ព័ត៌មានអន្ដរជាតិ
លោក គីម ជុងអ៊ុន បញ្ជាឲ្យបន្ថែមការរឹតបន្តឹងលើវិធានការប្រឆាំងជំងឺកូវីដ ១៩ ខណៈករណីឆ្លងលើពិភពលោកកំពុងកើនឡើងខ្លាំង
ទីភ្នាក់ងារសារព័ត៌មានរដ្ឋ KCNA បាននិយាយកាលពីថ្ងៃចន្ទនេះថា មេដឹកនាំកូរ៉េខាងជើងលោក គីម ជុងអ៊ុន បានបញ្ជាឲ្យមានការរឹតបន្តឹងបន្ថែម និងខ្លាំងជាងមុននូវប្រព័ន្ធប្រឆាំងជំងឺកូវីដ ១៩ នៅចំពោះមុខការរីករាលដាលនៃរោគរាតត្បាតទូទាំងពិភពលោក ខណៈដែលលោកបានធ្វើជាអធិបតីក្នុងកិច្ចប្រជុំរបស់ការិយាល័យនយោបាយនៃគណបក្សពលករកំពុងកាន់អំណាច ។
កិច្ចប្រជុំនេះបានកើតឡើង ចំពេលដែលភាពមិនប្រាកដប្រជាផ្នែកសេដ្ឋកិច្ច និងនយោបាយជុំវិញការរីករាលដាលនៃជំងឺរាតត្បាតសាកល កូវីដ ១៩ ដែលកំពុងដាក់សម្ពាធបន្ថែមលើសេដ្ឋកិច្ចរបស់កូរ៉េខាងជើងដែលត្រូវបានរងការវាយប្រហារដោយទណ្ឌកម្មអន្តរជាតិដែលមានគោលបំណងបញ្ឈប់កម្មវិធីនុយក្លេអ៊ែររបស់ខ្លួន ។
KCNA បានរាយការណ៍ថា ការបង្ហាញខ្លួនជាសាធារណៈលើកដំបូងក្នុងរយៈពេល ២៥ ថ្ងៃលោក គីម បានសង្កត់ធ្ងន់លើភាពចាំបាច់ដើម្បីរក្សាការប្រុងប្រយ័ត្នខ្ពស់ និងពង្រឹងការងារប្រឆាំងនឹងការរីករាលដាលនេះ ។
![](https://kampucheathmey.com/wp-content/uploads/2020/11/Kim.jpg)
យោងតាមអង្គការសុខភាពពិភពលោក (WHO) បានឲ្យដឹងថា ប្រទេសកូរ៉េខាងជើងបានធ្វើតេស្តលើមនុស្សជាង ១២,០០០ នាក់ ហើយមិនបានរាយការណ៍ថាមានករណីឆ្លងវីរុសនេះនោះទេនៅដើមខែវិច្ឆិកានេះ ។
WHO បាននិយាយថា មនុស្សសរុបចំនួន ៦,១៧៣ នាក់ក្នុងនោះ ៨ នាក់ជាជនបរទេសត្រូវបានគេរកឃើញថាជាករណីសង្ស័យជំងឺកូវីដ ១៩ ក្នុងប្រទេសកូរ៉េខាងជើង ហើយមនុស្ស ១៧៤ នាក់ត្រូវបានធ្វើចត្តាឡីស័កនៅសប្តាហ៍ចុងក្រោយនៃខែតុលា ។
គួរបញ្ជាក់ថា មនុស្សជាង ៥៤ លាននាក់ត្រូវបានរាយការណ៍ថាបានឆ្លងជំងឺកូវីដ ១៩ នៅទូទាំងពិភពលោក ហើយមនុស្ស ១,៣១២,៣៣៤ នាក់បានស្លាប់ ៕
![](https://kampucheathmey.com/wp-content/uploads/2020/11/Kim-1.jpg)
ប្រែសម្រួលដោយ ៖ ជីវ័ន្ត
ប្រភព ៖ REUTERS
ចុចអាន ៖ Trump ចេញបញ្ជាហាមឃាត់ការវិនិយោគរបស់សហរដ្ឋអាមេរិកជាមួយក្រុមហ៊ុនដែលជួយដល់យោធាចិន
-
សន្តិសុខសង្គម១ សប្តាហ៍ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម១ សប្តាហ៍ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម១ សប្តាហ៍ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៧ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ១ សប្តាហ៍ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៥ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
សេដ្ឋកិច្ច៤ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ២ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ