ជីវិតកម្សាន្ដ

ពេជ្រ សោភា ត្រៀមខ្លួនទៅលក់អំពៅសាងវិញក្រោយចូលឆ្នាំរួច

បានផុស

៥ ខែ មុន

នៅ

ថ្ងៃសុក្រ ២៦ កុម្ភៈ ២០២១

ដោយ

ដូចដែលមហាជនកត់សម្គាល់ឃើញថា តារាចម្រៀងស្រីអ្នកនាង ពេជ្រ សោភា អំឡុងពេលជិតមួយឆ្នាំចុងក្រោយនេះសម្រាប់ទីផ្សារចម្រៀងរបស់នាងហាក់មានភាពស្ងប់ស្ងាត់ខ្លាំង ខណៈដែលជំងឺកូវីដ-១៩បានចាប់ផ្តើមផ្ទុះឡើង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការស្ងប់ស្ងាតចរាចរណ៍បទចម្រៀងពីសំណាក់តារាចម្រៀង ពេជ្រ សោភា អស់មួយរយៈកាលនេះបានធ្វើឲ្យមហាជននិងអ្នកគាំទ្រមួយចំនួនបានសួរនាំហើយទន្ទឹងរង់ចាំមើលវត្តមានរបស់នាងជាមួយការចេញបទចម្រៀងថ្មីៗដើម្បីប្រជែងសិល្បៈផងដែរ។

ប៉ុន្តែយ៉ាងណាមិញថ្មីៗនេះក៏ស្រាប់តែមានព័ត៌មានថា កន្លងមកតារាចម្រៀង ពេជ្រ សោភា បានធ្វើចម្រៀងចំនួន៣០បទរួចរាល់នៅក្នុងដៃ តែបែរជានាងបន្ដផ្អឹបទុកដោយមិនព្រមបញ្ចេញតទល់ជាមួយតារាល្បីៗផ្សេងទៀតឡើយ ហេតុនេះទើបធ្វើឲ្យកេរ្ដិ៍ឈ្មោះរបស់នាងប្រឈមភាពស្ងាត់ស្ងៀមរយៈពេលជាង១ឆ្នាំមកនេះ។

ដោយឡែកបើតាមការថ្លែងបញ្ជាក់ពីសាមីខ្លួន ពេជ្រ សោភា ហាក់មានចេតនាស្ទង់អ្នកគាំទ្រគឺនាងបានលើកឡើងថា ចូលឆ្នាំនេះខ្លួនប្រហែលគ្មានបទផ្ទុះទេ ហើយបើដូច្នេះមែននាងទំនងទុកសិល្បៈមួយអន្លើរហើយទៅលក់អំពៅសាងវិញហើយ។

តាមរូបភាពជាច្រើនសន្លឹកត្រូវបានពេជ្រ សោភា បង្ហោះនៅលើហ្វេសប៊ុកផ្ទាល់ខ្លួនថាទៅថតបន្ទប់លោកគ្រូខ្ញុំវិញមានតែបន្ទប់ភ្លេងតែគ្មានចេះអ្វីបន្តិច។ សំខាន់ដឹងច្បាស់ថាបទចូលឆ្នាំដឹងតែអត់ផ្ទុះទាំងអស់ ចាក់ស៊ីលុយបើល្បីបានត្រឹម១អាទិត្យអស់ខ្យល់ ត្រូវដឹងគ្រូខ្លាំងគាត់អត់ចេះអួតទេធានាគ្មានបទល្បីចូលឆ្នាំ(ទៅលក់អំពៅវិញសិន)។ គេចាំមើលថាតើ សោភា នឹងមានអ្វីប្លែកឬទេខណៈមានការលើកឡើងថា គ្មានបំណងលើកទង់ជ័យសចុះចាញ់តែពេជ្រ សោភា ត្រៀមទៅលក់អំពៅសាំងវិញទេបើគ្មានបទល្បីចូលឆ្នាំ ?៕

អត្ថបទ ៖ ចាន់រ៉ា