តារា YouTube ថៃម្នាក់ និយាយចរិតពីក្រោយឆាករបស់ Lisa ពេលជួបនៅអ៊ីតាលី

Napassorn Buranasiri តារា YouTube ល្បីល្បាញនៅប្រទេសថៃបានទម្លាយការពិតនូវចរិតពីក្រោយឆាករបស់ Lalisa សមាជិក Blackpink ពេលនាងបានជួបដោយចៃដន្យ ខណៈកំពុងរង់ចាំជណ្តើរយន្ត នៅឯប្រទេសអ៊ីតាលី។

សរសេររបង្ហោះនៅលើបណ្ដាញ Instagram ផ្ទាល់ខ្លួន Napassorn បានសម្ដែងនូវអារម្មណ៍រំភើបពេលជួបអាយដលសំណព្វ និងជាជនរួមជាតិជាមួយនឹងខ្លួន។ ក្នុងការបង្ហោះនាងបានអរគុណ Lisa ដែលព្រមថតរូបជាមួយ និងនិយាយលើកទឹកចិត្តនាង។ មិនតែប៉ុណ្ណោះ Lisa បានប្រាប់ថា នាងជាហ្វេន Napassorn ព្រោះនាងតែងតែមើលវីដេអូផាត់មុខរបស់ Napassorn ជាញឹកញាប់។

បន្ថែមពីលើនេះ Napassorn បានសរសេររៀបរាប់ចរិតរបស់ Lisa ថា សមាជិក Blackpink រូបនេះពិតជាគួរឱ្យស្រឡាញ់ណាស់។ នាងនិយាយសម្ដីទន់ភ្លន់ សុភាពរាបសារ ដាក់ខ្លួន និងមានតែស្នាមញញឹមពេលនៅក្បែរ។ ដូច្នេះកុំឆ្ងល់ថាហេតុអ្វីបានជាខ្លួនគាំទ្រ Lisa ម្ល៉ឹងៗ ហេតុផលគឺបែបហ្នឹងឯង៕

ប្រែសម្រួល៖ សន្យា

ចុចអាន៖ Pancake បង្ហើបគម្រោងយកទាយាទស្នងត្រកូល ក្រោយរៀបការជិត ១ឆ្នាំ