គេងសណ្ធាគារសុទ្ធតែលំដាប់ៗ តែ Lisa ត្រូវខ្មោចលង ៣យប់ជាប់ៗគ្នា(មានវីដេអូ)

កាលពីពេលថ្មីៗនេះ​ តារាចម្រៀងស្រីដ៏ល្បីល្បាញ Lisa សមាជិកក្រុម Blackpink បានចូលរួមនៅក្នុងកម្មវិធីសម្ភាសន៍មួយ ដែលនាងបានចែករំលែករឿងដ៏គួរឲ្យចាប់អារម្មណ៍។ ដោយសារតែ Lisa គឺជាជនជាតិថៃ ដែលមានជំនឿលើព្រលឹងខ្មោច ដូចនេះ រូបនាងក៏ធ្លាប់បានជួបខ្មោចដូចគ្នា ហើយក៏មានការភ័យខ្លាចផងដែរ។

នៅក្នុងនោះ​ តារាស្រីសញ្ជាតិថៃរូបនេះ បាននិយាយរៀបរាប់ថា ទើបតែថ្មីៗនេះ នាងបានជួបរឿងចម្លែកមួយនៅពេលដែលទៅសម្រាកនៅក្នុងសណ្ធាគារមួយកន្លែងរយៈពេល៣យប់។ នៅពេល​ Lisa កំពុងគេង បានឮសម្លេងគោះទ្វារកណ្ដាលអាធ្រាតនៅបន្ទប់របស់នាង។

អ្វីដែលធ្វើឲ្យរូបនាង ភ័យទៀតនោះគឺ សម្លេងគោះទ្វារនេះ កើតឡើងជាប់ៗគ្នាគ្រប់រយៈពេល៣យប់ ដែលធ្វើការស្នាក់នៅ ហើយវាក៏បានកើតឡើងរាល់ពេលកណ្ដាលអាធ្រាតនៅម៉ោង ១ ២ ដូចគ្នាទៀតផង។ ក្រោយមក Lisa ឆ្ងល់ថា មានអ្វីកើតឡើង បានជានាងជួបរឿងបែបនេះ ហើយនាងទើបតែដឹងថា នាងបានគេងបែរមុខទៅមាត់ទ្វារ។

ទន្ទឹមនឹងនោះ​ Lisa ក៏បានប្រាប់ដែរថា តាមជំនឿ ឬហុងស៊ុយ គេ​មិនឲ្យគេងមុខបែរទៅមាត់ទ្វារនោះទេ ព្រោះវាជាផ្លូវដែលងាយស្រួលភ្ជាប់ទំនាក់ទំនងទៅនឹងពពួកអរូប ឬខ្មោច នេះឯង។ ជាពិសេស រូបនាងក៏បាននិយាយដែរថា នាងជឿថា រឿងបែបនេះ ឬក៏ខ្មោច មាននៅគ្រប់ទីកន្លែងមិនថានៅប្រទេសណានោះទេ៕