ព័ត៌មានអន្ដរជាតិ
នៅប៉ុន្មានសប្ដាហ៍ទៀតប៉ុណ្ណោះ រោងចក្រផលិតវ៉ាក់សាំងប្រភេទ mRNA ដំបូងបង្អស់របស់ ចិន នឹងចាប់ផ្ដើមដំណើរការ
ប្រព័ន្ធផ្សព្វផ្សាយក្នុងស្រុកបានរាយការណ៍ថា រោងចក្រផលិតវ៉ាក់សាំងការពារជំងឺកូវីដ ១៩ ដោយប្រើបច្ចេកវិទ្យា mRNA ដំបូងបង្អស់របស់ប្រទេសចិន នឹងបើកដំណើរការនៅខែតុលាខាងមុខនេះ ។
មានទីតាំងនៅទីក្រុង Yuxi ខេត្ត Yunnan ភាគនិរតីនៃប្រទេសចិន រោងចក្រនេះអាចផលិតវ៉ាក់សាំងប្រភេទ mRNA ចំនួន ២០០ លានដូសជារៀងរាល់ឆ្នាំ ។
រោងចក្រនេះនឹងផលិតវ៉ាក់សាំងប្រភេទ mRNA ឈ្មោះ ARCoV ដែលបង្កើតរួមគ្នាដោយបណ្ឌិត្យសភាវិទ្យាសាស្ត្រយោធានៃកងទ័ពរំដោះប្រជាជនចិន (PLA) ក្រុមហ៊ុនជីវសាស្ត្រ Suzhou Abogen និងជីវបច្ចេកវិទ្យា Walvax ។
វ៉ាក់សាំង ARCoV គឺប្រើបច្ចេកទេស mRNA កម្រិតខ្ពស់ដូចវ៉ាក់សាំង Pfizer-BioNTech និង Moderna ដែលទាំងពីរនេះមានប្រសិទ្ធភាពប្រហែល ៩៥ ភាគរយ ពោលវាខ្ពស់បំផុតក្នុងចំណោមវ៉ាក់សាំងការពារកូវីដដែលបានអនុម័តទាំងអស់ ។
លោកស្រី Ying Bo ស្ថាបនិកក្រុមហ៊ុនជីវសាស្ត្រ Suzhou Abogen បានប្រាប់វិទ្យុជាតិចិន (CNR) កាលពីខែមេសាថា ការសាកល្បងព្យាបាលដំណាក់កាលទី ១ និងទី ២ នៃវ៉ាក់សាំងចិន ដែលបានធ្វើឡើងនៅក្នុងប្រទេសចិនបានបង្ហាញថា វាអាចប្រៀបធៀបជាមួយវ៉ាក់សាំង mRNA នៅក្រៅប្រទេសចំនួនពីរ ។
ទន្ទឹមនោះ ប្រទេសម៉ិកស៊ិក និងឥណ្ឌូណេស៊ី បានអនុម័តវ៉ាក់សាំង ARCoV សម្រាប់ការសាកល្បងដំណាក់កាលទី ៣ ខណៈការសាកល្បងនេះបង្ហាញប្រសិទ្ធភាពរបស់វាប្រឆាំងនឹងវីរុសបំប្លែងខ្លួនឥណ្ឌា Delta ។
វ៉ាក់សាំង ARCoV អាចត្រូវបានរក្សាទុករយៈពេលជាង ១ សប្តាហ៍នៅសីតុណ្ហភាព ២០ ទៅ ២២ អង្សាសេ និងយូរជាងនេះនៅ ៤ អង្សាសេ ពោលមានន័យថាវាងាយស្រួលក្នុងការដឹកជញ្ជូន ។
ចំណែកនៅក្នុងការប្រៀបធៀបជាមួយវ៉ាក់សាំង Pfizer-BioNTech វិញត្រូវតែដឹកជញ្ជូននៅសីតុណ្ហភាពត្រជាក់បំផុតចន្លោះ ដកពី ៨០ ទៅដក ២០ អង្សាសេ ខណៈវាអាចត្រូវបានរក្សាទុកនៅក្នុងទូទឹកកកស្តង់ដារមួយនៅសីតុណ្ហភាពដក ២០ អង្សាសេរយៈពេល ២ សប្តាហ៍ ហើយវ៉ាក់សាំងប្រភេទ mRNA របស់ក្រុមហ៊ុន Moderna ត្រូវតែរក្សាទុកនៅសីតុណ្ហភាពដក ២០ អង្សាសេ ៕
ប្រែសម្រួលដោយ ៖ ជីវ័ន្ត
ប្រភព ៖ CGTN
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore