ព័ត៌មានជាតិ
ក្រសួងការងារ ប្រកាសពីតម្រូវការកម្លាំងពលកម្មក្នុងស្រុកជាង ៦ ម៉ឺនកន្លែង បម្រើវិស័យធំៗ ៣
ក្រសួងការងារ និង បណ្ដុះបណ្ដាលវិជ្ជាជីវៈ ប្រកាសថា គិតត្រឹមថ្ងៃទី ២៨ ខែមីនា ឆ្នាំ ២០២៥ កម្ពុជា មានតម្រូវការកម្លាំងពលកម្មក្នុងស្រុកចំនួន ៦៤ ៩២៦ កន្លែង នៅទូទាំងប្រទេស សម្រាប់បម្រើទៅលើវិស័យធំៗ ៣ រួមមាន ៖ វិស័យឧស្សាហកម្ម សេវាកម្ម និង កសិកម្ម។
បើតាម ក្រសួងការងារ និងបណ្ដុះបណ្ដាលវិជ្ជាជីវៈ កម្លាំងពលកម្មក្នុងស្រុកចំនួន ៦៤ ៩២៦ កន្លែង ក្នុងនោះ វិស័យឧស្សាហកម្មមានតម្រូវការចំនួន ៥០ ០៥៩ កន្លែង វិស័យសេវាកម្មមានចំនួន ៤ ៦៥៦ កន្លែង និង វិស័យកសិកម្មមានចំនួន ១០ ២១១ កន្លែង។
ជាមួយនេះ នៅខេត្តកំពង់ឆ្នាំង មានតម្រូវការកម្លាំងពលកម្ម ១៧ ០០០ កន្លែង ក្នុងនោះ ផ្នែកឧស្សាហកម្ម ១៧ ០០០ កន្លែង។ រាជធានីភ្នំពេញ មានតម្រូវការកម្លាំងពលកម្ម ១០ ៦៩២ កន្លែង ក្នុងនោះ ផ្នែកឧស្សាហកម្ម ៨ ៣១៨ កន្លែង និង ផ្នែកសេវាកម្ម ២ ៣៧៤ កន្លែង។ ខេត្តស្វាយរៀង មានតម្រូវការកម្លាំងពលកម្ម ៩ ១៧១ កន្លែង ក្នុងនោះ ផ្នែកឧស្សាហកម្ម ៩ ១៣៤ កន្លែង និង ផ្នែកសេវាកម្ម ៣៧ កន្លែង។ ខេត្តក្រចេះ មានតម្រូវការកម្លាំងពលកម្ម ៧ ០០០ កន្លែង ក្នុងនោះ ផ្នែកកសិកម្ម ៧ ០០០ កន្លែង។ ខេត្តកណ្ដាល មានតម្រូវការកម្លាំងពលកម្ម ៦ ៤៧៣ កន្លែង ក្នុងនោះ ផ្នែកឧស្សាហកម្ម ៦ ៤៦១ កន្លែង និង ផ្នែកសេវាកម្ម ១២ កន្លែង។
ចំពោះ ខេត្តកំពង់ស្ពឺ មានតម្រូវការកម្លាំងពលកម្ម ៣ ៦២៦ កន្លែង ក្នុងនោះ ផ្នែកឧស្សាហកម្ម ៣ ៦២៣ កន្លែង និង ផ្នែកសេវាកម្ម ៣ កន្លែង។ ខេត្តរតនគិរី មានតម្រូវការកម្លាំងពលកម្ម ២ ៩០៩ កន្លែង ក្នុងនោះ ផ្នែកឧស្សាហកម្ម ៥ កន្លែង និង ផ្នែកកសិកម្ម ២ ៩០៤ កន្លែង។ ខេត្តកំពង់ចាម មានតម្រូវការកម្លាំងពលកម្ម ២ ៨៩៩ កន្លែង ក្នុងនោះ ផ្នែកឧស្សាហកម្ម ២ ៨៧៧ កន្លែង និង ផ្នែកសេវាកម្ម ២២ កន្លែង។ ខេត្តបន្ទាយមានជ័យ មានតម្រូវការកម្លាំងពលកម្ម ១ ១១៥ កន្លែង ក្នុងនោះ ផ្នែកឧស្សាហកម្ម ២៣៥ កន្លែង និង ផ្នែកសេវាកម្ម ៨៨០ កន្លែង។ ខេត្តព្រះសីហនុ មានតម្រូវការកម្លាំងពលកម្ម ៩៧៤ កន្លែង ក្នុងនោះ ផ្នែកឧស្សាហកម្ម ៨៩៥ កន្លែង និង ផ្នែកសេវាកម្ម ៧៩ កន្លែង និង ខេត្តផ្សេងៗ មានតម្រូវការកម្លាំងពលកម្ម ៣ ០៦៧ កន្លែង ក្នុងនោះ ផ្នែកឧស្សាហកម្ម ១ ៥១១ កន្លែង សេវាកម្ម ១ ២៤៩ កន្លែង និង កសិកម្ម ៣០៧ កន្លែង។
ចំពោះកម្លាំងពលកម្មជាង ៦ ម៉ឺនកន្លែង នឹងត្រូវបែងចែកទៅតាមប្រភេទមុខរបរចំនួន ១០ រួមមាន ៖ អ្នកបញ្ជាម៉ាស៊ីនដេរ កម្មករចម្ការដំណាំ កម្មករក្នុងផលិតកម្ម កម្មករវេចខ្ចប់ដោយដៃ មន្ត្រីឥណទាន និង ប្រាក់កម្ចី យន្តការី និង អ្នកដំឡើងអគ្គិសនី អ្នកបច្ចេកទេសត្រួតពិនិត្យដំណើរការផលិត អ្នកធ្វើការក្នុងកាស៊ីណូ អ្នកបម្រើ(Waiters) បុគ្គលិកការិយាល័យទូទៅ និង មុខរបរផ្សេងៗ។
សម្រាប់យុវជនទាំងអស់ដែលមានបំណងចង់ស្វែងរកការងារទាំងនេះ សូមទាក់ទងទៅកាន់ទីភ្នាក់ងារជាតិមុខរបរ និង ការងារ (NEA) នៃក្រសួងការងារ និង បណ្ដុះបណ្ដាលវិជ្ជាជីវៈ តាមរយៈលេខទូរស័ព្ទ ១២៩៧ ឬ ១២៨៦ ឬ តេលេក្រាម និង CoolApp លេខ ០៧៧ ២៣ ២៣ ៧៨៕
អត្ថបទ ៖ ពិសី
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៤ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៧ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម៣ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម