ព័ត៌មានអន្ដរជាតិ
វ៉ាក់សាំងបង្ការកូវីដចំនួន ៤ ប្រភេទ ផ្ដល់សុវត្ថិភាពចំពោះស្ត្រីមានផ្ទៃពោះ
វេជ្ជបណ្ឌិត VK Paul ទីភ្នាក់ងារ Niti Aayog របស់រដ្ឋាភិបាលឥណ្ឌាបាននិយាយនៅសប្ដាហ៍នេះថា វ៉ាក់សាំង Covid-19 ចំនួន ៤ ប្រភេទគឺ Covishield, Covaxin, Sputnik V និង Moderna សុទ្ធតែមានសុវត្ថិភាពចំពោះម្តាយកំពុងបំបៅដោះកូន និងស្ត្រីមានផ្ទៃពោះ។
វេជ្ជបណ្ឌិត VK Paul ដែលជាសាស្ត្រចារ្យនៅនាយកដ្ឋានរោគសរសៃប្រសាទ NDP ក៏ជាអ្នកវិទ្យាសាស្ត្រនៃប្រទេសឥណ្ឌាមួយរូបផងនោះ បានបញ្ជាក់ថា វ៉ាក់សាំងបង្ការកូវីដ-១៩ ទាំង៤ដែលឥណ្ឌាកំពុងប្រើប្រាស់ ពុំមានផលអវិជ្ជមានជាមួយការបង្កកំណើតឡើយ ហើយវ៉ាក់សាំងទាំងនោះសុទ្ធសឹងមានសុវត្ថិភាពសម្រាប់ស្ត្រីមានផ្ទៃពោះទាំងអស់។
លោកវេជ្ជបណ្ឌិត VK Paul មានប្រសាសន៍ថា “វ៉ាក់សាំងទាំង៤ គឺ Covaxin, Covishield, Sputnik V និង Moderna មិនត្រឹមតែផ្ដល់សុវត្ថិភាពចំពោះស្ត្រីពពោះប៉ុណ្ណោះទេ តែវាក៏មានសុវត្ថិភាពសម្រាប់ម្តាយបំបៅដោះកូនផងដែរ។
ទិន្នន័យនៃការសិក្សាចុងក្រោយបង្អស់របស់ក្រុមអ្នកវិទ្យាសាស្ត្រឥណ្ឌាបានបង្ហាញថា ស្ត្រីមានផ្ទៃពោះដែលធ្លាប់និងមិនធ្លាប់ឆ្លងកូវីដ-១៩ សុទ្ធតែអាចប្រឈមនឹងការចម្លងពីវីរុស ទោះបីហានិភ័យទាបក៏ដោយ។
មិនខុសពីមនុស្សទូទៅ ស្ត្រីមានផ្ទៃពោះដែលមានជំងឺរ៉ាំរ៉ៃដូចជា ជំងឺលើសឈាម ធាត់ ឬមានអាយុលើសពី ៣៥ ឆ្នាំ អាចប្រឈមហានិភ័យខ្ពស់នៃការឆ្លងជំងឺកូវីដ-១៩ធ្ងន់ធ្ងរ។ ដូច្នេះពួកគេគួរតែទទួលចាក់វ៉ាក់សាំង Covid-19 ឱ្យបានគ្រប់គ្នា។
ក្នុងករណីដែលស្ត្រីបានឆ្លងវីរុស Covid-19 ក្នុងកំឡុងពេលមានផ្ទៃពោះ នាងគួរតែចាក់វ៉ាក់សាំងភ្លាមៗ បន្ទាប់ពីសម្រាលកូន។
ដោយឡែកផលប៉ះពាល់ក្រោយចាក់វ៉ាក់សាំង Covid-19 របាយការណ៍សិក្សាបញ្ជាក់ថា មិនខុសគ្នានឹងការរំខានទូទៅនោះទ។ បន្ទាប់ពីទទួលថ្នាំបង្ការ ស្ត្រីមានផ្ទៃពោះអាចក្តៅខ្លួនតិចតួច ឈឺត្រង់កន្លែងចាក់ ឬមិនស្រួលខ្លួនរយៈពេល ១-៣ ថ្ងៃ រួចនឹងបាត់ទៅវិញជាធម្មតា៕
ប្រែសម្រួល៖ សន្យា
ប្រភព៖ India Today
ចុចអាន៖ ការបកស្រាយចំនួន ៤ ពាក់ព័ន្ធសុខភាពបន្តពូជ ក្រោយចាក់វ៉ាក់សាំងកូវីដ-១៩
ចុចអាន៖ វ៉ាក់សាំង២ប្រភេទ អាចការពារប្រឆាំងជំងឺកូវីដ-១៩ បានពេញមួយជីវិត
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល