ភូមិព្រះពន្លា សង្កាត់ព្រែកប្រា ខណ្ឌច្បាអំពៅ។ តាមរយៈនេះក៏ទស្សនិកជននិងអ្នកគាំទ្រជាច្រើនមានការសោកស្តាយនិងរន្ធត់ចិត្តខ្លាំងក្រោយទទួលដំណឹងនៃការស្លាប់របស់កវីនិពន្ធដ៏ឆ្នើមរូបនេះ។
ដោយឡែកសម្រាប់សិល្បករ-សិល្បការិនីល្បីៗ ដែលសម្តែងការ ចូលរួមរំលែកទុក្ខយ៉ាងក្រៀមក្រំដល់សពព្រឹទ្ធាចារ្យសិល្បៈ ហ៊ុយ ពុធ នោះរួមមាន,តារា ចម្រៀងអ្នកនាង ពេជ្រ សោភា, អ្នកនាង សុគន្ធនិ សា ,លោក ណុ ប បាយ៉ារិទ្ធ ,អ្នកនាង ខាត់ សុឃី ម,កញ្ញា ឌួង ហ្សូរីដា និងតារាប្រុស-ស្រីជាច្រើនទៀត៕
ដោយ ៖ ចាន់រ៉ា
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?