ព័ត៌មានអន្ដរជាតិ
អ្នកស្នងតំណែងមេក្រុមអាល់កៃដានិងជាមេខ្លោងបំផ្ទុះគ្រាប់បែកស្ថានទូតអាមេរិកត្រូវបានសម្លាប់
ដោយដកស្រង់សម្តីមន្ត្រីចារកម្ម កាសែត New York Times បានរាយការណ៍នៅថ្ងៃសៅរ៍នេះថា មេបញ្ជាការទី២នៃក្រុមអាល់កៃដាដែលត្រូវបានចោទប្រកាន់ថាបានជួយរៀបចំផែនការបំផ្ទុះគ្រាប់បែកនៅស្ថានទូតអាមេរិក២កន្លែងក្នុងទ្វីបអាហ្វ្រិកត្រូវបានសម្លាប់ក្នុងប្រទេសអ៊ីរ៉ង់កាលពីខែសីហា។
កាសែតអាមេរិកបានរាយការណ៍ថា លោក Abdullah Ahmed Abdullah ឬ Abu Muhammad al-Masri ត្រូវបានបាញ់សម្លាប់ដោយបុរសពីរនាក់ដែលជិះម៉ូតូក្នុងទីក្រុង Tehran កាលពីជាងបីខែមុន។
មន្រ្តីស៊ើបការណ៍សម្ងាត់បានប្រាប់កាសែតថា ការសម្លាប់លោក al-Masri ដែលត្រូវបានគេមើលឃើញថាជាអ្នកស្នងតំណែងរបស់មេដឹកនាំអាល់កៃដាបច្ចុប្បន្នគឺលោក Ayman al-Zawahri ត្រូវបានធ្វើឡើងដោយភ្នាក់ងារអ៊ីស្រាអែលតាមបញ្ជារបស់អាមេរិក។
ទោះបីជាយ៉ាងណាក៏ដោយ កាសែតនេះបានបន្ថែមថា គេមិនច្បាស់ទេថាតើអាមេរិកមានតួនាទីអ្វីនៅក្នុងការសម្លាប់អ្នកប្រយុទ្ធដើមកំណើតអេហ្ស៊ីបរូបនេះកាលពីថ្ងៃទី៧ខែសីហា។
កាសែតនេះបានរាយការណ៍ថា លោក Al-Masri ត្រូវបានសម្លាប់រួមជាមួយកូនស្រីរបស់គាត់។
លោក Al-Masri ត្រូវបានដាក់បញ្ចូលក្នុងបញ្ជីភេរវករដែល FBI តាមចាប់ខ្លួនហើយត្រូវបានចោទប្រកាន់នៅសហរដ្ឋអាមេរិកពីបទឧក្រិដ្ឋទាក់ទងនឹងការបំផ្ទុះគ្រាប់បែកនៅស្ថានទូតអាមេរិកក្នុងប្រទេសកេនយ៉ានិងតង់ហ្សានីដែលក្នុងនោះមនុស្ស២២៤នាក់ត្រូវបានសម្លាប់និងរាប់រយនាក់រងរបួស៕
ប្រែសម្រួលដោយ៖ Vann Vann
ប្រភព៖ Al Jazeera
-
ព័ត៌មានជាតិ១៦ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)