ព័ត៌មានអន្ដរជាតិ
រុស្ស៊ី ចាប់ផ្តើមអភិវឌ្ឍន៍យន្តហោះចម្បាំងម៉ាស៊ីនតែមួយជំនាន់ទី ៥ ក្រោយលោក ពូទីន អះអាងបំពាក់អាវុធទំនើបៗលើយោធា
ប្រភពពីឧស្សាហកម្មសំណង់យន្តហោះ បានប្រាប់សារព័ត៌មាន Sputnik ថា ក្រុមហ៊ុន Sukhoi របស់ប្រទេសរុស្ស៊ី បានចាប់ផ្តើមធ្វើការបង្កើត យន្តហោះចម្បាំងម៉ាស៊ីនតែមួយជំនាន់ទី ៥ រួមជាមួយនឹងការប្រើបច្ចេកវិទ្យាបំបាំងកាយ និងបន្ថែមការអភិវឌ្ឍយន្តហោះ Su-57 ផងដែរ ។
ការអភិវឌ្ឍនេះធ្វើឡើង ក្រោយប្រធានាធិបតីរុស្ស៊ីលោក វ្ល៉ាឌីមៀរ ពូទីន បាននិយាយកាលពីថ្ងៃអង្គារថា ប្រទេសរុស្ស៊ីនឹងបន្តពង្រឹងកងកម្លាំងប្រដាប់អាវុធរបស់ខ្លួន ហើយនឹងបំពាក់ឲ្យពួកគេនូវអាវុធទំនើបៗ ដែលជាបច្ចេកវិទ្យាចុងក្រោយបង្អស់ ។
រហូតមកដល់បច្ចុប្បន្ននេះ យន្តហោះចម្បាំងទាំងអស់ ដែលផលិតនៅប្រទេសរុស្ស៊ី រួមទាំងយន្តហោះ Su-57 ផងដែរនោះ គឺបំពាក់ដោយម៉ាស៊ីនពីរ ។
ប្រភពបាននិយាយថា “ការិយាល័យរចនារបស់ក្រុមហ៊ុន Sukhoi កំពុងធ្វើការស្រាវជ្រាវ ដើម្បីបង្កើតយន្តហោះចម្បាំងម៉ាស៊ីនតែមួយ ជំនាន់ទី ៥ របស់ខ្លួន” ។
ប្រភពបន្តថា “ក្នុងអំឡុងពេលនៃការបង្កើតយន្ដហោះនេះ វាត្រូវបានគេគ្រោងនឹងប្រើប្រាស់មូលដ្ឋានគ្រឹះ ដែលត្រូវបានអភិវឌ្ឍទ្រង់ទ្រាយធំ នៅក្នុងក្របខ័ណ្ឌនៃការបង្កើតយន្តហោះ Su-57 រួមមានម៉ាស៊ីនទំនើបៗ ៣០ គ្រឿង ឧបករណ៍វិទ្យុអេឡិចត្រូនិច ក៏ដូចជាប្រព័ន្ធអាវុធប្រយុទ្ធនៅលើយន្តហោះ ជាដើម” ។
បច្ចុប្បន្ន យន្តហោះចម្បាំងម៉ាស៊ីនមួយ ត្រូវបានគេប្រើប្រាស់យ៉ាងទូលំទូលាយនៅក្នុងពិភពលោក ខណៈតម្រូវការបំផុតរបស់ពួកគេ នៅលើទីផ្សារអាវុធពិភពលោក គឺយន្តហោះប្រយុទ្ធអាមេរិក F-16 និង F-35 យន្តហោះស៊ុយអែត JAS-39 GRIPEN និង J-10 របស់ចិន ជាដើម ។ វត្តមានរបស់យន្តហោះចម្បាំងម៉ាស៊ីនតែមួយ ជួយកាត់បន្ថយការចំណាយ និងអាំងតង់ស៊ីតេកម្លាំងពលកម្មក្នុងការផលិតយន្តហោះ ហើយក៏ជួយសម្រួល និងកាត់បន្ថយថ្លៃដើមប្រតិបត្តិការ និងការថែទាំផងដែរ ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ ទូកនេសាទខ្នាតតូច ជប៉ុន បុកជាមួយនាវា រុស្ស៊ី ទម្ងន់ ៦៦២ តោន ផ្អើលពេញសមុទ្រ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ