ឥណ្ឌាប្រតិកម្មនឹងលោក ត្រាំ ដែលចាត់ទុកស្ថានភាពខ្យល់ប្រទេសខ្លួនថា កខ្វក់ និងស្មោគគ្រោក

ប្រជាជនឥណ្ឌាបានប្រតិកម្មទៅនឹងប្រធានាធិបតីអាមេរិកលោក ដូណាល់ ត្រាំ ដែលបានពិពណ៌នាអំពីខ្យល់នៅក្នុងប្រទេសឥណ្ឌា ចិន និងរុស្ស៊ីថាកខ្វក់ និងស្មោគគ្រោក  អំឡុងពេលការជជែកដេញដោលលើកចុងក្រោយ ។

សុន្ទរកថារបស់លោក ត្រាំ បានទាក់ទាញទាំងកំហឹង និងការធ្វើអធិការកិច្ច ខណៈដែលប្រជាជនឥណ្ឌាមួយចំនួនបានស្នើសុំឲ្យលោកនាយករដ្ឋមន្រ្តី ណារេនត្រា ម៉ូឌី ធ្វើការកត់សម្គាល់ ។

អ្នកផ្សេងទៀតបានយល់ស្របថា ខ្យល់របស់រដ្ឋធានីដេលីស្ថិតក្នុងចំណោមតំបន់ដែលស្មោគគ្រោកបំផុតក្នុងពិភពលោក ។

ក្នុងរយៈពេលប៉ុន្មានសប្តាហ៍ថ្មីៗនេះគុណភាពខ្យល់របស់ទីក្រុងបានប្រែទៅជា “ធ្ងន់ធ្ងរ” ដោយអ្នកស្រុកត្អូញត្អែរពីការពិបាកដកដង្ហើម ។

រដូវបំពុលដ៏គួរឲ្យភ័យខ្លាចរបស់ប្រទេសឥណ្ឌាបានវិលត្រឡប់មកកម្រិត PM2.5 ដែលជាការបំពុលដ៏តូច ប៉ុន្តែបង្កគ្រោះថ្នាក់នៅលើអាកាសក្នុងរដ្ឋធានីដែលមានជាមធ្យមប្រហែល ១៨០ ទៅ ៣០០ មីក្រូក្រាមក្នុងមួយម៉ែត្រគូបក្នុងប៉ុន្មានសប្តាហ៍ថ្មីៗនេះដែលខ្ពស់ជាងដែនកំណត់សុវត្ថិភាពរបស់អង្គការសុខភាពពិភពលោក ១២ ដងឯណោះ ៕

ប្រែសម្រួលដោយ ៖ ជីវ័ន្ត

ប្រភព ៖ BBC

ចុចអាន ៖ ការជជែកដេញដោលលើកចុងក្រោយ ៖ Trump និង Biden ប៉ះទង្គិចគ្នាលើបញ្ហាធំៗ

ចុចអាន ៖ (មានវីដេអូ) ៖ ឥណ្ឌាបញ្ចប់ការបាញ់សាកល្បងដោយជោគជ័យនូវមីស៊ីលប្រឆាំងរថក្រោះជំនាន់ទី ៣ របស់ខ្លួន