ជីវិតកម្សាន្ដ

២៤ ឆ្នាំមុន Taew សរសេរកំណត់ហេតុទុកថា ធំ ឡើងនាងនឹងធ្វើជាតារាសម្ដែង

បានផុស

២ ខែ មុន

នៅ

ថ្ងៃព្រហស្បតិ៍ ៩ មីនា ២០២៣

ដោយ

កាលពី២៤ឆ្នាំមុន Taew Natapohn មានអាយុត្រឹមតែ១០ឆ្នាំប៉ុណ្ណោះ តែនាងបែរចេះសរសេរកំណត់ហេតុទុកឲ្យម្ដាយថា នៅពេលធំឡើង នឹងធ្វើជាតារាសម្ដែង ដែលវាជាក្ដីសុបិនមកជាណាស់មកហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈបណ្ដាញសង្គម Instagram ផ្ទាល់ខ្លួន Taew Natapohnman បានបង្ហាញពីក្ដីស្រមៃកាលពីកុមារភាពមួយដោយសរសេរប្រាប់ម្តាយពីគោលបំណងរបស់ខ្លួនយ៉ាងម៉ឺងម៉ាត់។ ក្នុងសំបុត្រនោះនាងសរសេរថា “២១ មករា ១៩៩៩ ថ្ងៃណាមួយ Taew នឹងសម្ដែងលើឆាកនោះ ព្រោះវាជាសុបិនដែល Taew ចង់ធ្វើខ្លាំងណាស់! Taew នឹងព្យាយាមដោយសមត្ថភាពរបស់ខ្លួន។ Taew ចង់អភិវឌ្ឍខ្លួន នៅពេលថ្ងៃឈប់សម្រាកឆមាស Taew ទន្ទឹងរង់ចាំថ្ងៃដែលអាចឡើងជាន់លើវិទ្យាស្ថាន “Bangkok Daz” ក្នុងបន្ទប់ដែលពោរពេញដោយកម្មវិធីកម្សាន្ត រាំលេងកំសាន្ត ដែលជាប្រភពដែលមនុស្សជាច្រើនចង់មកទីនេះ។ ពេលដល់ម៉ោង Taew នឹងកាន់ប៊ិចដោយមិនស្ទាក់ស្ទើរ ហើយបន្ទាប់មកសរសេរកម្មវិធី។ Taew លែងចង់បាន yo-yo ទៀតហើយ ព្រោះវាជារបស់លេងសប្បាយមួយរយៈ ហើយវាជាអ្វីដែលពេញចិត្តនៅពេលនេះ”។

លើសពីនេះ តារាស្រី Taew បញ្ជាក់ Caption ពីលើកំណត់ហេតុបន្ថែមថា ” Taew មិនចង់មាន yo-yo ទៀតទេ។ ព្រោះវាជាប្រដាប់ប្រដាក្មេងលេងសម្រាប់តែភាពរីករាយមួយភ្លែត” ពីក្មេងស្រីដែលតាំងចិត្តចង់រាំតាំងពីអាយុ ១០ ឆ្នាំមកម្ល៉េះ? ម្នាក់នេះមិនចាំខ្លួនឯងទេ ប៉ុន្តែសរុបមក ខ្ញុំមិនបានសិក្សាទេ តែបែរជាទៅរៀនព្យាណូជំនួសវិញ”។

យ៉ាងណាមិញ ក្រោយកំណត់ហេតុកាលពីតូចរបស់តួឯកស្រីក្នុងរឿង “ព្រះម៉ែនាគី” បង្ហោះជាសាធារណៈទាំងមិត្តភ័ក្តិ បងប្អូនក្នុងវិស័យសិល្បៈ និងអ្នកគាំទ្រសម្រុកចុច Like ហើយក្នុងនោះក៏មានមតិសរសើរគំនិតនាងដែលមានអាកប្បកិរិយាល្អតាំងពីនាងនៅក្មេង ខណៈអ្នកខ្លះសរសើរទឹកដីនៃការសរសេរថា នៅតូចសោះតែចេះប្រើភាសាសរសេរបានត្រឹមត្រូវនិងត្រង់ជួរល្អ រហូតឈានដល់សរសើរដល់ឪពុកម្ដាយរបស់ Taew ដែលអប់រំកូនបានល្អផងដែរ៕