ជីវិតកម្សាន្ដ
លោក គួច ខេវិន ស្នើឲ្យបុរសអះអាងថាកូនម្ចាស់ផលិតកម្មឆ្លងដែនចេញមុខសុំទោសជាសាធារណៈ
ផលិតករកម្មវិធីកម្សាន្តល្បីឈ្មោះលោក គួច ខេវិន ដែលធ្លាប់ដឹកនាំសម្ដែងចម្រៀងនៅក្នុងផលិតកកម្មឆ្លងដែនរាប់ពាន់បទផងនោះបានសម្តែងការហួសចិត្ត និងអស់សំណើច ខណ:សុខៗស្រាប់តែមានបុរសម្នាក់ឈ្មោះ មុន្នី ចេញមកអះអាងថាជាកូនទី៥ក្នុងចំណោមកូនទាំង៩នាក់លោក ធឹង សុន ដែលជាអតីតថៅកែឆ្លងដែន ។
បុរសឈ្មោះ មុន្នី រូបនេះបានចេញមកបញ្ជាក់ថា រូបលោកជាអ្នកស្នងមរតក (ទាយាទ) ដើម្បីបើកផលិតកម្មដែលបានបិទទ្វារអស់រយ:កាលប្រមាណ២០ឆ្នាំមកហើយនោះ ដើម្បីឲ្យតំណើរការជាថ្មីឡើងវិញ។ ការបញ្ជាក់នេះត្រូវបានលោក គួច ខេវិន ប្រតិកម្មថា តាមលោកស្គាល់ក្រុមគ្រួសារលោក ធឹង សុន យ៉ាងជិតស្និតនោះគែលោកមិនដែលដឹងថាលោក មុន្នី នេះជាកូនប្រុសរបស់ថៅកែផលិតកម្មឆ្លងដែនទេ ព្រោះម្ចាស់ផលិតកម្មនេះមានកូនប្រុស៣នាក់កំពុងរស់នៅឯសហរដ្ឋអាមេរិក ហើយពួកគេបានទាក់ទងលោកជាប្រចាំ។
លោក គួច ខេវិន បានលើកឡើងថា រឿងបុរសឈ្មោះ មុន្នី ដែលអះអាងថាជាកូនថៅកែឆ្លងដែន គឺជារឿងអស់សំណើចតែបើយោងទៅតាមផ្លូវច្បាប់គឺជារឿងពិបាកសើចហេតុនេះលោកស្នើរសុំឲ្យបុគ្គលនេះគួរតែសុំទោសទស្សនិកជនជាសាធារណៈ។ លោក គួច ខេវិន បាននិយាយទៀតថា អស់សំណើចអាក្អូនម្នាក់នេះបាននិយាយប្រាប់គេថា រូបគេជាកូនប្រុសរបស់លោកអ៊ុំ ធឹង សុន ដែលពុំទាំងដឹងថាឪពុកអាយុប៉ុន្មាននៅពេលដែលគាត់ទទួលអនិច្ចកម្ម? ហើយបច្ចុប្បន្នរូបគេជាអ្នកស្នងមរតកផលិតកម្ម”ឆ្លងដែន” Chlangden Production ដែលល្បីល្បាញតាំងតែពីទសវត្សឆ្នាំ៨០មកម្លេះ ។
លោកបន្តថា បើគយគន់ទៅមើលរូបឆោមរបស់បុរសនេះ ធៀបគ្នាទៅនឹងលោកអ៊ុំ ធឹង សុន ឬជាមួយនឹងកូនៗរបស់លោក ធឹង សុន បីនាក់កំពុងរស់នៅអាម៉េរិក គឺដូចគ្នាមេឃហើយនឹងដី?។ តាមពិតទៅលោកអ៊ុំ ធឹង សុន មានកូនតែបីនាក់គត់ និងមានទំនាក់ទំនងយ៉ាងស្និតជាមួយខ្ញុំដូចបងប្អូនបង្កើតទោះជាខ្ញុំចាកចេញពីអាមេរិកក្រែលឆ្នាំហើយក្តីក៏យើង និយាយគ្នាបានព្រឹកល្ងាច ហើយបីនាក់នោះបដិសេដថាមិនស្គាល់អន្ទិតម្នាក់ហ្នឹងទាល់សោះ។ បើកូនបង្កើតមិនស្គាល់បងប្អូនបង្កើតតើមានបងៗប្អូនៗតារាចម្រៀងដែលធ្លាប់ច្រៀងឲ្យផលិតកម្មឆ្លងដែនណាខ្លះស្គាល់អន្ទិតម្នាក់នេះថា ជាកូនលោកអ៊ុំ ធឹង សុន? មេត្តាជួយប្រាប់ផង។
លោក គួច ខេវិន បញ្ជាក់ទៀតថា តាំងតែពីមុនលោកអ៊ុំ ធឹង សុន អនិច្ចកម្មលោកបានទទួលសិទ្ធិពេញលេញក្នុងការផលិត និងដំណើរការផលិតកម្ម “ឆ្លងដែន” បន្ទាប់ពីលោក ណាំ គឹមឡេង គ្រប់គ្រងផលិតកម្ម”រស្មីនាគមាស” ដែលបំបែកចេញពីផលិតកម្មឆ្លងដែន (មិនបាច់បញ្ជាក់ឆ្នាំព្រោះបទចម្រៀងដែលដាក់ឈ្មោះខ្ញុំដឹកនាំផលិតមានរាប់ពាន់បទ) តែលោកមិនដែលមិនធ្លាប់ស្គាល់អាក្អូនម្នាក់ហ្នឹងទាល់សោះ ឬអត់អាលីងហ្មង ថាជាកូនលោកអ៊ុំ ធឹង សុន? មើលទៅគិតទៅពិចារណាទៅ អស់សំណើច។ ប៉ុន្តែបើយោងទៅរកទិដ្ឋភាពផ្លូវច្បាប់ទំនងជាពិបាកសើចចំពោះករណីនេះ បើឈប់បានឈប់ទៅ ? ហើយសុំទោសសាធារណជនផងណាអាក្អូន៕
អត្ថបទ៖ ចាន់រ៉ា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៦ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ