កក្រើកឆាក MUV អតីតបវរកញ្ញាចក្រវាលពីររូបនឹងក្លាយជាគណៈវិនិច្ឆ័យនៅវគ្គផ្ដាច់ព្រ័ត្រ

ស្ថាប័នបវរកញ្ញាចក្រវាលវៀតណាម បានប្រកាសនៅលើ Instagram របស់ខ្លួនថា Catriona Gray ដែលជាអតីតម្ចាស់មកុដបវរកញ្ញាចក្រវាល ឆ្នាំ២០១៨ នឹងក្លាយជាចៅក្រមក្នុងការប្រកួត Miss Universe Vietnam 2022 ។

យោងតាមស្ថាប័ននេះ នារាត្រីចុងក្រោយរបស់ខ្លួននឹងធ្វើឡើងនៅថ្ងៃទី២៥ ខែមិថុនា នៅមជ្ឈមណ្ឌលពិព័រណ៍ និងសន្និបាត Saigon ក្នុងទីក្រុងហូជូមិញ ដែលក្នុងនោះបវរកញ្ញាចក្រវាលឆ្នាំ២០១៨ នឹងចូលរួមជាគណៈវិនិច្ឆ័យម្នាក់ជាមួយនឹងគណៈវិនិច្ឆ័យល្បីៗជាច្រើនរូបទៀតរបស់វៀតណាម។

មិនតែប៉ុណ្ណោះ ម្ចាស់មកុដបវរកញ្ញាចក្រវាល ឆ្នាំ២០២១ Harnaaz Kaur Sandhu នឹងចូលរួមជាចៅក្រមកិត្តិយសក្នុងព្រឹត្តិការណ៍សំខាន់ៗ និងរាត្រីចុងក្រោយនៃការប្រកួតប្រជែងនេះផងដែរ។

MUV ប្រកាសថា “អតីតបវរកញ្ញាចក្រវាលឆ្នាំ២០១៨ Catriona Gray នឹងក្លាយជាចៅក្រមផ្លូវការម្នាក់ ក្នុងរាត្រីចុងក្រោយនៃកម្មវិធីបវរកញ្ញាចក្រវាលវៀតណាមឆ្នាំ២០២២” ៕

ប្រែសម្រួល៖ សន្យា

ចុចអាន៖ ឃើញរង្វាន់ Miss Universe Vietnam 2022 ទើបដឹងថា អស្ចារ្យប៉ុនណា