ព័ត៌មានអន្ដរជាតិ
ប្រទេសមួយនៅអឺរ៉ុបត្រៀមចាក់វ៉ាក់សាំងតែមួយដូស Johnson & Johnson ដល់ប្រជាជនអាយុ ៧០ ទៅ ៧៩ ឆ្នាំ
រដ្ឋមន្រ្តីក្រសួងសុខាភិបាលអេស្ប៉ាញបាននិយាយថា ប្រទេសអេស្ប៉ាញនឹងផ្តល់អាទិភាពដល់ប្រជាជនដែលមានអាយុចន្លោះពី ៧០ ឆ្នាំទៅ ៧៩ ឆ្នាំសម្រាប់ការចាក់វ៉ាក់សាំងកូវីដ Johnson & Johnson ដែលនឹងមកដល់នៅសប្តាហ៍នេះ ។
រដ្ឋមន្រ្តីក្រសួងសុខាភិបាលលោក Carolina Darias បានប្រាប់ក្រុមអ្នកយកព័ត៌មានកាលពីថ្ងៃចន្ទនៅឯអាកាសយានដ្ឋាន Gran Canaria ថា ប្រទេសអេស្ប៉ាញនឹងធ្វើការចែកចាយលើកដំបូងនៃវ៉ាក់សាំងចាក់តែមួយដូសចំនួន ៣០០,០០០ ដូសនៅព្រឹកថ្ងៃពុធ ។
ទន្ទឹមនោះមន្រ្តីសហភាពអឺរ៉ុប (EU) និងក្រុមហ៊ុនបាននិយាយថា ក្រុមហ៊ុនវ៉ាក់សាំង Johnson & Johnson បានចាប់ផ្តើមចែកចាយវ៉ាក់សាំងរបស់ខ្លួនទៅកាន់បណ្តាប្រទេស EU កាលពីថ្ងៃចន្ទ បន្ទាប់ពីការពន្យារពេលមួយចំនួន ដោយសារតែបញ្ហាផលិតកម្ម ។
រហូតមកដល់ពេលនេះប្រជាជនប្រមាណ ៦.៦ ភាគរយបានចាក់វ៉ាក់សាំងពេញ ២ ដូស ។ ចន្លោះពីខែមេសាដល់ខែកញ្ញា រដ្ឋាភិបាលរំពឹងថានឹងមានវ៉ាក់សាំងចំនួន ៨៧ លានដូស ខណៈពេលដែលការចែកចាយនៅត្រីមាសទី ២ ត្រូវបានគេរំពឹងថានឹងកើនឡើង ៣.៥ ដងនៃវ៉ាក់សាំងដែលប្រទេសនេះបានទទួលក្នុងខែមករាដល់ខែមីនា ។
អ្នករស់នៅតាមមណ្ឌលថែទាំ និងបុគ្គលិកពេទ្យជួរមុខបានចាក់វ៉ាក់សាំងពេញ ២ ដូសរួចហើយ ហើយមនុស្ស ៩០ ភាគរយដែលមានអាយុលើសពី ៨០ ឆ្នាំបានទទួលការចាក់វ៉ាក់សាំងដូសដំបូង ខណៈក្រុមអាយុ ៧០ ទៅ៧៩ គឺជាអាទិភាពបន្ទាប់សម្រាប់ការចាក់វ៉ាក់សាំង ។
គួរបញ្ជាក់ថា គិតត្រឹមពេលនេះប្រទេសអេស្ប៉ាញមានករណីឆ្លងជំងឺកូវីដ ១៩ សរុប ៣,៣៧០,២៥៦ ករណី និងមានអ្នកស្លាប់ ៧៦,៥២៥ នាក់ ៕
ប្រែសម្រួលដោយ ៖ ជីវ័ន្ត
ប្រភព ៖ Al Jazeera
ចុចអាន ៖ ប្រទេសមួយក្នុងតំបន់អាស៊ីត្រៀមអនុម័តប្រើប្រាស់វ៉ាក់សាំងចាក់តែមួយដូស Johnson & Johnson
ចុចអាន ៖ ដំណឹងល្អ! វ៉ាក់សាំងចាក់តែមួយដូស Johnson & Johnson មានសុវត្ថិភាពលើមនុស្សអាយុលើស ១៨ ឆ្នាំ
-
ព័ត៌មានអន្ដរជាតិ៥ ថ្ងៃ ago
ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?
-
ជីវិតកម្សាន្ដ៣ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ចរាចរណ៍៥ ថ្ងៃ ago
ករណីបុករះស្លាប់៤នាក់នៅស្ពានអាកាសឫស្សីកែវ មានម្នាក់ជានិស្សិតពូកែជំនាញស្ថាបត្យកម្ម និងនគរូបនីយវិទ្យា
-
ព័ត៌មានអន្ដរជាតិ៣ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ៥ ថ្ងៃ ago
គម្រោងទឹកស្អាតធំបំផុតចាយទុនជាង ១០០ លានដុល្លារនៅបាក់ខែង គ្រោងចាប់ផ្តើមសាងសង់
-
ព័ត៌មានជាតិ២ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានជាតិ៥ ថ្ងៃ ago
ទឹកស្ទឹងសង្កែខាងក្រោមទំនប់សាលាតាអន រីងគោក ពលរដ្ឋប្រឈមការដឹកជញ្ជូនបើកបរកាណូតមិនបាន
-
ព័ត៌មានជាតិ១ សប្តាហ៍ ago
ក្រុមហ៊ុនឡូជីស្ទីកលំដាប់ពិភពលោក មានកប៉ាល់ដឹកទំនិញជាង៦០០ គ្រោងពង្រីកការវិនិយោគនៅកម្ពុជាបន្ថែម