ព័ត៌មានអន្ដរជាតិ
អ្នកវិភាគថា ការដកទ័ពចេញពីអាហ្វហ្គានីស្ថានរបស់អាមេរិកនឹងបង្កភាពវឹកវរ
លោកប្រធានាធិបតីសហរដ្ឋអាមេរិក ចូ បៃដិន បានប្រកាសកាលពីពុធថា កងទ័ពអាមេរិកទាំងអស់នឹងត្រូវដកចេញពីប្រទេសអាហ្វហ្គានីស្ថានមុនថ្ងៃទី១១ ខែកញ្ញា ដើម្បីបញ្ចប់សង្គ្រាមដ៏យូរអង្វែងនៅក្នុងប្រវត្តិសាស្ត្រអាមេរិក។
ចាប់តាំងពីឈានជើងចូលប្រទេសអាហ្វហ្គានីស្ថាន នៅខែតុលា ឆ្នាំ២០០១មក កងទ័ពអាមេរិកបានសម្លាប់ជនស៊ីវិលជាង៣ម៉ឺននាក់ របួសជាង៦ម៉ឺននាក់ និងប្រហែល១១លាននាក់បានក្លាយជាជនភៀសខ្លួន។
ខណៈពេលស្ថានភាពសន្តិសុខនៅក្នុងប្រទេសអាហ្វហ្គានីស្ថានបន្តស្មុគស្មាញ និងអំពើភារវកម្មនៅរាលដាល ក្រុមអ្នកវិភាគបានយល់ឃើញថា ការសម្រេចចិត្តរបស់សហរដ្ឋអាមេរិកជាការមិនទទួលខុសត្រូវ និងព្រមានពីជម្លោះស៊ីវិលកាន់តែខ្លាំងឡើង ហើយអំពើភារវកម្មនឹងកើតមានខ្លាំង។
ដោយមានការព្រួយបារម្ភពីស្ថានភាពក្នុងស្រុកកាន់តែអាក្រក់ មន្ត្រីជាន់ខ្ពស់មួយចំនួននៅក្នុងប្រទេសអាហ្វហ្គានីស្ថានបានសម្តែងការខកចិត្តជាសាធារណៈចំពោះការសម្រេចចិត្តរបស់សហរដ្ឋអាមេរិកក្នុងការដកកងទ័ពចេញដោយមិនទាន់បានបង្កើតដំណើរការសន្តិភាពនៅឡើយ។
លោក Rahman Rahmani សមាជិកសភាអាហ្វហ្គានីស្ថាន និយាយថា ៖«ការដកកងទ័ពចេញជាបំណងប្រាថ្នារបស់ប្រជាជនអាហ្វហ្គានីស្ថាន តែនៅពេលនេះ លក្ខខណ្ឌនៅមិនទាន់អាចកើតឡើងបានទេ។ នៅមានលទ្ធភាពដែលសង្គ្រាមស៊ីវិលអាចកើតឡើងវិញ»។
ជាទូទៅប្រជាជនអាហ្វហ្គានីស្ថានជឿថា សហរដ្ឋអាមេរិកនឹងជួយប្រទេសអាហ្វហ្គានីស្ថានក្នុងការបង្កើតរដ្ឋាភិបាលដ៏រឹងមាំមួយ និងកាត់បន្ថយជម្លោះដោយអាវុធ ប៉ុន្តែអាមេរិកមិនបានធ្វើតាមការសន្យារបស់ខ្លួនទេ ហើយធ្វើឲ្យខូចខាតដល់ផលប្រយោជន៍របស់ប្រជាពលរដ្ឋអាហ្វហ្គានីស្ថានទៀតផង។
អ្នកស្រុកនៅ Kabul លោក Mohammad Ayub បានសម្តែងនូវកង្វល់ថា ការដកកងទ័ពចេញរបស់អាមេរិកនឹងនាំឲ្យកើតមានការប្រយុទ្ធគ្នានៅប្រទេសអាហ្វហ្គានីស្ថាន ខណៈមានក្រុមប្រដាប់អាវុធជាច្រើន និងមេដឹកនាំសង្គ្រាមបន្តមានក្នុងប្រទេសនៅឡើយ។
ថ្នាក់ដឹកនាំជាន់ខ្ពស់វិទ្យាស្ថាន Brookings Institution Senior លោក Michael O’Hanlon និយាយថា ៖«វាប្រថុយនឹងសង្គ្រាមស៊ីវិល ការបះបោរដោយក្រុមជនជាតិភាគតិច ការបែកបាក់ និងជម្រកភារវកម្ម ដែលទាំងអស់នេះបង្កើតឲ្យមានបញ្ហាអាក្រក់ មុនពេលដំណើរការសន្តិភាពត្រូវបានព្យាយាមបង្កើតឡើង»។
លោក Zhu Yongbiao នាយកមជ្ឈមណ្ឌលស្រាវជ្រាវអាហ្វហ្គានីស្ថាននៅសកលវិទ្យាល័យ Lanzhou ក្នុងប្រទេសចិននិយាយថា សហរដ្ឋអាមេរិកបានសម្រេចដកកងទ័ពរបស់ខ្លួនចេញដោយមិននទាន់មានដំណើរការរីកចម្រើននៅក្នុងកិច្ចពិភាក្សាសន្តិភាព។
លោកថា ស្ថិតក្នុងស្ថានភាពបច្ចុប្បន្ននេះ ការដកកងទ័ពទាំងស្រុងរបស់សហរដ្ឋអាមេរិកនឹងបង្កឲ្យមានវិបត្តិនយោបាយវឹកវរនៅក្នុងអាហ្វហ្គានីស្ថាន ហើយនៅពេលជាមួយគ្នាធ្វើឲ្យសន្តិសុខកាន់តែអាក្រក់ឡើង៕
ប្រែសម្រួល៖ វីរបុត្រ
ប្រភព៖ xinhuanet
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង