ជីវិតកម្សាន្ដ
ក្រុមទេពបទុមវង្សពិណពាទ្យ៖ មានអារម្មណ៍ដូចបាត់បង់អស់ព្រលឹងពីក្នុងកាយ ពេលដែលបានឮប្រជាជនកម្ពុជាមួយចំនួន នៅតែហៅភ្លេងពិណពាទ្យថា ជាភ្លេងសៀម
បង្កើតឡើងកាលពីថ្ងៃទី ១៩ ខែកញ្ញា ឆ្នាំ២០១៩ រហូត មកដល់ពេលសព្វថ្ងៃនេះ ជាលើកដំបូងគឺយើងមានកូនសិស្សត្រឹមតែ ៩ នាក់ប៉ុណ្ណោះ តែបច្ចុប្បន្នភាពនៃវង់ភ្លេងសក្ការមួយនេះមានសមាជិករហូតដល់ទៅជាង២០នាក់រួមទាំងគ្រូ ហើយភាគច្រើននៃសិស្ស គឺជាកុមារកំព្រា និងកុមារទីទាល់ក្រខ្វះទីពឹង។ នេះបើតាមប្រសាសន៍លោក កែវ ប្រសិទ្ធី គ្រូបង្រៀនក្រុមវង់ភ្លេងទេពបទុមវង្ស។ ស្ថាបនិកចម្បងនៃទេពបទុមវង្ស ពិណពាទ្យនេះ គឺភិក្ខុ ប៉ាន់ ឈុន ព្រះមេកុដិលេខ២២ នៃវត្តបទុមវតីរាជវរារាម ក្រោមការជួយជ្រោមជ្រែងពីសម្តេច នន្ទ ង៉ែត សម្តេចពុទ្ធជ័យមុនី ព្រះចរណៈវិជ្ជា និងព្រះមន្ត្រីសង្ឃគ្រប់ព្រះក្នុងវត្តបទុមវតីផងដែរ។
លោកគ្រូ កែវ ប្រសិទ្ធី បានបន្តទៀតថា៖ ចំពោះកូនសិស្សទាំងអស់នៃវង់តន្ត្រីបុរាណយើងខ្ញុំ គឺជាក្រុមក្មេងវត្តដែលមកពីកន្លែងផ្សេងៗ អ្នកខ្លះជាក្មេងកំព្រា អ្នកខ្លះអត់មានម្តាយ អ្នកខ្លះអត់ឪពុក ទីទាល់ក្រ ម្តាយទៅធ្វើការនៅថៃ ឬតាមព្រំដែននៃប្រទេសកម្ពុជាយើង ដូច្នេះពួកគាត់ មិនបានចូលសិក្សានៅសាលាវិចិត្រសិល្បៈណាមួយទេ។ យ៉ាងណាមិញ ក្រោមការយកចិត្តទុកដាក់បង្រៀនពីលោកគ្រូ ពួកគាត់អាចប្រើប្រាស់ជំនាញមួយនេះបានយ៉ាងល្អ រហូតដល់ពេលថ្មីៗនេះទៀត យើងបានអភិវឌ្ឍខ្លួនចូលរួមប្រគំភ្លេងរបាំជួយដល់សាលារបាំ នរោត្តម បុប្ផាទេវី ទៀតផង។
ក្នុងនាមជាសិល្បករដែលជ្រកក្រោមម្លប់វិស័យវប្បធម៌ សិល្បៈបុរាណដែលកំពុងបម្រើលើកស្ទួយ និងការពារទម្រង់ វង់ភ្លេងពិណពាទ្យ ក្រុមទេពបទុមវង្សពិណពាទ្យ ជួបនូវឧបសគ្គជាច្រើន រួមមាន សម្ពាធផ្លូវចិត្តពីទុទិដ្ឋិបុគ្គលមួយចំនួន ដែលមិនគិតប្រយោជន៍រួមជាធំ ហើយរកគ្រប់មធ្យោបាយដើម្បីបង្អាក់ ឬទប់ស្កាត់ការសម្តែង ឬថតផ្សព្វផ្សាយវង់ភ្លេងពិណពាទ្យខ្មែរ ។ ទីពីរ ខ្វះការលើកទឹកចិត្ត និងឲ្យតម្លៃដល់សិល្បករបែបបុរាណពិសេសក្រុមពិណពាទ្យក្នុងពិធីកម្មផ្សេងៗ បើប្រៀបជាមួយអ្នកសម័យ និងបញ្ហាទី៣ គឺខ្វះថវិកាទ្រទ្រង់គ្រប់បែបយ៉ាង សំលៀកបំពាក់ ឧបករណ៍ភ្លេង និងថវិកាលើទWកចិត្តដល់គ្រូ គ្រប់យ៉ាងគឺតន្ត្រីករបុរាណ ពិសេសពិណពាទ្យនេះគឺត្រូវប្រឹងប្រែងដោះស្រាយដោយខ្លួនឯងដែលជាហេតុពិបាកក្នុងការអភិវឌ្ឍខ្លួន ឲ្យសមរម្យទៅនិងតម្លៃនៃមរតកដូនតាមួយនេះ។
ក្នុងពេលសម្ភាសចំណាប់អារម្មណ៍ ក្នុងនាមជាតន្ត្រីករបុរាណផ្នែកពិណពាទ្យនេះ ពិតជាមានអារម្មណ៍ដូចបាត់បង់អស់ព្រលឹងពីក្នុងកាយពេលដែលបានឮប្រជាជនកម្ពុជាមួយចំនួននៅតែហៅភ្លេងពិណពាទ្យថាជាភ្លេងសៀម ហើយស្ទើរតែមិនអាចទប់ទឹកភ្នែកបានទេព្រោះតែក្នុងចិត្តបៀមនូវទុក្ខព្រួយសោកស្តាយ ព្រោះពីសម័យកាលមួយទៅសម័យកាលមួយខ្មែរ គឺជាអ្នកសាងគ្រឹះវប្បធម៌ដ៏ត្រចះត្រចង់នេះ តែជាអកុសលខ្មែរយើងមិនដែលបានសុខព្រោះតែបច្ចាមិត្ត រហូតដស់សម័យ ប៉ុល ពត ដែលអាចកំណត់បានថាជាឆ្នាំសូន្យ នៃវប្បធម៌យើង ទើបយើងពិបាកស្រោចស្រង់រហូតដល់សព្វថ្ងៃ។ ម្យ៉ាងទៀត ព្រោះតែទំនើបកម្មនៃប្រព័ន្ធផ្សព្វផ្សាយ និងតិចណូឡូជី កូនខ្មែរមួយចំនួនវង្វេងតាមវប្បធម៌បរទេស ដែលហូរចូលមកគ្មានទិសដៅ ហើយពួកគាត់ទាំងនោះប្រឹងបំពុលសង្គម និងមិនខ្វល់ពីប្រពៃណី ឬវប្បធម៌ជាតិឡើយ ដែលទាំងនេះគឺធ្វើឲ្យអាម៉ាស់បំផុតដែលខ្មែរលើកវប្បធម៌ឲ្យគេដោយមិនដឹងខ្លួន។
សូមបញ្ជាក់ផងដែរថា ក្រុមទេពបទុមវង្សពិណពាទ្យ គឺជាសមាសភាពបេក្ខជនដែលបានប្រឡងជាប់វគ្គពាក់កណ្ដាលផ្ដាច់ព្រ័ត្រ ឈានមកកាន់វគ្គជម្រុះចុងក្រោយ នៃកម្មវិធីវង់តន្ត្រីខ្មែរ រដូវកាលទី២ ក្រោមវិញ្ញាសា “សិល្បៈបុរាណចម្រុះ”។ ក្នុងអំឡុងពេលប្រកួត តំណាងក្រុមទេពបទុមវង្សបានអះអាងថា បញ្ហាកូវីដ១៩ បច្ចេកទេសផលិតវីដេអូ រយៈពេលហាត់សមខ្លី កត្តាចំណាយផ្សេងៗ សុទ្ធតែជាផលលំបាក។ ជាចុងក្រោយ យើងខ្ញុំក៏សូមឱកាសផ្តាំផ្ញើទៅកុលបុត្រកុលធីតាខ្មែរទាំងអស់ ពិសេសបងប្អូនដែលស្រឡាញសិល្បៈបុរាណខ្មែរគ្រប់ទម្រង់សូមមេត្តាប្រឹងប្រែងឡើងហើយកុំអស់សង្ឃឹម ត្រូវតស៊ូ ប្រឹងរៀនសូត្រ និងសាមគ្គីគ្នាឡើង ទើបយើងបានជោគជ័យ ហើយពេលនេះសន្តិភាពកំពុងនាំត្រឡប់មកវិញនូវព្រលឹងដូនតាយើងគ្រប់ទម្រង់ដើម្បី លម្អជាតិខ្មែរអោយកាន់តែអស្ចារ្យ រុងរឿង ដូចសម័យមហានគរ ឲ្យសមនិងពាក្យថា កម្ពុជា ព្រះរាជាណាចក្រអច្ឆរិយ។
ការបោះឆ្នោតពីបងប្អូន សាធារណជននឹងរួមចំណែកដល់ទៅ៤០ភាគរយនៃពិន្ទុសរុប និងជួយជ្រោមជ្រែងឲ្យក្រុមនីមួយៗមានឱកាសទៅវគ្គផ្ដាច់ព្រ័ត្រ។ ដូចនេះ បើសិនជាពុកម៉ែ បងប្អូន ដែលពេញចិត្តនូវក្រុមទេពបទុមវង្សពិណពាទ្យ សូមមេត្តាកុំភ្លេចជួយបោះឆ្នោតក្រុមនេះ តាមរយៈការចុចរូបមេដៃ (like) សើច(haha) វ៉ាវ (wow) បេះដូង (heart) លើកលែងតែរូបក្រៀមក្រំ (sad) និងរូបខឹង (angry) នៅលើវីដេអូបង្ហាញសម្ដែង ដែលបង្ហោះលើផេកហ្វេសប៊ុកជាផ្លូវការរបស់សហភាពសហព័ន្ធយុវជនកម្ពុជា ចាប់ពីថ្ងៃទី១៧ ដល់ថ្ងៃទី២៥ ខែតុលា ឆ្នាំ ២០២១។
តំណភ្ជាប់ទៅកាន់វីដេអូ៖
https://web.facebook.com/uyfc.svay.rieng/videos/2189436651199273
ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ
ក្រសួងការងារ និងបណ្តុះបណ្តាលវិជ្ជាជីវៈ បើកវគ្គបណ្តុះបណ្តាលលើជំនាញផ្នែកកំបោរក្នុងវិស័យសំណង់
ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត
មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស
នៅខែមេសា-ឧសភា កម្ពុជានឹងក្ដៅខ្លាំង កម្រិត៣៨°C និងមានបាតុភូតផ្គរ រន្ទះ និងខ្យល់កន្ត្រាក់
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
កីឡា៥ ថ្ងៃ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ agoតាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ agoនាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ agoដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ agoមនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ