អ៊ាម វន្នី ដាច់ចិត្តទម្លាយមូលហេតុរថយន្តឪពុក-ម្តាយ សុត្ថិឌី ធារីកា ជួបគ្រោះថ្នាក់នៅព្រះវិហារ

ភ្នំពេញ: បន្ទាប់ពីធីបុណ្យសពរបស់ឪពុក-ម្តាយ សុវត្ថិឌី ធារីកា ត្រូវបានរៀបចំរួចរាល់ហើយនោះពេលនេះ ស្រាប់តែតារាចម្រៀងប្រុសលោក អ៊ាម វន្នី បានទម្លាយមូលហេតុច្បាស់ៗចុងក្រោយដែលរថយន្តឪពុក-ម្តាយ សុត្ថិឌី ធារិកា ជួបគ្រោះថ្នាក់ក្រឡាប់នៅទឹកដីខេត្តព្រះវិហារ។

យោងតាមការបញ្ជាក់ពីលោក អ៊ាម វន្នី បានបង្ហោះភ្ជាប់រូបភាពដោយលើកឡើងដូច្នេះថា តាមការផ្តល់ដំណឹងពីរដ្ឋបាលខេត្តព្រះវិហារបានអោយដឹងថា រថយន្តបែកកង់មុខផ្នែកខាងស្តាំពេលកំពុងបើកបរ ទើបធ្វើអោយទាញចង្កូតទៅស្តាំក្រឡាប់ធ្លាក់ប្រឡាយរហូតដល់មានគ្រោះថ្នាក់ដល់ជីវិត។ 

តារាចម្រៀងលោក អ៊ាម វន្នីបន្ថែមទៀតថា ពិតជាគួរអោយសោកស្តាយខ្លាំងណាស់អញ្ចឹងបានជាលោកឆ្ងល់ថាហេតុអ្វីដានកង់ឡានរបស់គាត់បើកត្រូវគន្លងផ្លូវល្អណាស់តែសុខៗស្រាប់តែឃើញស្នាមកាច់ចង្កូតទៅស្តាំសឹងតែ៩០ដឺក្រេទៅវិញ។

គិតមកទល់ពេលនេះមានរយ:ប្រមាណជាង១០ថ្ងៃហើយដែលឪពុក-ម្តាយជាទីស្រលាញ់របស់តារាចម្រៀង សុវត្ថិឌី ធារីកា បានទទួលមរណ:ភាពក្នុង​ហេតុការណ៍​ក្រឡាប់រថយន្តនៅ ស្រុកឆែប ខេត្តព្រះវិហារ។ ដំណឹងនេះបានធ្វើឲ្យអ្នកគាំទ្រនិងមិត្តភក្តិរួមអាជីពសិល្ប:ជាច្រើនបង្ហាញការសោកស្តាយនិងរន្ធត់ចិត្តខ្លាំងអាណិតដល់ សុវត្ថិឌី ធារិកា គ្រប់ៗគ្នា៕

អត្ថបទដោយ៖ ចាន់រ៉ា