វ៉ាក់សាំង AstraZeneca អាចទប់ទល់នឹង Delta បាន ទោះឆ្លង ក៏មិនឈឺធ្ងន់

របាយការណ៍បានបង្ហាញថា វ៉ាក់សាំងការពារជំងឺកូវីដ-១៩របស់ក្រុមហ៊ុន AstraZeneca ហាក់ដូចជាកំពុងការពារមនុស្សពីការឆ្លងវីរុសបំប្លែងខ្លួនឥណ្ឌា។

កំពុងមានការព្រួយបារម្ភថា វីរុសបំប្លែងខ្លួន Delta ដែលកំពុងរីករាលដាលទូទាំងពិភពលោក អាចធ្វើឲ្យវ៉ាក់សាំងថយប្រសិទ្ធភាពនិងមានហានិភ័យធ្វើឲ្យ អ្នកចាក់វ៉ាក់សាំងរួចរាល់ នៅតែធ្លាក់ខ្លួនឈឺ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ុន្តែក្នុងករណីមួយ បុគ្គលិកសុខាភិបាលមួយចំនួនដែលបានឆ្លងមេរោគនេះ បន្ទាប់ពីចាក់វ៉ាក់សាំងហើយនៅទីក្រុងដែលី ប្រទេសឥណ្ឌា គឺគ្មាននរណាម្នាក់ធ្លាក់ខ្លួនឈឺធ្ងន់ធ្ងរនោះទេ។

នេះបង្ហាញថា វ៉ាក់សាំង AstraZeneca មានសមត្ថភាពទប់ទល់នឹងវីរុសបំប្លែងខ្លួន Delta បាន បើទោះឆ្លង ក៏មិនឈឺធ្ងន់ដែរ។

ទោះបីជាយ៉ាងណាក៏ដោយ របាយការណ៍ដែលថា ប្រជាជនឥណ្ឌានៅតែឆ្លងជំងឺ បន្ទាប់ពីចាក់វ៉ាក់សាំងរួច បានបង្កឲ្យមានការព្រួយបារម្ភខ្លះ ព្រោះវាបង្ហាញថា វីរុសបំប្លែងខ្លួននេះអាចយកឈ្នះប្រព័ន្ធភាពស៊ាំបាន។

ប៉ុន្តែក្រុមអ្នកជំនាញនិយាយថា នេះទំនងគ្រាន់តែជាលទ្ធផលបណ្តោះអាសន្នប៉ុណ្ណោះ៕

ប្រែសម្រួលដោយ៖ Vann Vann

ប្រភព៖ Daily Mail

ចុចអាន៖ ថៃ ក៏លាន់មាត់សរសើរដូច ឥណ្ឌូនេស៊ី ដែរថា វ៉ាក់សាំង Sinovac មានសុវត្ថិភាពខ្ពស់ ទោះ WHO មិនទាន់ចុះបញ្ជីប្រើប្រាស់បន្ទាន់ក៏ដោយ