ពិតទេ! ការសិក្សាថ្មីបង្ហាញថា ជំងឺកូវីដ ១៩ កើតមាននៅក្នុងប្រទេសអ៊ីតាលី តាំងពីដើមខែកញ្ញា ឆ្នាំ ២០១៩
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ពិតទេ! ការសិក្សាថ្មីបង្ហាញថា ជំងឺកូវីដ ១៩ កើតមាននៅក្នុងប្រទេសអ៊ីតាលី តាំងពីដើមខែកញ្ញា ឆ្នាំ ២០១៩

បានផុស

នៅ

ការសិក្សាស្រាវជ្រាវថ្មីបានរកឃើញថា ជំងឺកូវីដ ១៩ មានសកម្មភាព និងវត្តមាននៅក្នុងប្រទេសអ៊ីតាលីប៉ុន្មានខែមុនពេលវាត្រូវបានរកឃើញជាផ្លូវការដែលធ្វើឲ្យមានសំណួរបន្ថែមទៀតអំពីប្រភពដើម វិសាលភាព និងរយៈពេលពិតប្រាកដនៃការបន្តជំងឺរាតត្បាតមួយនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការសិក្សាលើមូលដ្ឋានថ្មីដែលធ្វើឡើងដោយអ្នកវិទ្យាសាស្ត្រនៅវិទ្យាស្ថានមហារីក Milan Institute of Cancer និងសាកលវិទ្យាល័យ University of Siena ត្រូវបានបោះពុម្ពផ្សាយក្នុងសប្តាហ៍នេះដោយទស្សនាវដ្ដី Tumori ។ ការស្រាវជ្រាវនេះគឺផ្អែកលើការវិភាគសំណាកឈាមពីមនុស្សចំនួន ៩៥៩ នាក់ដែលត្រូវបានប្រមូលក្នុងអំឡុងពេលធ្វើតេស្តរកជំងឺមហារីកសួតដែលធ្វើឡើងចន្លោះខែកញ្ញា ឆ្នាំ ២០១៩ ដល់ខែមីនា ឆ្នាំ ២០២០ ។

ច្រើនជាង ១១ ភាគរយនៃអ្នកដែលត្រូវបានធ្វើតេស្ត មនុស្ស ១១១ នាក់បានបង្ហាញថាមានអង់ទីគ័រដែលទាក់ទងនឹងវីរុសកូរ៉ូណា ។ អ្នកដែលត្រូវបានគេធ្វើតេស្តទាំងអស់មិនបានបង្ហាញរោគសញ្ញា ហើយមិនបានបង្ហាញសញ្ញាណាមួយនៃជំងឺនេះនោះទេ ។ លទ្ធផលវិជ្ជមានចំនួន ២៣ មានតាំងពីខែកញ្ញា ឆ្នាំ ២០១៩ មកម្ល៉េះដែលបង្ហាញថាវីរុសនេះពិតជាមាននៅក្នុងប្រទេសអ៊ីតាលីនៅដើមរដូវក្តៅមុនពោលគឺប្រហែល ៦ ខែមុនពេលរោគរាតត្បាតនេះចាប់ផ្តើម និងឈានដល់ប្រទេសអ៊ីតាលី ។

ការស្រាវជ្រាវដំបូងបានបង្ហាញរួចហើយថា វីរុសកូរ៉ូណាកើតចេញពីទីក្រុងវូហានរបស់ប្រទេសចិននៅខែធ្នូ ឆ្នាំ ២០១៩ ហើយវាបានប្រែទៅជារោគរាតត្បាតនៅខែមករា ឆ្នាំ ២០២០ ។ ប៉ុន្តែទិន្នន័យពីអ្នកស្រាវជ្រាវជនជាតិអ៊ីតាលីមានតម្លៃពិសេស ព្រោះវាមានមូលដ្ឋានលើសំណាកឈាមពិតៗបើប្រៀបធៀបនឹងការរកឃើញមុនៗដែលមិនមានការសន្និដ្ឋានច្បាស់លាស់ដែលបានលើកឡើងផងដែរថាការកំណត់ពេលវេលារោគរាតត្បាតអាចនឹងខុស ។

ទន្ទឹមនោះការសិក្សាស្រាវជ្រាវថ្មីនេះបានបង្ហាញថា មានភាពស្របគ្នានឹងរបាយការណ៍នៃរោគសញ្ញានៃការដកដង្ហើមធ្ងន់ធ្ងរ និងជំងឺផ្តាសាយខុសពីធម្មតាដែលរីករាលដាលក្នុងចំណោមមនុស្សវ័យចំណាស់របស់អ៊ីតាលីនៅចុងឆ្នាំ ២០១៩ ។

ការរកឃើញស្រដៀងគ្នានេះត្រូវបានធ្វើឡើងដោយអ្នកវិទ្យាសាស្ត្រមកពីប្រទេសដទៃទៀតផងដែរ ។ អ្នកស្រាវជ្រាវអេស្ប៉ាញបានអះអាងថា ពួកគេបានរកឃើញវីរុសកូរ៉ូណាក្នុងសំណាកទឹកស្អុយដែលបានយកមកនៅដើមខែមីនា ឆ្នាំ ២០១៩ ។

គួរបញ្ជាក់ថា មនុស្សជាង ៥៤ លាននាក់ត្រូវបានរាយការណ៍ថាបានឆ្លងជំងឺកូវីដ ១៩ នៅទូទាំងពិភពលោក ហើយមនុស្ស ១,៣១២,៣៣៤ នាក់បានស្លាប់ ៕

ប្រែសម្រួលដោយ ៖ ជីវ័ន្ត

ប្រភព ៖ RT

ចុចអាន ៖ លោក គីម ជុងអ៊ុន បញ្ជាឲ្យបន្ថែមការរឹតបន្តឹងលើវិធានការប្រឆាំងជំងឺកូវីដ ១៩ ខណៈករណីឆ្លងលើពិភពលោកកំពុងកើនឡើងខ្លាំង

ចុចអាន ៖ ខ្មាន់កាំភ្លើងសម្លាប់មនុស្ស ៣៤ នាក់ក្នុងការវាយប្រហារលើរថយន្តក្រុងនៅភាគខាងលិចប្រទេសអេត្យូពី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កូវីដ-១៩២ នាទី មុន

ករណីស្លាប់កូវីដ-១៩ ច្រើនក្នុង១ថ្ងៃមិនធ្លាប់មាននៅខេត្តបន្ទាយមានជ័យ សរុបកើនដល់ ១៦៧ករណី

ព័ត៌មានជាតិ៤ នាទី មុន

ឆេះផ្សារដំបូលខៀវទាំងកណ្តាលអធ្រាត្រ បង្កការភ្ញាក់ផ្អើលដល់សមត្ថកិច្ចចុះអន្តរាគមន៍

ព័ត៌មានអន្ដរជាតិ១១ នាទី មុន

ផ្ទុះបាតុកម្មហិង្សាប្រឆាំងការបិទខ្ទប់នៅទីក្រុងមែលប៊ន ប៉ូលិសចាប់ខ្លួនបាតុករជាង ២០០នាក់ (វីដេអូ)

ព័ត៌មានអន្ដរជាតិ៣២ នាទី មុន

អាហ្វហ្គានីស្ថាន បើកអនុវិទ្យាល័យឡើងវិញ តែមិនអនុញ្ញាតឲ្យសិស្សស្រីចូលរៀនឡើយ

ព័ត៌មានជាតិ៤២ នាទី មុន

កម្ពុជា បន្តទទួលរងនូវឥទ្ធិពលនៃជ្រលងសម្ពាធទាបឥណ្ឌា និងខ្យល់មូសុងនិរតីខ្សោយ

Sokha Hotels

ព័ត៌មានពេញនិយម

Helistar Cambodia - Helicopter Charter Services