Connect with us

ព័ត៌មានអន្ដរជាតិ

WHO ថា កូវីដនឹងនៅជាមួយយើងរយៈពេលវែង

បានផុស

នៅ

ខណៈមនុស្សជាង ២០០ លាននាក់ដែលត្រូវបានគេដឹងថាឆ្លងជំងឺកូវីដ ១៩ អង្គការសុខភាពពិភពលោក (WHO) បាននិយាយកាលពីថ្ងៃពុធថា ខ្លួនមានការព្រួយបារម្ភយ៉ាងខ្លាំងចំពោះចំនួនឆ្លងដែលមិនបានដឹង ហើយយើងអាចនឹងនៅតែទទួលរងនូវជំងឺកូវីដ ១៩ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនោះ WHO បានដាស់តឿនប្រជាជនត្រូវរៀនរស់ជាមួយមេរោគនេះ ខណៈជំងឺកូវីដ ១៩ រយៈពេលវែងនៅតែជាផ្នែកអាថ៌កំបាំងបំផុតនៃរោគរាតត្បាត ។

ស្របពេលជាមួយគ្នានេះ លោកស្រី Maria Van Kerkhove ប្រធានផ្នែកបច្ចេកទេសនៃជំងឺកូវីដ ១៩ របស់ទីភ្នាក់ងារសុខាភិបាល UN បានប្រាប់សន្និសីទសារព័ត៌មានថា “រោគសញ្ញាក្រោយកូវីដ ឬកូវីដរយៈពេលវែង គឺជាអ្វីដែល WHO ព្រួយបារម្ភយ៉ាងខ្លាំង” ។

លោកស្រីបាននិយាយថា “WHO កំពុងធ្វើឲ្យប្រាកដថា យើងមានការទទួលស្គាល់អំពីរឿងនេះ ពីព្រោះនេះជាការពិត” ។

លោកស្រីបាននិយាយទៀតថា “អ្នកដែលឆ្លងវីរុស SARS-CoV-2 ជាវីរុសដែលបណ្តាលឲ្យមានជំងឺកូវីដ ១៩ ជាច្រើនកំពុងរងផលប៉ះពាល់រយៈពេលវែង” ។

លោកស្រី Van Kerkhove បានបញ្ជាក់ថា “យើងមិនដឹងថា ផលប៉ះពាល់ទាំងនេះមានរយៈពេលប៉ុន្មានទេ ហើយយើងថែមទាំងកំពុងធ្វើការកំណត់និយមន័យករណីឆ្លង ដើម្បីឲ្យយល់កាន់តែច្បាស់ និងពិពណ៌នាអំពីរោគសញ្ញាក្រោយកូវីដ” ។

លោកស្រីបាននិយាយថា WHO កំពុងធ្វើការដើម្បីឲ្យមានកម្មវិធីស្តារនីតិសម្បទាកាន់តែប្រសើរ សម្រាប់អ្នកដែលមានជំងឺកូវីដ ១៩ យូរអង្វែង បូករួមទាំងការស្រាវជ្រាវទ្រង់ទ្រាយធំ ដើម្បីទទួលបានការយល់ដឹងកាន់តែច្បាស់អំពីរោគសញ្ញានេះ និងរបៀបដែលអាចគ្រប់គ្រងវាបាន ៕

ប្រែសម្រួលដោយ ៖ ជីវ័ន្ត

ប្រភព ៖ CNA

ចុចអាន ៖ WHO ៖ ស្ត្រីមានផ្ទៃពោះ និងបំបៅដោះកូន កុំភ័យខ្លាចការចាក់វ៉ាក់សាំងកូវីដ គ្មានផលប៉ះពាល់ដល់ទារកឡើយ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥៤ នាទី មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ៥ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៥ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៦ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៦ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

Sokha Hotels

ព័ត៌មានពេញនិយម