ព័ត៌មានអន្ដរជាតិ
ឃើញស្ថានភាពកាន់តែវឹកវរ អាមេរិក ត្រៀមបញ្ជូនទ័ពបន្ថែមទៀតទៅកាន់ទីក្រុងកាប៊ុល
រដ្ឋាភិបាលអាមេរិកត្រៀមបញ្ជូនកងទ័ព ១ ពាន់នាក់បន្ថែមទៀត ដើម្បីជួយពន្លឿនការជម្លៀសពលរដ្ឋអាមេរិក និងបុគ្គលិកមូលដ្ឋាននៃបេសកកម្មអាមេរិកនៅអាហ្វហ្គានីស្ថាន បន្ទាប់ពីពួកតាលីបង់បានចូលគ្រប់គ្រងរដ្ឋធានីកាប៊ុលប្រកបដោយប្រសិទ្ធភាព ។
ក្រសួងការបរទេស និងមន្ទីរបញ្ចកោណបានចេញសេចក្តីថ្លែងការណ៍រួមមួយកាលពីថ្ងៃអាទិត្យ ដោយនិយាយថា ពួកគេនឹងពង្រីកវត្តមានកងសន្តិសុខរបស់ពួកគេដល់ជិត ៦ ពាន់នាក់ក្នុងរយៈពេល ៤៨ ម៉ោងខាងមុខនេះ ។
កងទ័ពទាំងនោះនឹងគ្រប់គ្រងការត្រួតពិនិត្យចរាចរណ៍ផ្លូវអាកាស ដើម្បីជួយសម្រួលដល់ការចាកចេញដោយសុវត្ថិភាពរបស់ពលរដ្ឋអាមេរិករាប់ពាន់នាក់ ដែលបានមករស់នៅអាហ្វហ្គានីស្ថាន ។
ក្រសួងការបរទេសបាននិយាយថា បុគ្គលិកស្ថានទូតអាមេរិកទាំងអស់ ត្រូវបានជម្លៀសទៅកាន់អាកាសយានដ្ឋានអន្តរជាតិក្នុងទីក្រុងកាប៊ុល ។
ទន្ទឹមនោះ រដ្ឋមន្ត្រីការបរទេសអាមេរិកលោក Antony Blinken បាននិយាយកាលពីថ្ងៃអាទិត្យថា កិច្ចប្រឹងប្រែងណាមួយរបស់ពួកតាលីបង់ ដើម្បីវាយប្រហារកងកម្លាំងអាមេរិក ឬបង្អាក់ប្រតិបត្តិការរបស់ពួកគេ នឹងត្រូវបានឆ្លើយតបយ៉ាងខ្លាំងក្លា និងជាដាច់ខាតតែម្ដង ។
គួរបញ្ជាក់ថា កាលពីថ្ងៃសៅរ៍រដ្ឋបាលលោក ចូ បៃដិន បានបញ្ជាឲ្យបន្ថែមទាហាន ១ ពាន់នាក់ទៀត ដើម្បីជួយជម្លៀសបុគ្គលិកស្ថានទូត ។ សហរដ្ឋអាមេរិកត្រូវបានបង្ខំឲ្យពន្លឿនកិច្ចប្រឹងប្រែងជម្លៀស បន្ទាប់ពីការដួលរលំរបស់រដ្ឋាភិបាលអាហ្វហ្គានីស្ថាន ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ អាមេរិក បញ្ជូនទ័ពទៅអាហ្វហ្គានីស្ថានហើយ តែមិនមែនទៅជួយរដ្ឋាភិបាលទេ
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ