ក្រោយព្រឹត្តិការណ៍វាយប្រហារប្រឆាំងភេរវកម្ម ៩/១១ យោធា អាមេរិក ស្លាប់ដោយការធ្វើអត្តឃាតច្រើនជាងក្នុងសមរភូមិប្រយុទ្ធ
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ក្រោយព្រឹត្តិការណ៍វាយប្រហារប្រឆាំងភេរវកម្ម ៩/១១ យោធា អាមេរិក ស្លាប់ដោយការធ្វើអត្តឃាតច្រើនជាងក្នុងសមរភូមិប្រយុទ្ធ

បានផុស

នៅ

ការសិក្សាថ្មីមួយបានអះអាងថា សង្គ្រាមជាបន្តបន្ទាប់ដែលអាមេរិកបានជួប បន្ទាប់ពីព្រឹត្តិការណ៍វាយប្រហារ ៩/១១ បណ្ដាលឲ្យការធ្វើអត្តឃាតរបស់យោធាមានការកើនឡើង ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

របាយការណ៍ថ្មីមួយរបស់គម្រោងការចំណាយលើសង្រ្គាមរបស់សាកលវិទ្យាល័យ Brown University បានរកឃើញថា យោធាបានបាត់បង់ជីវិតពីការធ្វើអត្តឃាត ច្រើនជាង ៤ ដងពីការស្លាប់ក្នុងការប្រយុទ្ធនៅក្នុងសង្គ្រាមដែលបានចាប់ផ្តើម ចាប់តាំងពីព្រឹត្តិការណ៍វាយប្រហារភេរវករ ៩/១១ ។

ចាប់តាំងពីប្រធានាធិបតី George W. Bush បានចាប់ផ្តើមសង្គ្រាមប្រឆាំងភេរវកម្មសកលរបស់គាត់ក្នុងឆ្នាំ ២០០១ សមាជិកសេវាកម្ម ៧,០៥៧ នាក់ត្រូវបានសម្លាប់នៅក្នុងប្រតិបត្តិការយោធា ។ ក្នុងរយៈពេលដូចគ្នានេះ បុគ្គលិកសកម្មប្រមាណជា ៥,១១៦ នាក់បានស្លាប់ដោយការធ្វើអត្តឃាត ។ នៅចន្លោះឆ្នាំ ២០១១ និងឆ្នាំ ២០២០ សមាជិកសេវាកម្មឆ្មាំជាតិចំនួន ១,១៩៣ នាក់ និងសមាជិកផ្នែកសេវាកម្មបម្រុងចំនួន ១,៦០៧ នាក់បានបាត់បង់ជីវិត ។ ចំនួនអ្នកធ្វើអត្តឃាតក្នុងចំណោមអតីតយុទ្ធជននៃសង្គ្រាមទាំងនោះត្រូវបានគេប៉ាន់ប្រមាណថាមានចំនួន ២២,២៦១ នាក់ ។ ចំនួនសរុបមាន ៣០,១៧៧ នាក់ដែលខ្ពស់ជាងការស្លាប់នៅសមរភូមិប្រយុទ្ធទៅទៀត ។

ការសិក្សាបាននិយាយថា អត្រានៃការធ្វើអត្តឃាតដែលបានកត់ត្រាក្នុងចំណោមសមាជិកនៃសេវាកម្មសកម្ម និងអតីតយុទ្ធជនបានកើនឡើង និងមានចំនួនលើសពីចំនួនប្រជាជនទូទៅដែលកំពុងតែកើនឡើងនៅសហរដ្ឋអាមេរិក ។

ការធ្វើអត្តឃាតរបស់យោធាថ្មីៗបន្ថែមទៀតនៅតែបន្តកើនឡើង ទោះបីជាការស្លាប់ពីការប្រយុទ្ធក្នុងសង្គ្រាមបានថយចុះយ៉ាងខ្លាំង បន្ទាប់ពីឆ្នាំ ២០០៧ ក៏ដោយ ។

ការសិក្សាបាននិយាយថា បញ្ហាដែលសមាជិកនៃក្រុមប្រដាប់អាវុធប្រឈមមុខគឺ ការប៉ះទង្គិចផ្លូវកាយ  និងសីលធម៌ ភាពតានតឹង និងអស់កម្លាំងកាយចិត្ត អំឡុងការរស់នៅលាក់ខ្លួន ក៏ដូចជាការលំបាកក្នុងការសម្របខ្លួនទៅនឹងជីវិតស៊ីវិល ។

កត្តាផ្សេងទៀតនៃការធ្វើអត្តឃាតក្នុងរយៈពេលពីរទសវត្សកន្លងមកនេះគឺ ការប្រើប្រាស់ទ្រង់ទ្រាយធំនៃគ្រឿងផ្ទុះប្រឆាំងនឹងកងទ័ពអាមេរិក ដែលបណ្ដាលឲ្យរងរបួសខួរក្បាល និងការប៉ះទង្គិចខាងខួរក្បាលជាដើម ។

វាក៏មានការប៉ះទង្គិចផ្លូវភេទផងដែរដែលសមាជិកសេវាកម្មជួបប្រទះ សូម្បីតែពេលបម្រើនៅសមរភូមិណាមួយ ។ ការសិក្សាបាននិយាយថា បទពិសោធតប់ប្រមល់ ឬការគំរាមកំហែងនៃការរំលោភផ្លូវភេទប៉ះពាល់ដល់ស្ត្រីក្នុងវិស័យយោធាជាង ២៣ ភាគរយ ។ ការយាយីផ្លូវភេទត្រូវបានជួបប្រទះដោយស្ត្រីប្រមាណ ៥៥ ភាគរយ និងបុរស ៣៨ ភាគរយ ។

របាយការណ៍បាននិយាយថា “នៅពេលដែលយើងឈានដល់ខួបលើកទី ២០ នៃការវាយប្រហារថ្ងៃទី ១១ ខែកញ្ញា យើងត្រូវតែឆ្លុះបញ្ចាំងពីការចំណាយលើសុខភាពផ្លូវចិត្តនៃសង្គ្រាមពិភពលោក ស្តីពីអំពើភេរវកម្ម ។ ការចំណាយរបស់មនុស្សសម្រាប់អតីតយុទ្ធជន និងសមាជិកសេវាកម្មរបស់យើង គឺខ្ពស់ជាងការចំណាយហិរញ្ញវត្ថុដែលយើងបានស៊ូទ្រាំក្នុងការបញ្ជូនពួកគេទៅធ្វើសង្គ្រាមទៅទៀត” ៕

ប្រែសម្រួលដោយ ៖ ជីវ័ន្ត

ប្រភព ៖ RT

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៨ ម៉ោង មុន

បន្ទាន់! បាត់​ខ្លួន​មេធាវី​មួយ​រូប​តាំង​ពី​ម៉ោង៤ល្ងាច ​បន្ទាប់​ពី​ចុះ​ងូត​ទឹក​នៅ​ឆ្នេរ​អូត្រេះ​

កូវីដ-១៩៩ ម៉ោង មុន

អាជីវករ​ផ្សារ​ដើម​គ​ជាង​៣០០​នាក់​ ដែល​ក្រុម​គ្រូពេទ្យ ពិនិត្យ​យក​សំណាក​មិនមាន​វិជ្ជាមាន​កូ​វីដ​-១៩​ទាំងអស់ ប៉ុន្តែ​ផ្សារ​ត្រូវ​បិទ​៣​ថ្ងៃ

ជីវិតកម្សាន្ដ៩ ម៉ោង មុន

មក​ស្គាល់​ស្នាដៃ​និង​ចម្រៀង​ល្បីៗ​ជាច្រើន​របស់​កវី​ដ៏​ឆ្នើម ហ៊ុយ ពុធ នៅក្នុង​វិស័យ​សិល្បៈខ្មែរ

ជីវិតកម្សាន្ដ៩ ម៉ោង មុន

ចេតិយ​ដែល​ជា​បំណង​ចុងក្រោយ​ព្រឹទ្ធាចារ្យ គង់ ណៃ សម្រេចការ​សាងសង់​រួចរាល់​ជា​ស្ថាពរ

ព័ត៌មានជាតិ១០ ម៉ោង មុន

គ្រឿងចក្រ​របស់​ក្រុមហ៊ុន​កំពត​ផត ​កំពុង​ឈូស​ឆាយ​លើ​ដី​របស់​ប្រជាពលរដ្ឋ​តាម​អំពើ​ចិត្ត

Sokha Hotels

ព័ត៌មានពេញនិយម

Helistar Cambodia - Helicopter Charter Services