ព័ត៌មានអន្ដរជាតិ
ទុក្ខផ្ទួនៗ ឥណ្ឌូណេស៊ី ជួបគ្រោះផ្ទុះភ្នំភ្លើង ព្រួសកម្ទេចកម្ទីឡើងដល់កម្ពស់ ៤,៥០០ ម៉ែត្រ
ភ្នំភ្លើង Sinabung របស់ប្រទេសឥណ្ឌូណេស៊ីបានផ្ទុះឡើងកាលពីថ្ងៃពុធ ដោយព្រួសផ្សែង និងផេះយ៉ាងច្រើនសន្ធឹកសន្ធាប់លើមេឃ ។
ទីភ្នាក់ងារភូគព្ភសាស្ត្រក្នុងស្រុកបាននិយាយថា ការផ្ទុះនៃភ្នំភ្លើងនៅខេត្ត North Sumatra មានរយៈពេលប្រហែល ១២ នាទី ហើយកម្ទេចកម្ទីនៃភ្នំភ្លើង បានហោះឡើងដល់កម្ពស់ ៤,៥០០ ម៉ែត្រទៅក្នុងអាកាស ហើយមានរយៈពេលយ៉ាងយូរ ។
ទន្ទឹមនោះ រូបភាពដែលត្រូវបានស៊ែរដោយទីភ្នាក់ងារនេះ បង្ហាញពីផ្សែងខ្មៅក្រាស់ដែលចេញពីភ្នំភ្លើងង ហើយពពកនៃផ្សែង និងផេះបានរសាត់អណ្ដែតចម្ងាយ ១ ពាន់ម៉ែត្រពីកំពូលភ្នំ ។
បន្ថែមពីនេះ មិនមានបទបញ្ជាជម្លៀសប្រជាជនចេញនោះទេ ពីព្រោះកម្ទេចកម្ទីមិនបានព្រួសទៅដល់ភូមិដែលនៅជិតបំផុតឡើយ ហើយក៏មិនមានការរាយការណ៍ អំពីការរំខានដល់ជើងហោះហើរនៅក្នុងតំបន់នោះដែរ ។
ប៉ុន្តែអាជ្ញាធរបានណែនាំប្រជាជន ឲ្យស្ថិតនៅចម្ងាយ ៥ គីឡូម៉ែត្រជុំវិញរណ្តៅភ្នំភ្លើង ដែលបានទុកចោលអស់រយៈពេលជាច្រើនឆ្នាំ ខណៈសកម្មភាពភ្នំភ្លើងកើនឡើង ។
ភ្នំភ្លើង Sinabung ដែលមានកម្ពស់ ២,៤៦០ ម៉ែត្រ គឺជាភ្នំភ្លើងអសកម្មអស់ជាច្រើនសតវត្សរ៍មកហើយ មុនពេលរញ្ជួយសាជាថ្មីកាលពីឆ្នាំ ២០១០ ដោយបានសម្លាប់មនុស្ស ២ នាក់ ហើយវាបានផ្ទុះឡើងម្តងទៀតនៅឆ្នាំ ២០១៣ និងនៅតែសកម្មខ្លាំង ចាប់តាំងពីពេលនោះមក ។ នៅឆ្នាំបន្ទាប់ការផ្ទុះមួយបានសម្លាប់មនុស្សយ៉ាងតិច ១៦ នាក់ ខណៈ ៧ នាក់ទៀតស្លាប់ក្នុងការផ្ទុះកាលពីឆ្នាំ ២០១៦ ។
គួរបញ្ជាក់ថា ឥណ្ឌូណេស៊ី ដែលមានប្រជុំកោះជាង ១៧,០០០ មានភ្នំភ្លើងសកម្មជិត ១៣០ ហើយប្រទេសនេះ ស្ថិតនៅលើខ្សែក្រវ៉ាត់ប៉ាស៊ីហ្វិក “Ring of Fire” ដែលមានសកម្មភាពរញ្ជួយកើតឡើងជាញឹកញាប់ ៕
ប្រែសម្រួលដោយ ៖ ជីវ័ន្ត
ប្រភព ៖ CNA
ចុចអាន ៖ ធ្ងន់ធ្ងរទៅៗហើយ ឥណ្ឌូណេស៊ី ប្រកាសរកឃើញករណីឆ្លង វីរុសបំប្លែងខ្លួន “Delta Plus” មួយទៀត
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២៣ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៧ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល