ព័ត៌មានអន្ដរជាតិ
ចូលរួមត្រេកអរពលរដ្ឋឥណ្ឌា ជំនួយអន្តរជាតិទៅដល់បណ្តើរៗហើយ
ជំនួយអន្តរជាតិបានទៅដល់ប្រទេសឥណ្ឌាជាបន្តបន្ទាប់ និងមានប្រទេសមួយចំនួនបានសន្យាផ្តល់ជំនួយដើម្បីរួមដៃគ្នាប្រយុទ្ធនឹងជំងឺឆ្លងរាតត្បាតកូវីដ-១៩ដែលបានវាយប្រហារធ្ងន់ធ្ងរលើប្រព័ន្ធសុខាភិបាលក្នុងប្រទេសមួយនេះ។
នៅព្រឹកថ្ងៃអង្គារ យន្តហោះមួយគ្រឿងមកពីចក្រភពអង់គ្លេសដែលដឹកជំនួយបរិក្ខាពេទ្យចំបាច់រួមទាំងអ៊ុកស៊ីសែនបានចុះចតនៅប្រទេសឥណ្ឌា។ ធុងអ៊ុកស៊ីសែនចំនួន៦ធំៗនឹងត្រូវបញ្ជូនពីទីក្រុងឌូបៃនៅថ្ងៃអង្គារនេះដែរ។
ការសន្ទនាតាមទូរសព្ទរវាងលោកនាយករដ្ឋមន្ត្រីឥណ្ឌា Narendra Modi និងលោកប្រធានាធិបតីអាមេរិក ចូ បៃដិន កាលពីថ្ងៃចន្ទ លោក បៃដិន បានសន្យា«ការឧបត្ថម្ភឥតឈប់ឈររបស់អាមេរិក»ដល់ប្រទេសឥណ្ឌាដោយផ្តល់ជូនសម្ភារៈពាក់ព័ន្ធនឹងអ៊ុកស៊ីសែន និងវត្ថុធាតុដើមសម្រាប់វ៉ាក់សាំង។
សហរដ្ឋអាមេរិកក៏បានប្តេជ្ញាចែករំលែកវ៉ាក់សាំង Oxford/AstraZeneca ចំនួន៦០លានដូសដល់ប្រទេសមួយចំនួន។ ឥណ្ឌាគ្រោងនឹងបើកកម្មវិធីចាក់វ៉ាក់សាំងរបស់ខ្លួនដល់គ្រប់មនុស្សពេញវ័យទាំងអស់នៅថ្ងៃសៅរ៍ ប៉ុន្តែប្រទេសនេះក៏កំពុងជួបកង្វះខាតវ៉ាក់សាំងដែរ។
លោកប្រធានាធិបតី ចូ បៃដិន បានសរសេរតាមបណ្តាញសង្គមថា ៖«ដូចជាប្រទេសឥណ្ឌាបានបញ្ជូនជំនួយទៅសហរដ្ឋអាមេរិក នៅពេលមន្ទីរពេទ្យយើងជួបការលំបាកដោយកូវីដ-១៩កាលមុន យើងប្តេជ្ញាជួយដល់ឥណ្ឌាគ្រប់ពេលវេលាដែលត្រូវការ»។
ប្រទេសឥណ្ឌាមានករណីឆ្លងកូវីដ-១៩ថ្មីជាង៣០ម៉ឺននាក់ទៀតកាលពីថ្ងៃចន្ទ ដែលធ្វើឲ្យកំណត់ត្រាខ្ពស់បំផុតនេះជាប់គ្នា៥ថ្ងៃហើយ ខណៈអ្នកស្លាប់ថ្មីក្នុងរយៈពេល២៤ម៉ោងចុងក្រោយមានចំនួន២៧៧១នាក់។ ទោះបីជាយ៉ាងណា អ្នកជំនាញសុខភាពជឿថា ចំនួនផ្លូវការគឺខ្ពស់ជាងនេះ។
សហភាពអឺរ៉ុបបាននិយាយថា ខ្លួននឹងបញ្ជូនបរិក្ខាពេទ្យ និងអ៊ុកស៊ីសែនទៅប្រទេសឥណ្ឌាក្នុងរយៈពេលដ៏ខ្លីខាងមុខ។
លោក Ursula von der Leyen ប្រធានគណៈកម្មការអឺរ៉ុបបាននិយាយថា ៖«អឺរ៉ុបកំពុងប្រមូលធនធានដើម្បីឆ្លើយតបនឹងការស្នើសុំជាបន្ទាន់របស់ឥណ្ឌា»។
ប្រធានអង្គការសុខភាពពិភពលោក លោក Tedros Adhanom Ghebreyesus បាននិយាយថា អង្គការក៏កំពុងប្រញាប់ជួយប្រទេសឥណ្ឌាដោយត្រូវបានបញ្ជូនបំពងអ៊ុកស៊ីសែនរាប់ពាន់ក្នុងចំណោមសម្ភារៈចំបាច់សំខាន់ៗ។
លោក Tedros និយាយថា ៖«ស្ថានភាពនៅឥណ្ឌាគឺហួសពីការខូចចិត្ត។ WHO កំពុងធ្វើអ្វីគ្រប់យ៉ាងដើម្បីជួយ»។
ជាមួយគ្នានេះ ប្រទេសដាណឺម៉ាក អារ៉ាប៊ីសាអូឌីត អារ៉ាប់រួមអូ ស្រ្តាលី និងប៊ូតាន ក៏សន្យាផ្តល់ជំនួយដែរ ព្រមទាំងមានប្រទេសប៉ាគីស្ថាន ចិន អាល្លឺម៉ង់ និងបារាំងក៏សន្យាផ្តល់ជំនួយដល់ឥណ្ឌាដែរ៕
ប្រែសម្រួល៖ វីរបុត្រ
ប្រភព៖ theguardian
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១០ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore