ព័ត៌មានអន្ដរជាតិ
កុមារអាមេរិកឆ្លងកូវីដកើនឡើងជិត២៤០%ចាប់ពីខែកក្កដាមក
ករណីឆ្លងកូវីដ-១៩បានកើនឡើងខ្លាំងយ៉ាងឆាប់រហ័សក្នុងចំណោមកុមារនៅសហរដ្ឋអាមេរិកគិតចាប់ពីខែកក្កដាមក។ នេះបើយោងតាមទិន្នន័យចេញផ្សាយកាលពីថ្ងៃចន្ទដោយបណ្ឌិតសភាកុមារអាមេរិក (AAP)។
បណ្ឌិតសភាកុមារអាមេរិក បានរាយការណ៍ពីកុមារឆ្លងកូវីដថ្មីចំនួន២៤៣៣៧៣នាក់កាលពីសប្តាហ៍មុន។ ចំនួននេះធ្លាក់ចុះតិចតូចធៀបនឹងមុនសប្តាហ៍មុនដែលមានកុមារឆ្លង ២៥១៧៨១នាក់។ វាកើនឡើងប្រហែលជិត២៤០%ចាប់តាំងពីដើមខែកក្កដាមក ដែលមុនខែហ្នឹងកុមារឆ្លងត្រឹមតែ៧១៧២៦នាក់ប៉ុណ្ណោះ។
AAP បាននិយាយក្នុងសេចក្តីថ្លែងការណ៍មួយថា ៖«បន្ទាប់ពីធ្លាក់ចុះកាលពីដើមរដូវក្តៅ ករណីកុមារឆ្លងកូវីដបានកើនឡើងវិញយ៉ាងខ្លាំង និងឆាប់រហ័សដែលមានចំនួនសរុបជិត ៥សែននាក់គ្រាន់តែពីរសប្តាហ៍ចុងក្រោយ»។
ការធ្វើបច្ចុប្បន្នភាពថ្មីបំផុតបានកើតមានឡើងចំពេលសាលារៀនទូទាំងអាមេរិកកំពុងបើកដំណើរការឡើងវិញ ហើយអ្នកជំនាញបានផ្តល់ដំបូន្មានឲ្យមនុស្សធំចាក់វ៉ាក់សាំងដើម្បីការពារកុមារដែលមានអាយុក្រោម១២ឆ្នាំដែលមិនទាន់មានសិទ្ធិចាក់។
AAP បាននិយាយថា គិតត្រឹមថ្ងៃព្រហស្បតិ៍សប្តាហ៍មុន កុមារអាមេរិកសរុបជិត៥.៣លាននាក់បានឆ្លងកូវីដ-១៩ ដែលចំនួននេះស្មើនឹង២៩%នៃករណីឆ្លងកុមារទូទាំងពិភពលោក។
យោងតាមមជ្ឈមណ្ឌលគ្រប់គ្រង និងបង្ការជំងឺឆ្លង (CDC) អាមេរិកបង្ហាញថា គិតត្រឹមថ្ងៃចន្ទម្សិលមិញ ពលរដ្ឋអាមេរិកដែលមានសិទ្ធិចាក់វ៉ាក់សាំងបង្ការកូវីដ-១៩រាប់ទាំងក្មេងអាយុ១២ឆ្នាំឡើងមានចំនួន៦៣%បានចាក់ពេញដូស។
យោងតាមលោកវេជ្ជបណ្ឌិត Scott Gottlieb សមាជិកក្រុមប្រឹក្សាក្រុមហ៊ុនឱសថ Pfizer បាននិយាយថា Pfizer សង្ឃឹមទទួលបានទិន្នន័យពីវ៉ាក់សាំងសម្រាប់កុមារដែលមានអាយុ៥ទៅ១១ឆ្នាំដើម្បីរួចរាល់សម្រាប់រដ្ឋបាលចំណីអាហារ និងឱសថ (FDA) អាមេរិកនៅបំណាច់ខែកញ្ញានេះ។
លោក Gottlieb បន្ថែមថា ៖«FDA និយាយថា ខ្លួននឹងត្រូវការពេលច្រើនសប្តាហ៍ តែមិនមែនច្រើនខែ ដើម្បីធ្វើការកំណត់ដែលពួកគេនឹងអនុញ្ញាតឲ្យចាក់វ៉ាក់សាំងដល់កុមារអាយុ៥ទៅ១១ឆ្នាំ។ ខ្ញុំគិតថា ប្រហែលជាត្រូវការ៤សប្តាហ៍ ឬប្រហែលដល់៦សប្តាហ៍»៕
ប្រែសម្រួល៖ វីរបុត្រ
ប្រភព៖ CNN
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២២ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៧ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល