Connect with us

ព័ត៌មានជាតិ

ឆាប់ៗនេះ ស្រ្តីមានផ្ទៃពោះកំពុងជាប់ឃុំក្នុងពន្ធនាគារ នឹងទទួលបានប្រាក់ឧបត្ថម្ភពីរដ្ឋាភិបាលកម្ពុជា

បានផុស

នៅ

នាពេលឆាប់ៗខាងមុខនេះ ស្ត្រីមានផ្ទៃពោះ កំពុងជាប់ឃុំនៅពន្ធនាគារ នឹងទទួលបានប្រាក់ឧបត្ថម្ភពីរាជរដ្ឋាភិបាលកម្ពុជា ដូចទៅនឹង កម្មការិនីរោងចក្រ សហគ្រាសដែលមានផ្ទៃពោះ មន្ត្រីរាជការជាស្ត្រី កម្មសិក្សាការីជាស្ត្រី មន្ត្រីជាប់កិច្ចសន្យាជាស្ត្រីមានផ្ទៃពោះដែរ។

រូបភាពឯកសារ ស្ត្រីជាប់ឃុំក្នុងពន្ធនាគារជាមួយកូនៗ។ រូបភាពរបស់អង្គការលីកាដូចេញផ្សាយកាលពីឆ្នាំ២០១៨
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អនុវត្តតាមការណែនាំរបស់សម្ដេចនាយករដ្ឋមន្ត្រីកម្ពុជា អនុរដ្ឋលេខាធិការក្រសួងសេដ្ឋកិច្ច និងជាអគ្គលេខាធិការក្រុមប្រឹក្សាជាតិគាំពារសង្គម លោក ចន ណារិទ្ធ  បានដឹកនាំកិច្ចប្រជុំអន្តរក្រសួងស្តីពីការគិតគូរផ្តល់អត្ថប្រយោជន៍ នៃកម្មវិធីឧបត្ថម្ភសាច់ប្រាក់ជូនស្ត្រីមានផ្ទៃពោះ និងកុមារអាយុក្រោម២ឆ្នាំ ដល់ជនជាប់ឃុំជាស្ត្រីក្នុងពន្ធនាគារ។ នេះខ្លឹមសារផ្សព្វផ្សាយលើទំព័រហ្វេសប​៊ុកអគ្គលេខាធិការដ្ឋានក្រុមប្រឹក្សាជាតិគាំពារសង្គម ចេញផ្សាយនៅព្រឹកថ្ងៃទី១៤ ខែមករា នេះ។

កិច្ចប្រជុំបានផ្តោតការពិភាក្សាលើ យន្តការក្នុងការអនុវត្តកម្មវិធី ក្នុងន័យពិនិត្យគ្រប់ទិដ្ឋភាព និងទទួលធាតុចូលបន្ថែមពីក្រសួង-ស្ថាប័នពាក់ព័ន្ធ ដើម្បីឱ្យការគិតគូរនេះមានលក្ខណៈគ្រប់ជ្រុងជ្រោយ ។

កិច្ចប្រជុំនេះមានការចូលរួមពីតំណាងក្រសួង-ស្ថាប័នពាក់ព័ន្ធ រួមមានតំណាងមកពី ក្រសួងសង្គមកិច្ច អតីតយុទ្ធជន និងយុវនីតិសម្បទា, មូលនិធិជាតិជំនួយសង្គម, ក្រសួងមហាផ្ទៃ, ក្រសួងយុត្តិធម៌, ក្រសួងការងារ និងបណ្ដុះបណ្ដាលវិជ្ជាជីវៈ, បេឡាជាតិសន្តិសុខសង្គម, ក្រសួងសុខាភិបាល, ក្រសួងកិច្ចការនារី និងអគ្គនាយកដ្ឋានថវិកា នៃក្រសួងសេដ្ឋកិច្ច និងហិរញ្ញវត្ថុ ។

គួរឱ្យដឹងថា រាជរដ្ឋាភិបាលកម្ពុជា បានដាក់ចេញកម្មវិធីឧបត្ថម្ភសាច់ប្រាក់ជូនស្ត្រីមានផ្ទៃពោះ និងកុមារអាយុក្រោម២ឆ្នាំ សម្រាប់សមាជិក ប.ស.ស. ជាស្ត្រី ដែលបានចាប់ផ្តើមអនុវត្តដំបូងក្នុងឆ្នាំ២០១៨ ដោយផ្តល់ការឧបត្ថម្ភសាច់ប្រាក់ ជូនកម្មករនិយោជិតជាស្ត្រីនៅពេលសម្រាល។ ប៉ុន្តែចាប់ពីខែសីហា ឆ្នាំ២០២៣ មកដល់បច្ចុប្បន្ន រាជរដ្ឋាភិបាលបានដំឡើងកម្រិតប្រាក់ឧបត្ថម្ភ ព្រមទាំងផ្តល់សេវាសុខាភិបាលបន្ថែម ក្នុងអំឡុងពេលមានផ្ទៃពោះ និងក្រោយពេលសម្រាលរហូតដល់កុមារអាយុ ២ឆ្នាំ ហើយបាន ពង្រីកវិសាលភាពដល់មន្ត្រីរាជការ, មន្ត្រីកម្មសិក្សា, និងមន្ត្រីជាប់កិច្ចសន្យាជាស្ត្រីផងដែរ។ គិតត្រឹមខែកញ្ញា ឆ្នាំ២០២៤, ស្ត្រី និងកុមារសរុបប្រមាណ ៧៧ ម៉ឺននាក់ បានទទួលអត្ថប្រយោជន៍ពីកម្មវិធីនេះ៕

ដោយ៖ ង៉ិល ណារ៉ាត់

Helistar Cambodia - Helicopter Charter Services
Sokimex Investment Group
ព័ត៌មានជាតិ៨ វិនាទី មុន

នាវាច​ម្បាំង​បារាំង​នឹង​ចូលចតកំពង់ផែសមុទ្ររាម​នៅ​ឆ្នាំ​ក្រោយ

សេចក្ដីជូនដំណឹង៧ នាទីutes មុន

សេចក្តីជូនដំណឹង ស្តីពី ការអញ្ជើញចូលរួមពិគ្រោះថ្លៃផ្គត់ផ្គង់ សម្ភារការិយាល័យ សម្ភារបរិក្ខារបច្ចេកទេសព័ត៌មានវិទ្យា មិនមែនព័ត៌មានវិទ្យា និងគ្រឿងសង្ហារឹម និងអាវភ្លៀងមានសារអប់រំអំពីមេរោគអេដស៍ និងជំងឺអេដស៍ សម្រាប់ប្រើប្រាស់ក្នុងឆ្នាំ ២០២៥ ជូនអាជ្ញាធរជាតិប្រយុទ្ធនឹងជំងឺអេដស៍

ព័ត៌មានជាតិ១១ នាទីutes មុន

រដ្ឋបាលរាជធានី ណែនាំឱ្យអង្គភាពពាក់ព័ន្ធ មកដាក់ពាក្យស្នើសុំអាជ្ញាបណ្ណ បូមស្តារសំណល់ភក់ ពីអាងសិបទឹក (ភក់បង្គន់)

កីឡា១៦ នាទីutes មុន

សមត្ថភាព​មិន​ធម្មតា​ គ្រឿម សុវណ្ណឃីម​ ធ្លាប់​ឈ្នះ​ជើង​ខ្លាំង​ ហាន់ ពី​ ពេជ្រ​ សុឃីម​ ប៉ុន្តែ​មិន​សូវ​ល្បីឈ្មោះ​ដូច​គេ​

ព័ត៌មានអន្ដរជាតិ១៦ នាទីutes មុន

បច្ច័យ​វត្ត​ទាំង​អស់​នៅ​ថៃ មាន​ជាង ៣​ពាន់​លាន​ដុល្លារ​ក្នុង​មួយ​ឆ្នាំៗ តែ​ខ្វះ​យន្តការ​ត្រួត​ពិនិត្យ

Sokha Hotels

ព័ត៌មានពេញនិយម