ព័ត៌មានអន្ដរជាតិ
អង់គ្លេសចាប់ផ្តើមការសិក្សាថ្មីទៅលើថាតើ អ្នកកើតកូវីដហើយអាចឆ្លងម្តងទៀតដែរឬក៏អត់
ក្រុមអ្នកវិទ្យាសាស្ត្រអង់គ្លេសនៅថ្ងៃចន្ទទី១៩ខែមេសានេះ បានចាប់ផ្តើមការសាកល្បងមួយដែលនឹងឲ្យអ្នកកើតជំងឺកូវីដ-១៩រួចហើយ ប៉ះពាល់ជាមួយវីរុសកូរ៉ូណាម្តងទៀតដើម្បីពិនិត្យមើលការឆ្លើយតបរបស់ប្រព័ន្ធភាពស៊ាំ និងមើលថាតើមនុស្សអាចឆ្លងម្តងទៀតដែរឬក៏អត់។
កាលពីខែកុម្ភៈ ចក្រភពអង់គ្លេសបានក្លាយជាប្រទេសដំបូងបង្អស់នៅលើពិភពលោក ដែលអនុវត្តការធ្វើតេស្ត “Challenge Trials” លើមនុស្ស ដែលក្នុងនោះអ្នកស្ម័គ្រចិត្តយល់ព្រមប៉ះពាល់ទៅនឹងវីរុសកូវីដ-១៩ ដើម្បីជំរុញការស្រាវជ្រាវចូលទៅក្នុងជំងឺនេះ។
ការសិក្សាដែលចាប់ផ្តើមនៅថ្ងៃចន្ទនេះ មានភាពខុសគ្នាពីការសិក្សាដែលបានប្រកាសកាលពីខែកុម្ភៈ ខណៈដែលខ្លួនព្យាយាមធ្វើឲ្យមនុស្សធ្លាប់កើតជំងឺកូវីដ-១៩ ឆ្លងម្តងទៀតក្នុងកិច្ចខិតខំប្រឹងប្រែងដើម្បីស្វែងយល់ឲ្យកាន់តែស៊ីជម្រៅអំពីភាពស៊ាំ ជាជាងការចម្លងដល់មនុស្សជាលើកដំបូង។
លោកស្រី Helen McShane អ្នកជំនាញផ្នែកវ៉ាក់សាំងនៅសកលវិទ្យាល័យ Oxford និងជាប្រធានអ្នកស៊ើបអង្កេតលើការស្រាវជ្រាវនេះបាននិយាយថា “ព័ត៌មានអំពីការងារនេះ នឹងអនុញ្ញាតឲ្យយើងរៀបចំការចាក់វ៉ាក់សាំងនិងការព្យាបាលកាន់តែល្អប្រសើរ ហើយយើងក៏អាចស្វែងយល់ផងដែរថាតើ មនុស្សត្រូវបានការពារដែរឬក៏អត់បន្ទាប់ពីជាសះស្បើយពីជំងឺកូវីដ-១៩ និងការពារបានយូរប៉ុនណា”។
លោកស្រីបានបន្ថែមទៀតថា ការងារនេះនឹងជួយឲ្យមានការយល់ដឹងអំពីអ្វីដែលការឆ្លើយតបរបស់ប្រព័ន្ធភាពស៊ាំ ការពារប្រឆាំងនឹងការឆ្លងម្តងទៀត។
គួរបញ្ជាក់ថា អ្នកវិទ្យាសាស្ត្របានប្រើប្រាស់ការសាកល្បង Human Challenge អស់រយៈពេលជាច្រើនទសវត្សរ៍មកហើយ ដើម្បីស្វែងយល់បន្ថែមអំពីជំងឺនានាដូចជាគ្រុនចាញ់ ផ្តាសាយ ពោះវៀននិងអាសន្នរោគ ហើយដើម្បីបង្កើតការព្យាបាលនិងវ៉ាក់សាំងប្រឆាំងជំងឺទាំងនេះ៕
ប្រែសម្រួលដោយ៖ Vann Vann
ប្រភព៖ CNA
ចុចអាន៖ កំពុងអុកឡុកពិភពលោក! វីរុសកូរ៉ូណាបំប្លែងខ្លួន១០ប្រភេទ ដែលអាចយកឈ្នះវ៉ាក់សាំងបាន
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១០ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ