ព័ត៌មានជាតិ
ទីបំផុត ! រិន សាវ៉េត បង្ខំចិត្តរើបង្វិចចាកចេញពីទ្រនំចាស់ជាផ្លូវការ
ក្រោយពេលស្ងប់ស្ងាត់ការចេញបទចម្រៀងក្នុងទ្រនំផលិតកម្មហង្សមាស អស់មួយរយៈធំស្របពេលដែលកន្លងមកមានមហាជនជាច្រើនបានដាក់ការសង្ស័យថា តារាចម្រៀង រិន សាវ៉េត អាចសម្រេចចិត្តដើរចេញពីផលិតកម្មចាស់ហង្សមាស ហក់ចូលផលិតកម្មថ្មីនោះ នៅទីបំផុតដំណឹងនេះក៏ក្លាយជាការពិត។
ទន្ទឹមគ្នាដែលដំណឹង នៃការចាក់ចេញរបស់តារាចម្រៀងកម្សត់លោក រិន សាវ៉េត ពីផលិតកម្មហង្សមាសបានក្លាយជាការពិតនេះដែរ បានធ្វើឲ្យអ្នកគាំទ្រ និងទស្សនិកជនមួយចំនួនធំបង្ហាញការភ្ញាក់ផ្អើលហើយចាប់អារម្មណ៍គ្រប់គ្នា។ ប៉ុន្តែគេនៅមិនទាន់ដឹងនៅឡើយទេថាការចាកចេញរបស់លោក រិន សាវ៉េត ពេលនេះដោយសារចប់កុងត្រា(កិច្ចសន្យា)ឬហេតុផលផ្ទាល់ខ្លួន?
ជុំវិញព័ត៌មានរបស់តារាចម្រៀង លោក រិន សាវ៉េត នេះដែរ គេហទំព័រកម្ពុជាថ្មី នៅរសៀលថ្ងៃទី១១ ខែធ្នូ ឆ្នាំ២០២០នេះ មិនអាចធ្វើការទំនាក់ទំនងដើម្បីសុំការបកស្រាយនៅឡើយទេ ខណៈមានទស្សនិកជននិងអ្នកគាំទ្រជាច្រើនកំពុងទន្ទឹងរង់ចាំចម្លើយ ឬការបកស្រាយបន្ថែមពីលោក រិន សាវ៉េត ផងដែរ។
ដោយឡែកបើចាប់អារម្មណ៍ទៅមើលនៅលើផេកផ្លូវការរបស់ទ្រនំថ្មីលោក រិន សាវ៉េត ដែលមានឈ្មោះថា BN Production បានបញ្ជាក់ដោយទទួលស្វាគមន៍សមាជិកថ្មីបែបនេះថា សូមស្វាគមន៍ តារាចម្រៀងល្បីទាំង៣ដួង មកកាន់ផលិតកម្ម ប៊ី អិន (BN Production)។ចំពោះវត្តមានតារាទាំង៣រូបនេះគឺមាន៖ លោក រិន សាវ៉េត ,លោក ជឹម ជឿន និងតារាស្រី កែវ ច័ន្ទសម្ផស្ស។
ជាមួយគ្នានេះដែរ ក៏មានមហាជន និងអ្នកគាំទ្រជាច្រើន កំពុងរង់ចាំអ៊ុតមើលលទ្ធផលថាតើលោក រិន សាវ៉េត ក្រោយពេលផ្តាច់ខ្លួនចេញពីទ្រនំចាស់ហង្សមាស មកចូលផលិតកម្មថ្មីខាងលើអាចនឹងបំបែកបានទីផ្សារគាំទ្រហើយរក្សាបានប្រជាប្រិយភាពដូចកាលពីនៅផលិតកម្មហង្សមាស ឬមួយយ៉ាងណាដែរ៕
អត្ថបទ ៖ ចាន់រ៉ា
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១២ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ