ព័ត៌មានជាតិ
លោក ឃុត សុខឿន៖ ការប្រកួតស្នាដៃអក្សរសិល្ប៍ គឺជំរុញលើកទឹកចិត្តយុវជនក្នុងការបញ្ចេញស្នាដៃតែងនិពន្ធ
លោក ឃុត សុខឿន នាយកគ្រប់គ្រងមហោស្រពអក្សរសិល្ប៍ខ្មែរបានថ្លែងថា ការប្រកួតប្រជែងដណ្តើមពានរង្វាន់អក្សរសិល្ប៍ គឺជាឱកាសមួយដើម្បីជំរុញលើកទឹកចិត្តដល់កវីនិពន្ធទាំងអស់ជាពិសេសយុវជនក្នុងការចូលរួមបញ្ចេញទស្សនៈ និងស្នាដៃរបស់ខ្លួនតាមរយៈការតែងនិពន្ធ។
លោក ឃុត សុខឿន ថ្លែងបែបនេះ ក្នុងពិធីប្រគល់ពានរង្វាន់អក្សរសិល្ប៍នៃមហោស្រពអក្សរសិល្ប៍ខ្មែរលើកទី៥ នៅថ្ងៃទី២០ ខែវិច្ឆិកា ឆ្នាំ២០២២។
បើតាមលោក ឃុត សុខឿន ការប្រកួតប្រជែងដណ្តើមពានរង្វាន់អក្សរសិល្ប៍ គឺជាកម្មវិធីមួយក្នុងចំណោមកម្មវិធីសំខាន់ៗរបស់មហោស្រពអក្សរសិល្ប៍ខ្មែរ។ នៅឆ្នាំ២០២២នេះ ការប្រកួតប្រជែងដណ្តើមពានរង្វាន់អក្សរសិល្ប៍ គឺបានទទួលការឧបត្ថម្ភផ្តាច់មុខដោយសណ្ឋាគាររ៉ូសវូដភ្នំពេញ។
ប៉ុន្តែយ៉ាងណាក្ដី លោក ឃុត សុខឿន ក៏បានអំពាវនាវដល់វិស័យឯកជន និងសប្បុរសជនគ្រប់មជ្ឈដ្ឋាន បន្តជួយចូលរួមគាំទ្រ និងឧបត្ថម្ភដល់មហោស្រពអក្សរសិល្ប៍ខ្មែរ ដើម្បីឲ្យមានការប្រកួតប្រជែងស្នាដៃតែងនិពន្ធអក្សរសិល្ប៍អាចរៀបចំធ្វើឡើងជារៀងរាល់ឆ្នាំ ក៏ដូចជាការចូលរួមចំណែកលើកស្ទួយ អភិរក្ស និងថែរក្សាដល់អក្សរសិល្ប៍ខ្មែរផងដែរ។
សូមជម្រាបថា មហោស្រពអក្សរសិល្ប៍ខ្មែរ លើកទី៥ បានប្រកាសជ្រើសរើសស្នាដៃអក្សរសិល្ប៍ដែលជាប្រភេទកំណាព្យ និងរឿងខ្លី ចាប់ពីថ្ងៃទី២៧ ខែកក្កដា និងឈប់ទទួលស្នាដៃនៅថ្ងៃទី១៥ ខែកញ្ញា ឆ្នាំ២០២២។
ការជ្រើសរើសស្នាដៃអក្សរសិល្ប៍នេះ ត្រូវបានវាយតម្លៃដោយគណៈកម្មការចំនួន ៣រូប ដើម្បីជ្រើសរើសស្នាដៃជ័យលាភី។ រយៈពេលជិត ៣ខែ ក្រុមការងារមហោស្រពទទួលបានស្នាដៃដែលដាក់ប្រឡងចំនួនជិត ២០០ ខណៈស្នាដៃដែលត្រូវបានបញ្ជូនទៅគណៈកម្មការជ្រើសរើសមាន ១៣៣ស្នាដៃ (រឿងខ្លីចំនួន ៥៤ រឿង និងកំណាព្យចំនួន ៧៩)។
ជាលទ្ធផល មហោស្រពអក្សរសិល្ប៍ខ្មែរ លើកទី៥ ឆ្នាំ២០២២បានរកឃើញម្ចាស់ជ័យលាភីចំនួន ១០រូបគឺ៖ ផ្នែករឿងខ្លី ចំណាត់ថ្នាក់លេខពីរ ១រូប ចំណាត់ថ្នាក់លេខបី ២រូប ជ័យលាភីកិត្តិយស ២រូប។ ផ្នែកកំណាព្យចំណាត់ថ្នាក់លេខមួយ ១រូប ចំណាត់ថ្នាក់លេខពីរ ១រូប ចំណាត់ថ្នាក់លេខបី ១រូប និងជ័យលាភីកិត្តិយស ២រូប៕
ដោយ៖ ធឿន វ៉ាន់សុង
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ