ផ្អើលព្រលានយន្តហោះហូជីមិញ អតីតបវរកញ្ញាចក្រវាល ២០១៨ ទៅដល់វៀតណាម

ការបង្ហាញខ្លួនរបស់ Catriona Gray នៅព្រឹកថ្ងៃទី២៣ ខែមិថុនានេះ បានបង្កភាពភ្ញាក់ផ្អើលយ៉ាងខ្លាំងនៅអាកាសយានដ្ឋាន ទីក្រុងហូជីមិញ ព្រោះតែអ្នកតំណាង​រៀបចំ​កម្មវិធី​ប្រកួត​បវរកញ្ញាចក្រវាល វៀតណាម ​បាន​ទៅ​ដល់​អាកាសយានដ្ឋាន​ ដើម្បី​ទទួល​បវរកញ្ញារូបនេះ​។

បវរកញ្ញា Catriona Gray អតីតជយលាភីឯកបវរកញ្ញាចក្រវាល ឆ្នាំ២០១៨ បានចុះចតជាផ្លូវការនៅអាកាសយានដ្ឋាន Tan Son Nhat ដើម្បីត្រៀមខ្លួនចូលរួមនៅក្នុងរាត្រីចុងក្រោយនៃកម្មវិធីប្រកួត Miss Universe Vietnam 2022។ ប្រភពពី ​Bestie បានឱ្យដឹងថា នាងនឹងទទួលបន្ទុកជាគណៈវិនិច្ឆ័យរួមជាមួយនឹង Miss Universe ឆ្នាំ២០២១ បវរកញ្ញា Harnaaz Sandhu និង Miss Global ឆ្នាំ២០០៥ បវរកញ្ញា Natalie Glebova ។

កាលពីព្រឹកមិញនេះ នៅឯព្រលានយន្តហោះ អ្នកគាំទ្រជាច្រើននាក់បានរង់ចាំជាមួយនឹងបាច់ផ្កា និងផ្ទាំងរូបភាព ដើម្បីត្រៀមស្វាគមន៍កញ្ញា Catriona Gray។ បន្ទាប់ពីចុះចតពីយន្តហោះ បវរកញ្ញារូបនេះត្រូវបានទទួលស្វាគមន៍យ៉ាងកក់ក្តៅពីទស្សនិកជនវៀតណាមរាប់សិននាក់។ ដោយឡែក បវរកញ្ញា Harnaaz Sandhu​ បានទៅដល់អាកាសយានដ្ឋានក្រុងហូជីមិញ កាលពីថ្ងៃទី២២ ខែមិថុនា ម្សិលមិញនេះ៕

ប្រែសម្រួល៖ សន្យា

ចុចអាន៖ កក្រើកឆាក MUV អតីតបវរកញ្ញាចក្រវាលពីររូបនឹងក្លាយជាគណៈវិនិច្ឆ័យនៅវគ្គផ្ដាច់ព្រ័ត្រ

ចុចអាន៖ ឃើញរង្វាន់ Miss Universe Vietnam 2022 ទើបដឹងថា អស្ចារ្យប៉ុនណា