Connect with us

ព័ត៌មានអន្ដរជាតិ

វីរុសបំប្លែងខ្លួនច្រើនឡើងៗកំពុងឆ្លងរាលដាលលឿន និងបង្កក្ដីបារម្ភដល់ពិភពលោក

បានផុស

នៅ

ស្របពេលដែលពិភពលោកកំពុងប្រឈមនឹងការរាតត្បាតនៃវីរុសកូវីដ-១៩ វីរុសនេះក៏មានលេចឡើងរូបរាងថ្មីៗជាច្រើនទៀតគួរឱ្យបារម្ភ។ បម្រែបម្រួលនៃវីរុសកូវីដថ្មីៗ ត្រូវបានអ្នកជំនាញសុខាភិបាលឱ្យឈ្មោះថា វីរុសបំប្លែងខ្លួន ដែលវីរុសនេះក៏ត្រូវបានព្រមានថា ជាប្រភេទងាយចម្លងនិងរាលដាលយ៉ាងឆាប់រហ័ស។

ខាងក្រោមជាវីរុសកូវីដបំប្លែងខ្លួនថ្មីចំនួន ៧ ប្រភេទដែលអង្គការសុខភាពពិភពលោក (WHO) ខ្លាចរាលដាលខ្លាំង និងកំពុងបង្កក្ដីបារម្ភដល់ពិភពលោក។

១. វីរុសបំប្លែងខ្លួនអាល់ហ្វា (Alpha)

Coronavirus Covid-19 Virus - Free photo on Pixabay
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាល់ហ្វាត្រូវបានគេស្គាល់ឈ្មោះម្យ៉ាងទៀតថា B.1.1.7 គឺជាវីរុសកូវីដបំប្លែងខ្លួន ដែលរកឃើញដំបូងនៅតំបន់ Kent ភាគអាគ្នេយ៍នៃចក្រភពអង់គ្លេស កាលពីខែកញ្ញា ឆ្នាំ ២០២០ ។

វីរុសបំប្លែងខ្លួននេះត្រូវបានក្រសួងសុខាភិបាលអង់គ្លេសបញ្ជាក់ថា មានការចម្លងលឿនជាងកូវីដ-១៩ ព្រមទាំងបង្កហានិភ័យខ្ពស់នៃការចូលព្យាបាលនៅមន្ទីរពេទ្យ។

២. វីរុសបំប្លែងខ្លួនបេតា (Beta)

Казахстанский штамм коронавируса не заставит себя долго ждать - медики -  365info.kz

វីរុសបំប្លែងខ្លួនបេតាឬ B.1.351 ត្រូវបានរកឃើញដំបូងនៅអាហ្វ្រិកខាងត្បូង ហើយឥឡូវនេះក៏មានវត្តមានប្រទេសមួយចំនួនផងដែរ។

អ្នកវិទ្យសាស្ត្រជឿថា វាមិនបង្កគ្រោះថ្នាក់ដល់អាយុជីវិតទេ ប៉ុន្តែអាចរាលដាលលឿនជាងកូវីដទម្រង់ដើម។

វីរុសបំប្លែងខ្លួនអាហ្វ្រិកខាងត្បូងត្រូវបានគេរកឃើញនៅក្នុងខែមករា ឆ្នាំ២០២១ ក្នុងចំណោមអ្នកដំណើរអង់គ្លេស។

៣. វីរុសបំប្លែងខ្លួនដេលតា (Delta)

India records 38,079 new COVID-19 cases, 560 more deaths | EastMojo

ដេលតា ឬ B.1.617.2 បានបង្ហាញខ្លួនជាលើកដំបូងនៅក្នុងប្រទេសឥណ្ឌាក្នុងខែតុលា ឆ្នាំ២០២០ ។

វីរុសបំប្លែងឥណ្ឌាមួយនេះជាចំណែកដល់ការកើនឡើងយ៉ាងខ្លាំងនៃករណីអ្នកជំងឺ Covid-19 ក្នុងប្រទេសឥណ្ឌានិងប្រទេសជាច្រើនលើលោក ហើយនៅថ្ងៃទី ៦ ខែឧសភា ឆ្នាំ ២០២១ កន្លងទៅ សេវាសុខភាពសាធារណៈអង់គ្លេស (PHE)  បានចាត់ទុកវាជា “វីរុសបំប្លែងខ្លួនដ៏គួរឱ្យព្រួយបារម្ភ” បំផុត។

យោងតាមការស្រាវជ្រាវពី PHE វីរុសបំប្លែងឥណ្ឌា (Delta) មានល្បឿនចម្លងលឿនជាងវីរុសបំប្លែងខ្លួន Alpha ប្រមាណ ៦០ ភាគរយឯណោះ។ ហើយអ្នកជំងឺដែលឆ្លងវីរុសបំប្លែងខ្លួនប្រភេទ ដេលតា ប្រឈមហានិភ័យខ្ពស់បំផុតនៃការចូលមន្ទីរពេទ្យ។

៤. វីរុសបំប្លែងខ្លួនហ្គាម៉ា (Gamma)

Leiden Leadership Lunch: COVID-crisis or COVID-opportunity? - Leiden  University

ហ្គាម៉ាដែលត្រូវបានគេស្គាល់ឈ្មោះផងដែរថាជាវីរុសបំប្លែងខ្លួនប្រេស៊ីល ឬ P1 និងបានរកឃើញដំបូងគេកាលពីខែវិច្ឆិកា ឆ្នាំ ២០២០ នៅប្រទេសជប៉ុន នៅក្នុងចំណោមអ្នកដំណើរមកពីប្រទេសប្រេស៊ីល។

ហ្គាម៉ាត្រូវបានចាត់ថ្នាក់ជាវីរុសបំប្លែងខ្លួនគួរឱ្យព្រួយបារម្ភនៅក្នុងបញ្ជីរអង្គការសុខភាពពិភពលោក។ អ្នកជំនាញជឿថា វីរុសបំប្លែងខ្លួនប្រេស៊ីល អាចចម្លងរោគទ្វេដងដូចទៅនឹងវីរុសកូវីដ-១៩។

៥. វីរុសបំប្លែងខ្លួន ឡាំបដា (Lambda)

Global fears mount on COVID-19 Delta strain 'variant of concern'

អង្គការសុខភាពពិភពលោក (WHO) បានប្រកាសពីការរកឃើញកូវីដបំប្លែងខ្លួនប្រភេទ Lambda ​ដំបូងនៅ​ប្រទេស​ប៉េរូ នា​ខែ​សីហា ឆ្នាំ​២០២០។

វីរុស​បំប្លែងខ្លួន Lambda មាន​ភាព​បម្រែបម្រួល​គួរ​ឲ្យ​តាម​ដាន​ខ្ពស់​ដូច​ជា សមត្ថភាព​នៃ​ការ​ឆ្លង​លឿន និង​អាច​ប្រឆាំង​អង្គ​បដិ​ប្រាណ​ក្នុង​រាងកាយ​យើង។ ប៉ុន្តែ​វា​មិន​ទាន់​រាលដាល​ខ្លាំង​គួរ​ឲ្យ​បារម្ភ​ដូច​វីរុស​បំប្លែង Delta នៅ​ឡើយ។ ថ្វី​បើ​មាន​របាយការណ៍បញ្ចាក់យ៉ាង​ដូច្នេះ តែវីរុស​បំប្លែងខ្លួន Lambda មាន​ភាព​ធ្ងន់ធ្ងរ​ជាង​វីរុស​បំប្លែង​ខ្លួន​ផ្សេងៗ​ និង​កាត់​បន្ថយ​ប្រសិទ្ធភាព​នៃ​វ៉ាក់សាំង។

៦. វីរុសបំប្លែងខ្លួនឡូតា (Lota)

New COVID-19 variant: What we know so far

យោងតាមការបោះពុម្ពផ្សាយនៅលើគេហទំព័រ medRxiv បានឲ្យដឹងថា វីរុសបំប្លែងខ្លួន Iota ដែលគេស្គាល់ម្យ៉ាងទៀតថា B.1.526 ត្រូវបានរកឃើញដំបូងនៅទីក្រុងញូវយ៉ក ក្នុងខែវិច្ឆិកា ឆ្នាំ ២០២០។ បើប្រៀបធៀបទៅនឹងវីរុសបំប្លែងខ្លួនដទៃទៀត វីរុសនេះមានអត្រាចម្លងលឿនជាងពី ១៥ ទៅ ២៥ ភាគរយឯណោះ។ អ្វីដែលគួរកត់សម្គាល់ វីរុសបំប្លែងខ្លួន lota  អាចគេចផុតពីប្រព័ន្ធភាពស៊ាំ និងបង្កើនហានិភ័យស្លាប់ខ្ពស់ខ្លាំង ជាពិសេសក្នុងចំណោមមនុស្សចាស់។

៧. វីរុសបំប្លែងខ្លួន អូមីក្រុង (Omicron)

អង្គការសុខភាពពិភពលោក (WHO) បានប្រកាស វីរុសបំប្លែងខ្លួនដែលមានឈ្មោះដំបូងថា B.1.1.529 គឺជាវីរុសបំប្លែងខ្លួនថ្មីបង្កក្តីព្រួយបារម្ភខ្លាំងបំផុតចំពោះពិភពលោក ហើយបានដាក់ឈ្មោះហៅថា Omicron។ វីរុសបំប្លែងខ្លួនថ្មីនេះត្រូវបានរាយការណ៍ជាលើកដំបូងទៅកាន់ WHO ពីប្រទេសអាហ្វ្រិកខាងត្បូង នៅថ្ងៃទី២៤ ខែវិច្ឆិកា ឆ្នាំ២០២១ ហើយក៏ត្រូវបានរកឃើញផងដែរនៅក្នុងប្រទេស បុតស្វាណា ទីក្រុងហុងកុង អ៊ីស្រាអែល អាល្លឺម៉ង់ បែលហ្សិក និងអូស្ត្រាលី។ មកដល់ពេលនេះ ​មិនទាន់មានភស្តុតាងបញ្ជាក់ថា វ៉ាក់សាំងណាមួយ អាចទប់ទល់ជាមួយវីរុសបំប្លែងខ្លួន Omicron បាននៅឡើយទេ៕

ប្រែសម្រួល៖ សន្យា

ចុចអាន៖ ពិភពលោកកំពុងស្ថិតក្នុងគ្រោះថ្នាក់ ដោយសារវីរុសបំប្លែងថ្មី Omicron

ចុចអាន៖ វីរុសកូវីដបំប្លែងខ្លួន Omicron មកដល់ អូស្រ្តាលី ហើយ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម