Twitter ដកសញ្ញាធីកពណ៌ខៀវចេញពីគណនីក្រសួងសំខាន់ៗរបស់ អាហ្វហ្គានីស្ថាន
Connect with us
Helistar Cambodia - Helicopter Charter Services

ព័ត៌មានអន្ដរជាតិ

Twitter ដកសញ្ញាធីកពណ៌ខៀវចេញពីគណនីក្រសួងសំខាន់ៗរបស់ អាហ្វហ្គានីស្ថាន

បានផុស

នៅ

ទីភ្នាក់ងារព័ត៌មាន Pajhwok បានរាយការណ៍កាលពីថ្ងៃអាទិត្យថា បណ្ដាញសង្គម Twitter បានដកសញ្ញាធីកពណ៌ខៀវ (Verified) ចេញពីគណនីរបស់ក្រសួងអាហ្វហ្គានីស្ថានមួយចំនួន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមទីភ្នាក់ងារនេះបានឲ្យដឹងថា គណនីរបស់ក្រសួងការពារជាតិ កិច្ចការបរទេស និងក្រសួងមហាផ្ទៃក៏ដូចជាវិមានប្រធានាធិបតី និងអាជ្ញាធរផ្គត់ផ្គង់ដែលភាគច្រើនមិនមានសកម្មភាព ចាប់តាំងពីរដ្ឋាភិបាលលោក Ghani ដួលរលំបានបាត់សញ្ញាធីកពណ៌ខៀវរបស់ពួកគេ ។

ទន្ទឹមនោះ អតីតអនុប្រធានាធិបតីលោក Amrullah Saleh ដែលបានប្រកាសខ្លួនឯងជាប្រធានាធិបតីអាហ្វហ្គានីស្ថាន បន្ទាប់ពីក្រុមតាលីបង់ក្ដោបក្ដាប់ប្រទេស បាននិយាយថា បានបាត់សញ្ញាធីកពណ៌ខៀវ(Verified) នៅលើគណនីរបស់គាត់ផងដែរ ។

កាលពីមួយខែមុនពួកតាលីបង់បានចូលទីក្រុងកាប៊ុល ដោយជំរុញឲ្យប្រធានាធិបតីបន្ទាប់លោក Ashraf Ghani ចុះចេញពីតំណែង ហើយរត់ចេញពីប្រទេស ខណៈខេត្តចុងក្រោយ Panjshir ដើម្បីទប់ទល់នឹងក្រុមនេះបានចុះចាញ់នៅថ្ងៃទី ៦ ខែកញ្ញា ។

នៅពេលដែលកងទ័ពអន្តរជាតិដកខ្លួនចេញពីប្រទេស ហើយការជម្លៀសជនបរទេសត្រូវបានបញ្ចប់ ក្រុមរ៉ាឌីកាល់តាលីបង់មួយនេះបានបង្ហាញសមាសភាពនៃគណៈរដ្ឋមន្ត្រីបណ្តោះអាសន្ន ដែលដឹកនាំដោយលោក Mohammad Hasan Akhund អតីតរដ្ឋមន្រ្តីក្រសួងការបរទេសដែលស្ថិតនៅក្រោមទណ្ឌកម្មរបស់អង្គការសហប្រជាជាតិតាំងពី ២០០១ មក ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ តាលីបង់ ហាមយុទ្ធជនរបស់ខ្លួនមិនឲ្យកាន់ទូរស័ព្ទសូម្បីថត Selfie

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services