ជីវិតកម្សាន្ដ
លោក អ៉ិន សុភិន រំលឹកអតីតធ្លាប់ជាគ្រប់គ្រងកម្មវិធីបវរកញ្ញាកម្ពុជា និងជម្រៅចិត្តពេលឃើញបេក្ខភាពជោគជ័យ
អតីតអ្នកគ្រប់គ្រងកម្មវិធីប្រកួតសម្រស់ Miss Grand Cambodia លោក អ៉ិន សុភិន បានចេញមករំលឹកដល់រូបភាពរំភើបនាអំឡុងពេលប្រកួត MGI 2022 ខណ:កាលណោះ Miss Grand Cambodia 2022 ជាប់លំដាប់រងទី៥ ក្នុងការប្រកួតមួយនេះ។
ភ្ជាប់ជាមួយរូបភាពចងចាំនេះ លោក អ៉ិន សុភិន ក៏បានផ្តាំផ្ញើក៏ដូចជាក្រើនរំលឹកដល់បវរកញ្ញាមួយចំនួន ត្រូវចេះដឹងគុណដល់ម្ចាស់រៀបចំកម្មវិធីផង។ ជាការពិតលោក អ៉ិន សុភិន គឺកន្លងមកលោកឆ្លងកាត់ការរៀបចំកម្មវិធីប្រឡងបវរកញ្ញាអស់រយ:ពេលជាង ៤ឆ្នាំ និងបានបើកទ្វានាំបវរកញ្ញាកម្ពុជាមួយចំនួនចេញទៅប្រកួតសម្រស់នៅលើឆាកអន្តរជាតិទៀតផង។
លោក អ៉ិន សុភិន រលឹកដូច្នេះថា ពេលឃើញកូនៗទទួលបានជ័យជំនះលើឆាកអន្តរជាតិលំដាប់ពិភពលោក ទឹកភ្នែករបស់ពុកម៉ែនឹងស្រក់មកដោយភាពរំភើបពេកដែលពួកគាត់បានប្រឹងប្រែងកន្លងមក មុនប្រកាសលទ្ធផល។
លោក អ៉ិន សុភិន បញ្ជាក់ថា “រូបថតខ្ញុំកាលពីឆ្នាំ២០២២ ពេល Miss Grand Cambodia 2022 ជាប់លំដាប់រងទី៥, MGI 2022 និងរូបថតម៉ែពុកពេល Miss World Thailand 2025 ជាប់ជា Miss World 2025 សូមកូនចៅឬបេក្ខភាពមួយចំនួនចេះដឹងគុណម្ចាស់រៀបចំកម្មវិធីផង” ។
ប្រាកដណាស់លោក អ៉ិន សុភិន កន្លងមក ត្រូវបានគេដឹងថាលោកគឺជាស្ថាបនិក Miss Grand Cambodia ប៉ុន្តែលោកក៏ត្រូវបានបញ្ចប់កុងត្រាជាមួយស្ថាប័ន Miss Grand International ហើយបន្ទាប់ពីលោ កបានទិញសិទ្ធិរៀបចំកម្មវិធីប្រកួតបវរកញ្ញាដ៏ធំមួយនេះអស់រយៈពេល ៣ឆ្នាំ ពោលគឺចាប់តាំងពីឆ្នាំ២០២០ ដល់ឆ្នាំ២០២២។
ទោះបីយ៉ាងណាលោក អ៉ិន សុភិន ធ្លាប់បានបញ្ជាក់ឱ្យដឹងដែរថា ៤ឆ្នាំ លោកស្គាល់រសជាតិអស់ហើយ បើយើងមិនធ្វើយើងមិនដឹងថាវាលំបាកយ៉ាងណាហើយ ក៏បានបង្រៀនលោកឱ្យស្គាល់ ឱ្យចេះ ឱ្យចាំនូវការងារមួយនេះយ៉ាងច្បាស់ ព្រោះគ្មានសាលាណាបង្រៀនទេក្នុងវិស័យមួយនេះ គឺមានតែខ្លួនប្រឹងរៀនដោយខ្លួនឯង៕ អត្ថបទ៖ ចាន់រ៉ា
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៤ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៧ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម៣ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម