Connect with us

ព័ត៌មានអន្ដរជាតិ

មិនធម្មតា! មនុស្សចាស់អាយុ ៦០ ឆ្នាំឡើងទៅ ចាក់វ៉ាក់សាំង Sinovac ដូសទី ៣ ក្រោយចាក់ដូសទី ២ បាន ៨ ខែ បង្កើនកម្រិតអង់ទីគ័រខ្លាំងក្លា

បានផុស

នៅ

ដោយដកស្រង់ទិន្នន័យពីការសិក្សាថ្មី ក្រុមហ៊ុនចិន Sinovac បានប្រកាសកាលពីថ្ងៃចន្ទថា ការចាក់វ៉ាក់សាំង CoronaVac ដូសជំរុញ ឬដូសទី ៣ ដល់មនុស្សចាស់ដែលចាក់ដូសទី ២ ហើយបាន ៨ ខែ អាចបង្កើនកម្រិតអង់ទីគ័រគួរឲ្យកត់សម្គាល់ ។

ក្រុមហ៊ុនបានកត់សម្គាល់នៅក្នុងសេចក្តីថ្លែងការណ៍មួយទៅកាន់ Global Times កាលពីថ្ងៃចន្ទថា ការសិក្សានេះផ្តល់នូវមូលដ្ឋានវិទ្យាសាស្ត្រដ៏សំខាន់ ដើម្បីបង្កើតយុទ្ធសាស្រ្ត និងផែនការកំណត់ការចាក់វ៉ាក់សាំងដូសទី ៣ សម្រាប់មនុស្សចាស់ដែលមានអាយុ ៦០ ឆ្នាំឡើងទៅ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមការសិក្សាស្រាវជ្រាវបានឲ្យដឹងថា កម្រិតអង់ទីគ័របានធ្លាក់ចុះយ៉ាងខ្លាំងក្នុងរយៈពេល ៦ ខែ បន្ទាប់ពីការចាក់វ៉ាក់សាំង CoronaVac ចំនួន ២ ដូស ក្នុងចំណោមមនុស្សចាស់ ។

ទន្ទឹមនោះ នៅក្នុងក្រុមមនុស្សចាស់ដែលចូលរួមចំនួន ៣០៣ នាក់ កម្រិត GMT កើនឡើងដល់ប្រមាណ ៣០៥ ដងនៅថ្ងៃទី ៧ បន្ទាប់ពីការចាក់លើកទី ៣ ពោលកើនឡើងប្រមាណ ៧ ដង បើប្រៀបធៀបទៅនឹងកម្រិតនៅថ្ងៃទី ២៨ បន្ទាប់ពីការចាក់លើកទី ២ ។

លើសពីនេះ គ្មានភាពខុសគ្នាណាមួយគួរឲ្យកត់សម្គាល់ក្នុងកម្រិតអង់ទីគ័រ ត្រូវបានគេសង្កេតឃើញក្នុងចំណោមក្រុមអាយុផ្សេងៗគ្នា ដូចជាអាយុពី ៦០ ទៅ ៦៤ ឆ្នាំ, ៦៥ ទៅ ៦៩ ឆ្នាំ, អាយុ ៧០ ឆ្នាំ និងខ្ពស់ជាងនេះនោះទេ ។

កន្លងមក ការសិក្សាពីមុនបានរកឃើញថា ការចាក់វ៉ាក់សាំង Sinovac ដូសទី ៣ ដល់មនុស្សពេញវ័យអាយុចន្លោះពី ១៨ ទៅ ៥០ ឆ្នាំ បន្ទាប់ពីចាក់ដូសទី ២ បាន ៦ ខែ ឬច្រើនជាងនេះ អាចនាំឲ្យមានការកើនឡើងនូវកម្រិតអង់ទីគ័រផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ Global Times

ចុចអាន ៖ ការស្រាវជ្រាវ៖ វ៉ាក់សាំង Sinovac ដូសទី៣ បង្កើនកម្រិតអង់ទីគ័រ ខ្លាំងក្លា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ១៨ នាទី មុន

លោក គួច ខេវិន ៖ ពិធីករ-ពិធីការិនី មានតួនាទីសំខាន់ក្នុងការបង្ហាញអត្តសញ្ញាណថ្លៃថ្នូរ​ជាតិសាសន៍ខ្លួន

ព័ត៌មានអន្ដរជាតិ១៨ នាទី មុន

ហាងឆេងតម្លៃប្រេងសាំងពិភពលោក បន្តធ្លាក់ថ្លៃច្រើនគួរសម

ព័ត៌មានអន្ដរជាតិ២៤ នាទី មុន

វៀតណាម ជាប់ចំណាត់ថ្នាក់ទី៦ ជាប្រជាជនមានសុភមង្គលបំផុតនៅ អាស៊ី

សន្តិសុខសង្គម៣០ នាទី មុន

មន្ត្រីជំនាញខេត្តកំពង់ចាម ចុះណែនាំដល់ម្ចាស់យានដ្ឋានជួសជុល និងកែច្នៃឧបករណ៍បំពងសំឡេងខុសបច្ចេកទេស

ព័ត៌មានជាតិ៣៥ នាទី មុន

មន្ត្រីនាំពាក្យ៖ ការរឹតបន្ដឹងអាជីវកម្មគ្រាប់រំសេវ ជាវិធានការទប់ស្កាត់ ដើម្បីបញ្ចៀសរាល់បាតុភាពផ្សេងៗ

Sokha Hotels

ព័ត៌មានពេញនិយម