ព័ត៌មានអន្ដរជាតិ
វៀតណាមរកឃើញវិធីកាត់បន្ថយដំណើរការសំយោគថ្នាំកម្ចាត់កូវីដ
បណ្ឌិតសភាវិទ្យាសាស្ត្រ និងបច្ចេកវិទ្យាវៀតណាម (VAST) បានរកឃើញវិធីសាស្ត្រដើម្បីកាត់បន្ថយដំណើរការសំយោគរបស់ឱសថប្រឆាំងជំងឺកូវីដ-១៩ដែលនឹងជួយកាត់បន្ថយដល់ការចំណាយ។
វិទ្យាស្ថានគីមីវិទ្យាស្ថិតក្រោមអភិបាលកិច្ចរបស់ VAST ថ្មីៗនេះបានប្រកាសថា វិធីសាស្ត្រនោះនឹងជួយកាត់បន្ថយដំណើរការសំយោគរបស់ Favipiravil ដែលជាថ្នាំប្រឆាំងកូវីដពីប្រតិកម្មកម្រិតប្រាំពីរ-ប្រាំបីមកនៅសល់ត្រឹមតែ៣ប៉ុណ្ណោះ។
អ្នកស្រាវជ្រាវឲ្យដឹងថា វាមានន័យថា តម្លៃផលិតនឹងកាន់តែថោក ហើយវាកាន់តែសមស្របសម្រាប់សមត្ថភាពផលិតរបស់វៀតណាម។
យន្តការរបស់ថ្នាំ Favipiravil ស្រដៀងទៅនឹងថ្នាំប្រឆាំងកូវីដ Remdesivir ដែរ។ ថ្នាំ Remdesivir ត្រូវបានប្រើដើម្បីប្រឆាំងវីរុសកូរ៉ូណានៅក្នុងបណ្តាប្រទេសជាក់លាក់មួយចំនួនដូចជា ចិន ជប៉ុន និងរុស្ស៊ី។ ថ្នាំនេះក៏ត្រូវបានអនុញ្ញាតឲ្យប្រើក្នុងការព្យាបាលជំងឺកូវីដនៅជប៉ុន ឥណ្ឌា និងរុស្ស៊ី ស្ថិតក្រោមបទបញ្ញត្តិបន្ទាន់។ ឥឡូវនេះ វាក៏ស្ថិតក្នុងដំណាក់កាលទី៣នៃការសាកល្បងលើមនុស្សសម្រាប់ការព្យាបាលជំងឺកូវីដ-១៩នៅក្នុងប្រទេសជាក់លាក់មួយចំនួនទៀត។
អ្នកស្រាវជ្រាវនិយាយថា ការស្រាវជ្រាវដើម្បីកាត់បន្ថយដំណើរការសំយោគបានចាប់ផ្តើមកាលពីខែសីហា ឆ្នាំមុនដើម្បីដាក់កម្រិតចំពោះការពឹងផ្អែករបស់វៀតណាមលើការនាំចូលថ្នាំពីក្រៅប្រទេស។
លោក Nguyen Van Tuyen ប្រធានបណ្ឌិតសភាវិទ្យាសាស្ត្រ និងបច្ចេកវិទ្យាវៀតណាមបានឲ្យដឹងថា ៖«ក្រុមការងារនឹងបន្តធ្វើឲ្យប្រសើរឡើង និងធ្វើឲ្យដំណើរការសំយោគកាន់តែមានស្ថេរភាព ខណៈកំពុងបង្កើន។ យើងសង្ឃឹមទទួលបានប៉ាតង់»។
ប្រទេសវៀតណាមបានប្រឈមនឹងរលកកូវីដ-១៩លើកទី៤កាលពីថ្ងៃទី២៧ ខែមេសា និងចាប់តាំងពីពេលនោះមក ករណីឆ្លង១២៧៨៨នាក់ត្រូវបានរកឃើញនៅក្នុងខេត្ត និងទីក្រុង៤៨ទូទាំងប្រទេស។
ខេត្ត Bac Giang នៅតែឈានមុខគេពីចំនួនឆ្លងដែលរហូតដល់ពេលនេះមាន៥៦៦៧នាក់ និងបន្ទាប់មកទីក្រុងហូជីមិញមាន៣៤៩៤នាក់៕
ប្រែសម្រួល៖ វីរបុត្រ
ប្រភព៖ vnexpress
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២៤ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង