ជីវិតកម្សាន្ដ

មហាជនសរសើរឈុតទៅវត្តរបស់ Bella ថាស្រគត់ស្រគំសមនឹងរូប

បានផុស

៣ years មុន

នៅ

ថ្ងៃអង្គារ ៧ មីនា ២០២៣

ដោយ

ត្បិតថាកំពុងមានរឿងអាស្រូវពាក់ព័ន្ធនឹងតារារួមទ្រនំក្ដី តែបញ្ហានេះមិនបានធ្វើឲ្យតារាស្រី Bella Ranee តបតទៅវិញនាំឈឺក្បាលឡើយ ខណៈកាលពីពេលថ្មីៗនេះអ្នកគ្រប់គ្រងផ្ទាល់ខ្លួននាង បានបង្ហោះរូបភាពទៅវត្តដើម្បីធ្វើបុណ្យនៅអារាម ក្នុងន័យស្រគត់ស្រគំគួរឲ្យស្រលាញ់។

តាមរយៈរូបភាពប៉ុន្មានសន្លឹកដែល Ployandbell ជាអ្នកគ្របគ្រងរបស់ Bella ផ្ទាល់ បង្ហោះលើបណ្ដាញសង្គម Instagram បានបញ្ជាក់ពីន័យថា មានតែការធ្វើបុណ្យរក្សាសិលទានទើបធ្វើឲ្យចិត្តស្ងប់។ ជាងនេះទៅទៀត នាងក៏មិនបានតបតទៅកាន់អ្នកលេងអ៊ីនធឺណិតដែលព្យាយាមភ្ជាប់ឈ្មោះនាង ជាមួយតារារូបនេះឬតារារូបណាសូម្បីតែបន្តិច។

លើសពីនេះ អ្នកគាំទ្រជាហ្វេនក្លិបរបស់ Bella Ranee បានបង្ហាញក្ដីត្រេកអរយ៉ាងខ្លាំង ក្រោយឃើញរូបភាពស្រគត់ស្រគំរបស់អាយដលខ្លួន ស្របពេលដែលការបង្ហោះនេះបានបង្ហាញរូបភាពនាងមកធ្វើបុណ្យក្នុងថ្ងៃបុណ្យមាឃបូជា ប្រចាំឆ្នាំ២០២៣ ព្រមទាំងសរសេរខេបសិនថា “ថ្ងៃនេះខ្ញុំចេញពីការងារទៅវត្ត មកគោរពប្រណិប័តន៍ព្រះសង្ឃដើម្បីសុំសំណាងល្អនៅថ្ងៃបុណ្យមាឃបូជា”។

ជាការពិតណាស់ ក្រៅពីមានអ្នកគាំទ្រចូលមក Like និងចូលរួម Comment ដើម្បីលើកទឹកចិត្តសាធុនៅខាងក្រោមការបង្ហោះរបស់អ្នកគ្រប់គ្រង Bella មហាជនជាច្រើនបានផ្ដោតខ្លាំងលើការស្លៀកពាក់របស់ Bella Ranee ក្នុងឈុតពាក់ពណ៌ស។ វាជាម៉ូដដែលមើលទៅគួរឲ្យស្រលាញ់ ស្អាតនិងស្រគត់ស្រគំសក្ដិសមក្នុងទីអារាម៕