ព័ត៌មានអន្ដរជាតិ
Delta វាយលុកខ្លាំង លោក បៃដិន ប្រាប់រដ្ឋឲ្យផ្តល់ប្រាក់១០០ដុល្លារដល់អ្នកចាក់វ៉ាក់សាំងថ្មី
លោកប្រធានាធិបតីសហរដ្ឋអាមេរិក ចូ បៃដិន បានអំពាវនាវឲ្យរដ្ឋនានាផ្តល់ប្រាក់១០០ដុល្លារដល់អ្នកចាក់វ៉ាក់សាំងថ្មីដើម្បីពន្លឿនការចាក់វ៉ាក់សាំង និងប្រឹងប្រែងទប់ស្កាត់ករណីឆ្លងថ្មីដែលកំពុងងើបឡើង។
លោកប្រធានាធិបតីក៏បានចេញបទបញ្ជានៃការចាក់វ៉ាក់សាំងថ្មីតឹងរឹងសម្រាប់បុគ្គលិករដ្ឋាភិបាលសហព័ន្ធ កម្លាំងពលកម្មធំបំផុតរបស់ប្រទេសដែលមានប្រហែល២លាននាក់។ បទបញ្ជាទាមទារឲ្យបុគ្គលិកត្រូវតែបង្ហាញភស្តុតាងចាក់វ៉ាក់សាំង ឬត្រូវធ្វើតេស្ត និងពាក់ម៉ាស់ដាច់ខាត។
យោងតាមទិន្នន័យផ្លូវការ សហរដ្ឋអាមេរិកបានចាក់វ៉ាក់សាំងដល់ប្រជាជនជិតពាក់កណ្តាលហើយ។
មានប្រសាសន៍នៅសេតវិមានកាលពីថ្ងៃព្រហស្បតិ៍ លោក បៃដិន បញ្ជាក់ថា វិធានការថ្មីដាក់ចេញនេះគឺដោយសារតែវីរុសបំប្លែងខ្លួនដែលឆ្លងលឿន កាចសាហាវ Delta កំពុងរាតត្បាតខ្លាំងក្នុងចំណោមមនុស្សដែលមិនទាន់ចាក់វ៉ាក់សាំង។
លោកប្រធានាធិបតីលើកឡើងថា ៖«មនុស្សនឹងស្លាប់ ហើយនឹងស្លាប់អ្នកដែលមិនត្រូវស្លាប់»។
លោកបន្តថា ការលើកទឹកចិត្តជាប្រាក់កាសដូចជាអយុត្តិធម៌សម្រាប់អ្នកដែលចាក់វ៉ាក់សាំងរួចរាល់ ប៉ុន្តែ«យើងទាំងអស់គ្នាទទួលបានផលប្រយោជន៍ ប្រសិនបើយើងអាចចាក់វ៉ាក់សាំងដល់មនុស្សកាន់តែច្រើន»។
រដ្ឋនានានឹងប្រើប្រាស់ច្បាប់ផែនការសង្គ្រោះអាមេរិកដែលមានប្រាក់១.៩ប៊ីលានដុល្លារដើម្បីជាការលើកទឹកចិត្តដល់អ្នកចាក់វ៉ាក់សាំងថ្មី។
លោក បៃដិន បន្តទៀតថា រដ្ឋាភិបាលកណ្តាលនឹងសងបំណុលពេញលេញដល់អាជីវកម្មខ្នាតតូច និងមធ្យមដែលផ្តល់ពេលវេលាឲ្យបុគ្គលិកទៅចាក់វ៉ាក់សាំង។
ខណៈពេលបុគ្គលិករដ្ឋាភិបាលបដិសេធចាក់វ៉ាក់សាំងនឹងមិនត្រូវបានបញ្ឈប់ពីការងារទេ ចលនានេះ សេតវិមានមានបំណងបង្កើតជាគំរូសម្រាប់បុគ្គលិកផ្សេងៗទូទាំងប្រទេស។
ប៉ុន្តែអ្នកជំនាញសុខភាពសាធារណៈព្រមានថា ការធ្វើតេស្តប្រចាំសប្តាហ៍មិនមានប្រសិទ្ធភាពដើម្បីបញ្ឈប់ការឆ្លងឡើយ៕
ប្រែសម្រួល៖ វីរបុត្រ
ប្រភព៖ BBC
រឿង «Snow White» កាន់តែកៀកគ្រោះមហន្តរាយ ខណៈដែលភាពយន្តឈានដល់កម្រិតទាបបំផុត
ឈ្វេងយល់ពីវិធីសាស្ត្រព្យាបាលជំងឺមហារីកគ្រាប់ឈាម តាមរយៈបច្ចេកទេសទំនើបចុងក្រោយនៃមជ្ឈមណ្ឌល Parkway Cancer Centre
តម្លៃប្រេងអន្តរជាតិធ្លាក់ចុះតិចតួចប្រចាំថ្ងៃ តែកើនប្រចាំសប្ដាហ៍
ក្រសួងការងារ ប្រកាសពីតម្រូវការកម្លាំងពលកម្មក្នុងស្រុកជាង ៦ ម៉ឺនកន្លែង បម្រើវិស័យធំៗ ៣
ថ្ងៃស្អែក ឈុត ចិត្រា ប៉ះកីឡាករជប៉ុន Hirota ក្នុងការប្រកួតប្រដាល់សកល
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
-
ព័ត៌មានអន្ដរជាតិ១៩ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?