WHO ៖ ស្ត្រីមានផ្ទៃពោះ និងបំបៅដោះកូន កុំភ័យខ្លាចការចាក់វ៉ាក់សាំងកូវីដ គ្មានផលប៉ះពាល់ដល់ទារកឡើយ
Connect with us
Helistar Cambodia - Helicopter Charter Services

សុខភាព

WHO ៖ ស្ត្រីមានផ្ទៃពោះ និងបំបៅដោះកូន កុំភ័យខ្លាចការចាក់វ៉ាក់សាំងកូវីដ គ្មានផលប៉ះពាល់ដល់ទារកឡើយ

បានផុស

នៅ

យោងតាមអង្គការសុខភាពពិភពលោក (WHO) ក្នុងការជំរុញលើកចុងក្រោយឲ្យមនុស្សទៅវ៉ាក់សាំង បានឲ្យដឹងថា គ្មានហេតុផលណាដែលស្ត្រីមានផ្ទៃពោះ ឬបំបៅដោះកូន មិនគួរទទួលការចាក់វ៉ាក់សាំងការពារជំងឺកូវីដ ១៩ នោះទេ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី Kate O’Brien ប្រធានផ្នែកចាក់ថ្នាំបង្ការរបស់ WHO បាននិយាយថា “យើងសូមណែនាំថា ប្រសិនបើអ្នកជាស្ត្រីមានផ្ទៃពោះ ឬបំបៅដោះកូន គ្មានហេតុផលអ្វីដែលអ្នកមិនអាចចាក់វ៉ាក់សាំង ដែលចុះបញ្ជីឲ្យប្រើប្រាស់ជាបន្ទាន់ដោយ WHO នោះទេ ហើយគ្មានអ្វីដែលនឹងកើតឡើងចំពោះទារក ឬសុខភាពរបស់អ្នកឡើយ” ។

លោកស្រី O’Brien បាននិយាយថា “ជំងឺកូវីដ ១៩ ធ្វើឲ្យអ្នកមានផ្ទៃពោះមានហានិភ័យខ្ពស់ ព្រោះនៅពេលអ្នកមានក្បាលពោះធំ សមត្ថភាពសួតរបស់អ្នកត្រូវបានកាត់បន្ថយ ដោយសារតែបរិមាណពោះ ដែលអ្នកកំពុងមាន ។ នោះហើយជាមូលហេតុដែលយើងចាប់អារម្មណ៍ ជាពិសេសចំពោះការចាក់វ៉ាក់សាំង អំឡុងពេលមានផ្ទៃពោះ” ។

លោកស្រី Kate O’Brien ប្រធានផ្នែកចាក់ថ្នាំបង្ការរបស់ WHO

ថ្វីបើមានតម្រូវការបែបនេះក៏ដោយ ប្រទេសមួយចំនួនបានហាមឃាត់ប្រជាជនក្នុងស្ថានភាពនេះ មិនឲ្យចាក់វ៉ាក់សាំងរហូតដល់ថ្មីៗនេះ ។ ប៉ុន្តែកាលពីថ្ងៃទី ២ ខែកក្កដា រដ្ឋាភិបាលឥណ្ឌាបានចាប់ផ្តើមអនុញ្ញាតឲ្យស្ត្រីមានផ្ទៃពោះទទួលការចាក់វ៉ាក់សាំង បន្ទាប់ពីមានការកើនឡើងករណីឆ្លង ដែលក្នុងនោះវេជ្ជបណ្ឌិត និងគិលានុបដ្ឋាយិកាមានផ្ទៃពោះជាច្រើន បានស្លាប់ដោយសារជំងឺកូវីដ ១៩ ។

ពីមុនពួកគេមិនអាចចាក់វ៉ាក់សាំងបានទេ ទោះបីជាពួកគេធ្វើការនៅក្នុងបរិយាកាសដែលមានហានិភ័យខ្ពស់ក៏ដោយ ដោយមន្រ្តីសុខាភិបាលបានលើកឡើងពីកង្វះទិន្នន័យ ស្តីពីប្រសិទ្ធភាពនៃវ៉ាក់សាំងលើការមានផ្ទៃពោះ ។

ទោះយ៉ាងណាទិន្នន័យថ្មីៗបង្ហាញថា វាមានសុវត្ថិភាពសម្រាប់មនុស្សម្នាក់ក្នុងការចាក់វ៉ាក់សាំងប្រសិនបើមានផ្ទៃពោះ ខណៈមជ្ឈមណ្ឌលគ្រប់គ្រង និងបង្ការជំងឺរបស់សហរដ្ឋអាមេរិក (CDC) កំពុងតាមដានអ្នកមានផ្ទៃពោះ បន្ទាប់ពីទទួលការចាក់វ៉ាក់សាំង ហើយរហូតមកដល់បច្ចុប្បន្ននេះ មានមនុស្សជាង ១៣ ម៉ឺននាក់មានសុវត្ថិភាព ក្រោយទទួលបានការចាក់វ៉ាក់សាំងការពារជំងឺកូវីដ ១៩ ។

ចំណែកនៅចក្រភពអង់គ្លេសវិញ ស្រ្តីមានផ្ទៃពោះជាង ៥៥,០០០ នាក់ ទទួលការចាក់វ៉ាក់សាំងការពារជំងឺកូវីដ ១៩ យ៉ាងហោចណាស់ ១ ដូស ៕

ប្រែសម្រួលដោយ ៖ ជីវ័ន្ត

ប្រភព ៖ CGTN

ចុចអាន ៖ WHO ថា វីរុសបំប្លែងខ្លួនឥណ្ឌា នឹងគ្រប់គ្រងពិភពលោកក្នុងរយៈពេលប៉ុន្មានខែខាងមុខនេះ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កូវីដ-១៩១៧ នាទី មុន

បិទ​ខ្ទប់​វត្ត​ពោធិ​លង្ការ ក្រុង​សៀមរាប ដោយសារ​ផ្ទុះ​ការឆ្លង​ជំងឺ​កូ​វីដ​-១៩ ក្នុង​មន្ត្រី​សង្ឃ​វត្ត​

ព័ត៌មានជាតិ៣១ នាទី មុន

ស្អែកនេះ​ ​កម្ពុជា នឹង​ផ្តល់​វ៉ាក់សាំង​ Sinovac ២០​ម៉ឺនដូស ដល់ប្រទេសឡាវ​

កីឡា២ ម៉ោង មុន

Capitan ប្រាប់​ថា​វ៉ៃ​មិនទាន់​ល្អ​ទេ​ទោះ​ការពារ​ខ្សែក្រវាត់​បានសម្រេច​ក្ដី

នយោបាយ២ ម៉ោង មុន

លោក ចាប ញ៉ាលីវុធ ចេញលិខិតបដិសេធ អំពីការបញ្ចប់​សមា​ជិកភាព មន្ត្រីជាន់ខ្ពស់ហ្វ៊ុនស៊ិនប៉ិច ៣រូប

ព័ត៌មានជាតិ២ ម៉ោង មុន

លោក​មេឃុំ​ពង្រ យក​បដិមា​ធ្វើ​អំពី​លោហៈ​ប្រគល់​ជូន​មន្ទីរ​វប្បធម៌​និង​វិចិត្រសិល្បៈ​ខេត្តកំពង់ឆ្នាំង

Sokha Hotels

ព័ត៌មានពេញនិយម

Helistar Cambodia - Helicopter Charter Services