ព័ត៌មានអន្ដរជាតិ
អ្នកធ្លាប់ឆ្លងកូវីដជាង ២លាននាក់នៅអង់គ្លេសបន្តធ្វើទុក្ខយូរជាង១២សប្តាហ៍
មនុស្សធំពេញវ័យដែលធ្លាប់ឆ្លងកូវីដ-១៩ជាង២លាននាក់នៅចក្រភពអង់គ្លេសនៅតែបន្តកើតមានអាការធ្វើទុក្ខយូររហូតជាង១២សប្តាហ៍ដែលនេះមានរយៈពេលយូរជាងការប៉ាន់ស្មានកាលពីមុនពីរដង។
ការសិក្សាមួយដែលធ្វើឡើងទ្រង់ទ្រាយធំបានរកឃើញថា មនុស្សដែលកំពុងកើតមានរោគសញ្ញាមាន២ប្រភេទគឺ ទី១ អ្នកដែលមានរោគសញ្ញាផ្លូវដង្ហើមដែលជារឿយៗធ្លាប់ឈឺធ្ងន់នៅពេលពួកគាត់ចាប់ផ្តើមកើតដំបូង និងទី២ គឺក្រុមមនុស្សដែលមានកើតមានអាការអស់កម្លាំងល្ហិតល្ហៃ។
ដូចការសិក្សាមុនៗដែរ ការសិក្សាថ្មីនេះបានរកឃើញថា ស្ត្រីភេទទទួលរងអាការធ្វើទុក្ខច្រើនជាងគេ និងថា រោគសញ្ញាធ្វើទុក្ខកើនឡើងតាមអាយុ។ អ្នកស្រាវជ្រាវបានចាត់ទុកថាជាការរកឃើញគួរឲ្យព្រួយបារម្ភ។
ការសិក្សា React-2 គឺជាការសិក្សាតាមដានប្រជាជនឧបត្ថម្ភរដ្ឋាភិបាលដែលការប្រើតេស្តអង់ទីគ័រម្រាមដៃពីមនុស្សធំដែលបានជ្រើសរើសនៅអង់គ្លេសដើម្បីវាយតម្លៃថាតើកូវីដ-១៩ឆ្លងរាលដាលកម្រិតណា។
ចន្លោះខែកញ្ញា និងកុម្ភៈ អ្នកចូលរួម ៥០៨៧០៧នាក់ក៏ត្រូវបានសួរថាតើពួកគេបានគិតថា ពួកគេមានរោគសញ្ញាកូវីដ វត្តមាន និងរយៈពេលនៃរោគសញ្ញាខុសគ្នា២៩ប្រភេទ។
ការសិក្សាដែលមិនទាន់បានត្រួតពិនិត្យឡើងវិញបានរកឃើញថា ៣៧.៧%នៃអ្នកដែលធ្លាប់ឆ្លងកូវីដ-១៩បន្តកើតមានអាការធ្វើទុក្ខហោចណាស់១ប្រភេទយូរដលទៅ១២សប្តាហ៍ ឬយូរជាងនេះដែលស្មើនឹងមនុស្ស២លាននាក់ ខណៈ១៤.៨%បន្តកើតមានអាការមិនស្រួល៣ប្រភេទ ឬច្រើនជាងនេះ។
សាស្ត្រាចារ្យជំនាញស្ថិតិនៅសាកលវិទ្យាល័យ Open University លោក Kevin McConway មានប្រសាសន៍ថា ៖« ទំហំនៃបញ្ហាគឺគួរឲ្យព្រួយបារម្ភ។ លទ្ធផលមិនអាចប្រាប់យើងច្បាស់ពីអាការធ្ងន់ធ្ងរយ៉ាងណាទេ ដែលប៉ះពាល់ដល់ជីវិតរបស់អ្នកជំងឺ»។
«អ្នកខ្លះប្រហែលជាមិនធ្ងន់ធ្ងរខ្លាំង តែអ្នកខ្លះពិតជាធ្ងន់ ហើយលទ្ធផលទាំងនោះបង្ហាញយ៉ាងច្បាស់ណាស់ថា វាសំខាន់យ៉ាងណាដែលត្រូវតែស្វែងយល់ឲ្យបានត្រឹមត្រូវ និងផ្តល់ការព្យាបាលឲ្យបានម៉ត់ចត់ ហើយត្រូវគាំទ្រសេវាកម្មដល់មនុស្សដែលពាក់ព័ន្ធ»។
កាលពីខែឧសភា ការិយាល័យស្ថិតិជាតិ (ONS) បានប៉ាន់ស្មានថា មនុស្ស១លាននាក់នៅចក្រភពអង់គ្លេសបានរាយការណ៍ខ្លួនឯងពីអាការកូវីដ-១៩បន្តធ្វើទុក្ខយូរ។ ភាពខុសគ្នាចម្បងមួយគឺថា ការសិក្សា React-2 មិនបានសួរថាតើមនុស្សបានឆ្លងកូវីដ-១៩យូរកម្រិត មានតែរោគសញ្ញាដែលកំពុងកើតមានប៉ុណ្ណោះ។
សាស្ត្រាចារ្យសុខភាពសាធារណៈ លោក Helen Ward សហដឹកនាំស្រាវជ្រាវនិយាយអំពីរោគសញ្ញាកំពុងកើតមានថា ៖«មនុស្សជាច្រើនមិនបានគិតថា ពួកគេមានអាការកូវីដធ្វើទុក្ខទេ។ ពួកគេគ្រាន់តែមានដង្ហើមខ្លី ឬការបាត់បង់រស់ជាតិជាច្រើនខែ»។
លោក McConway មានប្រសាសន៍ថា ការស្រាវជ្រាវរបស់ ONS បានប៉ាន់ស្មានពីចំនួនមនុស្សដែលមានរោគសញ្ញាធ្វើទុក្ខយូរហោចណាស់១២សប្តាហ៍ក្នុងកាលបរិច្ឆេទជាក់លាក់មួយ(ទី២ខែឧសភា) ខណៈការសិក្សា React-2 បានវាស់វែងពីរយៈពេលប៉ុន្មានខែដែលកូវីដ-១៩បន្តធ្វើទុក្ខចន្លោះខែកញ្ញា និងកុម្ភៈ។
ទន្ទឹមជាមួយគ្នានេះ ការសិក្សាដាក់ដោយឡែកមួយទៅលើអ្នកជំងឺន័រវេស៣១២នាក់បានចេញផ្សាយនៅ Nature Medicine កាលពីថ្ងៃពុធរកឃើញថា ៦១%កំពុងកើតមានអាការធ្វើទុក្ខជាប្រចាំដល់ទៅ៦ខែ ក្នុងនោះ៥២%នៃមនុស្សអាយុ១៦ទៅ៣០ឆ្នាំ។ រោគសញ្ញាច្រើនបំផុតគឺបាត់បង់រសជាតិ ឬក្លិន និងអស់កម្លាំង៕
ប្រែសម្រួល៖ វីរបុត្រ
ប្រភព៖ theguardian
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៤ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៧ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម២ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម