ជីវិតកម្សាន្ដ

កវីនិពន្ធ យឹម តាស្រង់ ដាក់ប៉ុន្មានឃ្លានេះធ្វើឲ្យអ្នកគាំទ្រភ្លឺភ្នែកគ្រប់គ្នា

បានផុស

៥ years មុន

នៅ

ថ្ងៃព្រហស្បតិ៍ ៣១ ធ្នូ ២០២០

ដោយ

អ្នកនិពន្ធល្បីឈ្មោះ លោក យឹម តាស្រង់ ស្របពេលដែលស្នាដៃនិពន្ធបទចម្រៀងរបស់ខ្លួនជាច្រើនបទនៅក្នុងផលិតកម្មGalaxyកាន់តែទទួលបានការគាំទ្រ និងលើកសរសើរពីសំណាក់មហាជនគ្រប់ស្រទាប់យុវវ័យនោះ ថ្មីៗនេះស្រាប់តែកវីនិពន្ធរូបនេះបានទម្លាយសារចេញពីចិត្ត ហាក់មានចេតនាដាស់អារម្មណ៍មហាជន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខ្លឹមសារដែលត្រូវបានអ្នកនិពន្ធលោក យឹម តាស្រង់ បង្ហោះចែករំលែកជាសាធារណៈនៅលើបណ្តាញសង្គមផ្ទាល់ខ្លួននេះ ក៏ត្រូវបានទស្សនិកជនមួយចំនួនយល់ឃើញថា អត្ថន័យនេះ ក៏អាចជាប្រយោជន៍មួយផ្នែកដល់បុគ្គលមួយចំនួន ឬមនុស្សដែលនៅជុំវិញខ្លួនលោកផងដែរ។ប៉ុន្តែក្នុងនោះក៏មានការសង្ស័យដែរថា តាមរយៈខ្លឹមសារនេះប្រហែលជាចេតនារបស់លោក យឹម តាស្រង់ និយាយចង់សំដៅលើបុគ្គលិកណាម្នាក់ស្ថិតក្រោមបង្គាប់របស់ខ្លួន ឬកំពុងធ្វើនៅក្រុមជាមួយគ្នាក៏ថាបាន។

កវីនិពន្ធ យឹម តាស្រង់ បានរៀបរាប់សំណេរសរសេរលើបណ្តាញសង្គមផ្ទាល់ខ្លួនដូច្នេះថា “ខ្ញុំតែងតែប្រាប់មនុស្សជុំវិញខ្លួនខ្ញុំថា សូមឲ្យតម្លៃអ្នកដែលមានលុយផ្តល់ប្រាក់ខែឲ្យអ្នករាល់ខែ ប្រសើរជាងផ្តល់តម្លៃឲ្យបុគ្គល ឬក្រុមហ៊ុនផ្សេងដែលយូរៗ យកការងារឲ្យអ្នកធ្វើម្តងៗ។ ខ្ញុំជួយទាំងអស់ បើមានបេះដូងជាមួយខ្ញុំ“។

លោក យឹម តាស្រង់ នៅរសៀលថ្ងៃទី៣១ ខែធ្នូឆ្នាំ២០២០នេះ កម្ពុជាថ្មីមិនអាចទំនាក់ទំនងដើម្បីសុំការសួរនាំបន្ថែមបាននៅឡើយទេ ខណៈមានមិត្តភក្តិនិងមហាជនជាច្រើនបានបញ្ចេញមតិគាំទ្រថាសម្តីលើកឡើងរបស់លោក យឹម តាស្រង់ នេះគឺពិត ព្រោះបើកន្លែងដែលផ្តល់ការងារនិងប្រាក់ឲ្យយើងជាចាំខែហើយនោះយើងត្រូវតែផ្តល់តម្លៃឲ្យទីនោះខ្ពស់ជាងកន្លែងផ្សេងៗតែម្តង៕

អត្ថបទ ៖ ចាន់រ៉ា