Pancake បង្ហើបគម្រោងយកទាយាទស្នងត្រកូល ក្រោយរៀបការជិត ១ឆ្នាំ

រៀបការជិត ១ឆ្នាំហើយ បើនិយាយពីការយកកូនយកចៅ តារារៀមច្បង Pancake ហាក់មិនទាន់រវីរវល់នៅឡើយ ដែលនេះធ្វើឱ្យអ្នកគាំទ្រជជីកសួរគ្រប់គ្នាថា តើពេលណាទើបនាងសម្រេចចិត្តយកទាយាទស្នងត្រកូលនឹងគេ?

បន្ទាប់ពីរៀបការ និងរួមរស់ជាមួយគ្នាអស់រយៈពេល ១១ខែ តារាសម្ដែង Pancake និងស្វាមីឧត្តមសេនីយ៍ នៅមិនទាន់គិតគូរយកកូននោះនោះទេ ខណៈថ្មីៗនេះ Pancake ទើបបង្ហើបថា នាងមិនទាន់យកកូន ដោយសារចង់ផ្ដោតលើការងារសិន។

ជាមួយគ្នានោះ តារាស្រីវ័យ ៣៤ឆ្នាំរូបនេះ បញ្ជាក់ថា នាងនឹងគិតគូរក្នុងរយៈពេល ១ឬ២ឆ្នាំខាងមុខ ព្រោះរាល់ថ្ងៃមមាញឹកនឹងការងារខ្លាំង ដូច្នេះចង់យកពេលធ្វើការឱ្យពេញដៃពេញជើង​។ ម្យ៉ាងមុននឹងយកកូន នាង​ត្រូវតែរៀបចំ​ផែនការជាច្រើន មិនថាហិរញ្ញវត្ថុ និងពេលវេលាសម្រាប់ថែទាំក្មេង៕

ប្រែសម្រួល៖ សន្យា

ចុចអាន៖ គូស្នេហ៍ Mark-Kimberly បង្ហាញផ្ទះថ្មី ត្រៀមចូលនៅក្រោយរៀបការ

ចុចអាន៖ មិត្តប្រុស Mai Davika បង្ហោះរូបផ្អែមល្ហែមជូនពរថ្ងៃកំណើតមិត្តស្រី